هو انا زاتي م متعاطفه معاهم بس في قصه نفسي اقوله حكته واحده من جنوب السودان قالت لمن كانت بتقرا هنا فالزعيم الازهري علاقات سياسيه سنه ٢٠١٣ قال ليهم شهر ٢ فيهو شنو وكلهم بقو يتضحكو قال ليهم شهر ٢ سنه ٢٠٠٣ اي قبل ١٠ سنين من اسي قامت اول حرب اهليه في دارفور وبقت عباره عن
مخيمات نازحين بعدها قال تفتكرو الطفل الاتولد في المخيمات دي عمرو كم قالو ليهو ١٠ سنه قال ليهو بعد عشره سنه من اسي الطفل دا حيكون انضم لواحد من الحركات المسلحه حيرفع سلاحو ويجي يضرب جوه الخرطوم قالت طبعا اتهجممنا من كلام دكتور هشام وجايب الكلام دا من وين والزمن داك النظام الحاكم
كان مسيطر والتنميه فالخرطوم زي الطلقه قالينا م تستغربو الاطفال الفي المخيمات ديل قنابل حيه قال الطفل العايش دا قاعد يسمع انو النظام المقرو فالخرطوم دا هو السلب منك طفولتك وحرمك احبابك وعيشك منبوذ داخل وطنك ورماك فالمخيم الطفل بسمع انو الخرطوم فيها احسن خدمات وتعليم ومستشفيات و
وحتات جميله قال الطفل دا قلبو اتملا حقد على الخرطوم عارفين دا شنو دي فتنه المنظمات الدوليه قاليهم طبعا من السنه الاولى قريتو عن اطماع الغرب في الدول العربيه والافريقيه والسودان قال قلنا دايرين الديموقراطيه جمعنا الحكام من هنا ومن هنا حققناها فتبتدي الفتنه الغرب يجدع شرارتو
والاعلام يضخم والفتنه هنا م حقت حكام حقت شعوب وقبائل ويجي الغرب داخل يشوف الحلقه الاضعف ويقول ليها انت المغلوب عليك ويمشي للطرف التاني دايرين يهزوك م في البترول حنجيب ليك السلاح دلفري اتقاتلو واتطاحنو وابقوا رماد حنجي نلم الرماد ونكبو ف نهر النيل الطويل ونستلم بدلكم استمر وقال
الطفل دا فالوقت داك حتى ولو جا نظام تاني يحقق ليهو مطالبو الطفل دا محيعرف لانو الحقد عمى عيونو وقلبو وقلبو من التفكير استمر وقال الطفل دا حكامنا فالوقت داك حيستخدموهو لصالحم ختم كلامو وقال الحاصل في شرق السودان وغرب السودان ما بعيد يحصل في الجنوب وهي اتضايقت لانها كانت من الجنوب
قالت كان لينا سنتين بس بعد انفصالنا من الشمال الوضع الامني كان ممتاز والاقتصاد برضو من داخل القاعه اقنعت نفسها تماما انو الدكتور دا بطلس ساي ومستخيل يحصل كلام زي دا قلت معقوله حرب اهليه شنو وبين منو ومنو اصلا
كان في جزو تاني بس م نزلتو عموما م قصدي زي م ذكرت اتعاطف او اكون ضد بس القصه عجبتني وقلت احكيها والله يخلصنا جميعا من ظلام الهم دا وترجع ايامنا الطيبه وترجعو لبيوتكم الدافيه ويفتن الحكام ديل بعيد عن الشعب المغلوب على امره
( الغرب م قصدي بيها غرب السودان كان ) .. كلامه بس يا عمار انو الناس دي عاشت وشايفه بقتلو ف امها واحبابه وشالو السلاح بدل يشيلو العاب وعاشو ايام صعبه خرب دارفور دي الاعلام م كان مغطيها بس انتهو من اخوانا حقيقي ودا م بيبرر قتلهم الاسي ..ما اعتقد في انسان حيتعاطف مع بني ادم قتل روح
@ammar_alwali معارفه حصل شنو الرد ابا يجي تحت كلامك المهم 😂😂
جاري تحميل الاقتراحات...