عاوز اصارحكم بحاجه 😊😊😊😊 انا كنت بمصر من اول رمضان ورجعت مقر عملى امس من ضمن ال٨٢ الف مسافر الى سافرو امس وسوف اكتب بهذا الثريد الايجابيات والسلبيات الى شفتها اثناء الاجازة وان كنت اتمنى ان مايكون فية سلبيات خالص وساقول الحقيقة من القاهرة فقط
الطرق الجديدة داخل القاهرة والمحاور الى اتفتحت بمصر الجديدة وجسر السويس حتى روكسى والعباسية وحتى ميدان رمسيس وانزو اليابانى دة والزحمه فكت خالص واصبح مافيش اشارات معقدة زى اشارة روكسى جسر السويس وكوبرى القبة وحلت الاختناقات وتستاهل اى فلوس اتصرفت فيها وكنت اتمنى كل المحافظات
تبقى بالمثل ، ومحطة عدلى منصور رائعه ايضا وموقف العاشر بقى جميل جدا ودى الايجابيات الى شفتها . نيجى للسلبيات بقى القطار الكهربائى تعمدت اركبة من عدلى منصور للعاصمة ورجعت تانى بنفس القطار وللاسف كان بعربية القطار كلنا حوالى ٥ فقط ٣ نزلو الشروق وواحد بدر وواحد كمل للعاصمة معايا
ورجع معايا ٣ فقط بنفس العربة واحنا راجعين وكنت عاوز اتاكد من نظرتى للموضوع وطلعت صح للاسف ومشروع فاشل فقط لانهم لايحسنون ادارتة ولهوا و خفض التذكرة واستغل الاعلانات بالشاشات والمحطات والاذاعة وعمل اماكن ترفيهية على جانبيه هايتغير الوضع لكن الوزير غبى نعملة اية بس
بالنسبة للمناطق االشعبية زى امبابة وشبرا والحسين والخليفة والدرب الاحمر وزينهم ومن على شاكلتهم اصبحت زريبة بمعنى الكلمة واعتقد وصل عدد الباعة المتجولين عدد لايقل عن مليون ومليون توكتوك لدرجة ان فى شوارع ماتعرفش تمشى فيها من زحمة الباعة والتوكتوك
وكان التطوير الى عملة بشرق القاهرة كان فقط لتيسير المرور للعاصمة الادارية اما باقى القاهرة القديمة فهى مزبلة لاشرطة ولا مرور ولا بلدية ولا اى مظهر من مظاهر الدولة سوى كام امين شرطة بيمصلحو على سواقين الميكروباص ، الناس قرفانة من الغلاء بس كلة بيعمل شغل عالتانى ويتبقى فقط الموظف
الحكومى المطحون وموظفى القطاع الخاص ليس لهم اى حلول وربنا معاهم لان الصنايعى بيزود اجرتة وكذلك سائقى الميكروباص والتوكتوك واقل مشوار للتوكتوك ٥ جنية وحتى ٢٠ جنية واقل ميكروباص ٤ جنية والاوتوبيسات العامه اصبحت ب١٢ جنية و١٥ جنيه
اة مطار القاهرة للاسف نزلت صالة ٢ المطار القديم ومش عاوز اقولكم عن الحمامات 🙂🙂🙂🙂للاسف ٢ حمام و٢ مبولة كانت مسدودة ورائحتهم لاتطاق والجوازات خلصت بسرعة والجمارك كانو ناس محترمين اينعم لاابتسامة ترحيب ولا كلمة حتى كانك اكلت اكلة، كلهم غاضبين ومكشرين ولازم الدنيا تتغير بالمطار
البنوك وشركات الصرافة بقى حدث ولا حرج طوابير على البنوك وخناقات لاتنتهى والناس بتروح من ٧ صباحا تكتب اسامبهم فى ورقة وييجى موظف الامن والموظفين يشخطو فى الناس كانها جمعية تعاونية وكل ماتغير ١٠٠ دولار ياخد صورة بطاقتك وجواز سفرك مش عارف لية 🤭🤭🤭🤭بس لقيت ماكينة كنت باغير منها
حجرين معسل السلوم وكوب شاى ب١٥ جنية فى قهوة شعبية كنت بادفع فيهم اخر مرة ٥ جنية، اسعار الاكل والخضار واللحوم محتاج اى بيت ٥٠٠ جنية يوميا علشان تاكل اكل عادى فى البيت زبادى وجبنة وفينو وخضار ورز جبت ١٠ فينو ب١٠ جنية وكوباية الزبادى ب٥ جنية تقريبا وشوية عجينة طعمية 🤣ب١٠ ج
الحاجه الوحيدة الى ماغليتش الحشبش الصباع لسة ب١٠٠ جنية هوا مش كبير قوى زى من سنتين لكن معقول فى ظل التضخم الحاصل ويظل سعرة كدة تبقى حاجه غريبة 🤣🤣🤣 رحت لاصحابى فى شبرا شلة زمان وهما الى اشترو انا ماعرفش غريب 🤣🤣🤣🤣
شارع شبرا مش عارف حصل فية اية كان شارع واسع واتحاهين لقيته فجاة بقى كلة رصيف وتوكتوك ومافيش مكان نمشى فية الى كان دوران شبرا تقعد ربع ساعة على ماتعدى وطبق الكشرى بقى ب٢٥ جنية للاسف ومن غير كمالة ولا تقلية زيادة بس صلصة زيادة وشطة
الناس بمصر العاديين لايعرفون شىء عن مانتكلم عنه بتويتر وكلة مسحول على اكل عيشة وازاى يمصلح على التانى ويطلع منه الجنيه لكنهم بعيدين كل البعد عن كل مانتحدث عنه على تويتر خالص والبعض المتعلم فاهم بس مش عارف اية السبب ومين السبب واية الحل
طبعا لانى ساكن بمدينتى فكل ماكنت اركب اوبر ونزلت القاهرة فقط يمكن ٦مرات زرت الاصحاب والاهل كنت باضطر ادفع الكارتة فوق الاجرة مع ان المسافة بين مدينتى والكارتة حوالى ٥ دقايق سواقة بس مش فاهم مين الغبى الى عمل الموضوع دة
الممشى الى بيتعمل عالنيل بالتحرير وحتى الزمالك رائع وان كان لم ينتهى بعد ، حتى عاملين بالزمالك ممشى عائم ودة شىء كويس طبعا وهايخلى النيل فسحة جميلة بس اقتلو الباعة المتجولين 🤣🤣🤣🤣🤣
المطاعم والكافيهات الى تحت الكبارى دى اسخف شىء شفتة بالاجازة معقول حد يقعد وسط العربيات حوالية من كل حتة وعادم السيارات والكلاكسات دة هبل ومش عاوز تتركها مهجورة لتفادى التبول والباعة المتجولين يمكنك عمل اسوار حولها حديد او خرسانة واة مافيش دورات مياة بالشارع غير بالقهاوى الشعبية
كان ممكن تستغل كل تلك الكبارى لعمل حمامات للناس ولو بفلوس حتى لان مشكلة الحمامات بمصر بقت فظيعة ، حتى النادى الرياضى الى مشترك فية قام بتاجير ربع مساحتة للباعة المتجولين وعمل ملاعب للايجار بالساعة ومش هاقولك عالشتيمة والالفاظ ولا افلام زمان
جاري تحميل الاقتراحات...