اخونا محمد كمال من كافوري يشرح الاوضاع في الخرطوم حسب رؤيته.
بالنسبة للاشتباك بين الطرفين :
الحرب ما فيها طرف منتصر لحد الان .. شكل الحرب هو عمليات كر و فر واشتباكات و قصف . كل طرف بحاول يثبت من خلال الميديا انه مسيطر على مناطق استراتيجية. لكن على الرغم من أن الجيش قصف 1/15
بالنسبة للاشتباك بين الطرفين :
الحرب ما فيها طرف منتصر لحد الان .. شكل الحرب هو عمليات كر و فر واشتباكات و قصف . كل طرف بحاول يثبت من خلال الميديا انه مسيطر على مناطق استراتيجية. لكن على الرغم من أن الجيش قصف 1/15
معسكرات الدعم السريع الا ان الدعامه انسحبوا من المعسكرات و انتشروا في واتغلغلوا في الأحياء الموجود فيها المعسكرات دي واستخدموا المباني السكنية بعد أن نهبوها وطردوا ساكنيها للتخفي من الطيران الحربي.
معظم المناطق المسيطر عليها الدعم السريع في الخرطوم بحري(الوابورات الاملاك ، 2/15
معظم المناطق المسيطر عليها الدعم السريع في الخرطوم بحري(الوابورات الاملاك ، 2/15
حله حمد ، حله خوجلي، الصبابي، الميرغنية،شمبات،المنطقه الصناعية، كوبر ، كافوري. بالاضافه للشوارع الرئيسية : الانقاذ، الصناعات، المعونه، السيد علي، البلدية ) بالنسبة للخرطوم الانتشار في شارع النيل، المقرن بري، امتداد ناصر، الرياض، الطائف ، اركويت، شارع الستين، نمرة ٢، نمرة ٣ 3/15
حي الزهور، القيادة و وسط الخرطوم) .
اما امدرمان ( كبري شمبات جهة بيت المال، الملازمين، شارع النيل امدرمان ، الإذاعة، شارع الأربعين، كبري السلاح الطبي، المهندسين، صالحه)
الدعم مستفيد من ميزة حركة عربات الدفع الرباعي (التاتشرات) لانهم بقدروا يناوروا وينسحبوا ويغيروا مواقعهم 4/15
اما امدرمان ( كبري شمبات جهة بيت المال، الملازمين، شارع النيل امدرمان ، الإذاعة، شارع الأربعين، كبري السلاح الطبي، المهندسين، صالحه)
الدعم مستفيد من ميزة حركة عربات الدفع الرباعي (التاتشرات) لانهم بقدروا يناوروا وينسحبوا ويغيروا مواقعهم 4/15
بسرعه عكس الجيش لانه معظم عرباته مدرعات و دبابات تقيلة الحركة و في الغالب بتمشي في مسار خط واحد و ممكن تكون في محل استهداف نفسها.
الدعم السريع بغير من خططه ميدانيا مثلا بعد الفترة الأولى من القصف غيرو تشكيلات سير العربات ، بدل رتل عربات بقو يتفرقوا لمجموعات اصغر و توزيع عدد 5/15
الدعم السريع بغير من خططه ميدانيا مثلا بعد الفترة الأولى من القصف غيرو تشكيلات سير العربات ، بدل رتل عربات بقو يتفرقوا لمجموعات اصغر و توزيع عدد 5/15
بسيط من الافراد في شكل تفاتيش غير ثابته، ومع اي استشعار بصوت بهربوا من العربية و يحتموا بالبيوت وواحد او اتنين بس بكون مرتكز في العربية بضرب في مضاد الطيارات او الدوشكا تجاه صوت الطيارة . برضو بدوا يستخدموا عربات المواطنين المنهوبة كتير مؤخراً عشان يوفروا البنزين 6/15
بالنسبة للجيش فمستفيد من الميزة الأساسية عنده و هي الطيران. وده طبعا كان فعال جدا (في البداية) لانه قصف معسكرات الدعم و قلص الامدادات العسكرية و كبدهم خسائر في العربات. بعدها بحاول يضغط على الارض بتكون في مدرعات و وراها بكون في مشاه للتمشيط و الاشتباك للاسف حاليا الطيران 7/15
بقصف في وسط مناطق مدنية سكنية و نسبة الخطأ اصبحت اكتر رغم محاولات الطيارين الاحترافية لتقليص النسبة دي.
