في الزواج ، تزوجي شخص مقتنعه فيه وتقبلين حقيقته ، لا تتزوجين على أمل تغيرينه ، ولا تتزوج على أمل تغيرها ، لأن خيار تغيير الآخر مو من ضمن خياراتك ، ممكن تتأثرون ببعض ، لكن تغيير الآخر تظل حالة ماتقع ضمن امكانياتك ، انت تقدر تغير نفسك فقط
وش اللي خلاني افتح السيرة ، جتني رسالة محولة على الواتس اب تتعلق بكلامي اللي فوق بس مفادها عكس كأنه عادي تزوجي شخص مو مناسب يفتقر لأهم الأخلاق والآداب وتعالي انتي غيريه🤷🏻♀️ .. الزواج مو مؤسسة اصلاحية + الزواج مو للإستقرار ،الزواج للمستقرين .. حاول تستقر مع نفسك قبل لاتبلش اللي معك
يعني الزواج لحالة مايكفل لك نتيجة الاستقرار ، بالنسبة لي اشوف انك تتزوج لما تكون مستقر وراكز ومستعد بعد ، وغالباً المستقر يلاقي مستقر مثله ، هذا رأيي قد يكون صائب او خاطئ الله أعلم .. لكن لما تشهد صفات معينه ترفضها في الشريك وقد تكون مضرة لك من البداية لاتتجاهلها ، انتبه
لا تدخل ، او لاتكمل على أمل انك تقدر تسيطر على الوضع او تغيره .. اما انك تتقبل هالحقيقة وتمضي فيها .. او لا تكمل وانت حاط في راسك فكرة انك قادر تهديه او تغيره وتشكله على كيفك .. لأن غالباً وزي مايقولون ابو طبيع مايجوز عن طبعه ، الا بإرادة قوية منه ، وماتقدر تراهن عليها
عاد قصص الواتس غريبه عجيبة 😂
هم يحولونها عشان يوصلون رسالة يتفقون معها ، لكن القاني انقد الفكرة اللي ترمي له القصة ، وغالباً ماأعلق عليها .. بس بما اني في مساحتي هنا اقدر اعبر عن فكرتي
هم يحولونها عشان يوصلون رسالة يتفقون معها ، لكن القاني انقد الفكرة اللي ترمي له القصة ، وغالباً ماأعلق عليها .. بس بما اني في مساحتي هنا اقدر اعبر عن فكرتي
الصفات قد تكون متعلقة بالأخلاق او القيم او المبادئ ، وقد تكون اختلافات مالها علاقة بالصح والخطأ لكن ماتقدرون تتعايشون معها .. قد تكون صفات مؤذية ومضرة .. انتبه تقص على نفسك وانت تشوف كل شيء واضح قدامك من البداية ، الناس اذا اظهروا لك حقيقتهم صدقهم من المرة الأولى
الهدف من الزواج ( لتسكنوا اليها )
سكينة ، سلام ، مودة ، رحمة ، والمودة اشمل من الحب واكبر .. الحب داخل ضمن الموده ،
المودة تعبير بالفعل عن هذا الحب
، مو للمصارعه والمشاكل وفرض الراي ومغالبة الآخر او محاولة السيطرة .. عشان كذا من البداية خلكم واضحين مع بعض وصادقين مع انفسكم
سكينة ، سلام ، مودة ، رحمة ، والمودة اشمل من الحب واكبر .. الحب داخل ضمن الموده ،
المودة تعبير بالفعل عن هذا الحب
، مو للمصارعه والمشاكل وفرض الراي ومغالبة الآخر او محاولة السيطرة .. عشان كذا من البداية خلكم واضحين مع بعض وصادقين مع انفسكم
جاري تحميل الاقتراحات...