في عدد من الجثث المتحلله في الشوارع الحصل فيها ضرب (مثلا جمب كوبري شمبات من جهة بحري، وسط السوق العربي، قريب من محطة بحري الحرارية. 8/15
في عدد من الجثث المتحلله في الشوارع الحصل فيها ضرب (مثلا جمب كوبري شمبات من جهة بحري، وسط السوق العربي، قريب من محطة بحري الحرارية. 8/15
بالنسبة للأمن:
منعدم تماما في مناطق سيطرة الدعم، أما المناطق الغير متواجد فيها دعم الحاله شبه طبيعية ، محلات البقالات، الخضار، المخابز، والمحلات الصغيرة مفتوحه. عمليات النهب ما مقتصرة على جنود الدعم ، في برضو عصابات النقرز، ومواطنين المناطق الطرفية الفقيرة بنهبوا بصورة 9/15
منعدم تماما في مناطق سيطرة الدعم، أما المناطق الغير متواجد فيها دعم الحاله شبه طبيعية ، محلات البقالات، الخضار، المخابز، والمحلات الصغيرة مفتوحه. عمليات النهب ما مقتصرة على جنود الدعم ، في برضو عصابات النقرز، ومواطنين المناطق الطرفية الفقيرة بنهبوا بصورة 9/15
أكبر (مصانع ، متاجر، منظمات، شركات،بنوك، بيوت، كله مستباح) على العموم نفس الدعامه البنهبوك ممكن يتعاملوا معاك عادي جدا على سبيل المثال : واحد في بري امبارح بعد ما كسروا الخزنة وسرقوا بيتهم عرفوا منه انه بفتش في دواء عرضوا عليه انو يكسروا صيدلية ويشيل اي دواء محتاجه. 10/15
واحد تاني في الصبابي نهبوا بيتوا و استباحوه و كسروه جاء راجع البيت بعد فترة يشيل ملابس لقاهم قدام البيت وشافه مفتوح خاف يدخل شافو واحد منهم سأله انت عندك شنو قال ليهو ده بيتي و جيت اشيل غيارات قال ليهو أدخل ما بسألوك دخل لقاهم كسروا البيت و قلبو اي شي سلم عليهم و ردوا 11/15
السلام وضح ليهم انه صاحب البيت قال ليه خلاص شيل حاجاتك العاوزها، من الزعل على حاله البيت الشافها قال ليهم خلاص ما عاوز شي ولما بقى طالع قدموه لغاية الباب و قالوا ليه ربنا يعدل خطوتك و ودعوه وعليكم السلام و قفلوا الباب. 12/15
بالنسبة للخدمات:
أكبر مشكلة خدمية حالياً هي المستشفيات (خرجت من الخدمة) و بعدها مشكلة الموية في بحري (مقطوعه من بداية الحرب)، مافي بنوك شغالة ، بدت تظهر مشاكل انقطاع الوقود و المواد البترولية و لاحقها الغاز والمواد التموينية.
بالنسبة للكهرباء نحن كانت قاطعه لمده 8 أيام من 13/15
أكبر مشكلة خدمية حالياً هي المستشفيات (خرجت من الخدمة) و بعدها مشكلة الموية في بحري (مقطوعه من بداية الحرب)، مافي بنوك شغالة ، بدت تظهر مشاكل انقطاع الوقود و المواد البترولية و لاحقها الغاز والمواد التموينية.
بالنسبة للكهرباء نحن كانت قاطعه لمده 8 أيام من 13/15
بداية الاشتباكات لكن الحمدلله رجعت. خدمة الاتصالات و الانترنت قطع لمده 3 ايام و رجعت برضو الحمدلله
اخيراً ما تصدقوا كل اخبار الإعلام والميديا لان اكترها معد لتشكيل صورة معينة على لكن أرض الواقع الكلام مختلف.. زي مثلا ان الجيش حيحسم القصة في 72 ساعه و اسي سيطر على بحري 14/15
اخيراً ما تصدقوا كل اخبار الإعلام والميديا لان اكترها معد لتشكيل صورة معينة على لكن أرض الواقع الكلام مختلف.. زي مثلا ان الجيش حيحسم القصة في 72 ساعه و اسي سيطر على بحري 14/15
والخرطوم و الشرطة رجعت و بطيخ، مافي اي وجود للشرطه في مناطق سيطرة الدعم.
على العموم والواحد اسف انه بقول الكلام ده لكن الوضع سيئ وماشي للاسوء . ربنا يصلح الحال ويسلم الجميع و يوقف الحرب اللعينة دي لأن الخسارة كبيرة جدا 15/15
على العموم والواحد اسف انه بقول الكلام ده لكن الوضع سيئ وماشي للاسوء . ربنا يصلح الحال ويسلم الجميع و يوقف الحرب اللعينة دي لأن الخسارة كبيرة جدا 15/15
جاري تحميل الاقتراحات...