السفر عبر أثيوبيا من مجرب (انا امجد شخصيًا )‼️( ما محتاج لا اقامة لا جواز اجنبي لا حاجة)
الحمد لله اليوم ٢٥ ابريل قطعت الحدود الاثيوبية و الان بكتب الرسالة دي من مطار مدينة غوندر في أثيوبيا. اولا عشان ما تصدقو الاشاعات …انا زول ما عندي اي اقامة في اي دولة ولا جواز اجنبي.
الحمد لله اليوم ٢٥ ابريل قطعت الحدود الاثيوبية و الان بكتب الرسالة دي من مطار مدينة غوندر في أثيوبيا. اولا عشان ما تصدقو الاشاعات …انا زول ما عندي اي اقامة في اي دولة ولا جواز اجنبي.
طلعت من الخرطوم الي مدني بعدين الي القضارف ، الطريق اخد ٨ ساعات ، نمنا في القضارف و الساعة ٤ ص اتحركنا للقلابات المنطقة الحدودية مع أثيوبيا. الطريق ما كعب شديد تقريبا ٥ ساعات بس كلو حفر ، مافي اي دكاكين في الشارع شيل حاجاتك كلها و يستحسن تكونو مجموعة تاجرو هايس من القضارف
(اجار الهايس كلو بياخذ تقريبا ٣٠٠ الف ) احسن تبيت في القضارف و ترتاح لانو برنامج قطع الحدود ممكن يكون مرهق خاصةً للنساء و كبار السن ،، اول ما تصل الحدود السودانية عندك ٤ إجراءات تعملها و كلها سهلة و سريعة بس ممكن تكون زحمة شوية بعد دا ( الامن ، الاستخبارات ، الجوازات و الجمارك)
خليك بارد و ما تتوتر الدرب سالك ان شاء الله بتعبر ما اشتغل بي اي كلام . بتدق ختم الخروج و تقطع ليك كبري ٣٠ متر للحدود الاثيوبية ، اول ما تعبر اول حاجة تعملها تدخل جوازك مكتب التأشيرات (بكون علي يدك اليمين). لو معاك اطفال او نسوان و الزمن أتأخر ممكن تطلع برا الحدود الاثيوبية عادي
جدًا و تشوف ليك فندق او بيت تبيتو فيهو قدام في نفس الشارع ما تخافو المكان امن بس خليك حريص علي حاجتك و ما اطلع بليل ، الشنط خلي زول معاها عشان قبل الساعة ٥ ما بخلوك تخش بيها. امشي و تعال راجع شيل الشنط بعد ما ناس الجمارك يتخارجو مافي زول بسالك تاني ان شاء الله.
نقاط مهمة:
1.الفيزا انت و حظك ، ممكن تكلفك ٨٠ دولار او تكون مجانية انا.. شخصيا ما دفعت اي حاجة
2.شيل معاك صورتين فوتوغرافية و صورة جواز للضمان
3.النساء : عادي تشيلو دهب مافي زول بسالكم
4.احتمال كبير تحتاج تبيت في المتمة ف من بدري وفق امر المبيت قبل الظلام
1.الفيزا انت و حظك ، ممكن تكلفك ٨٠ دولار او تكون مجانية انا.. شخصيا ما دفعت اي حاجة
2.شيل معاك صورتين فوتوغرافية و صورة جواز للضمان
3.النساء : عادي تشيلو دهب مافي زول بسالكم
4.احتمال كبير تحتاج تبيت في المتمة ف من بدري وفق امر المبيت قبل الظلام
5. شيل معاك كاش!!!! سعر الصرف من بر لجنيه ١ ب= ٦٣٠ ج س
6. اخر و اهم حاجة !!!! خلي بالك طوييييييل و خليكم موقنين انو الله قال " ان مع العسر يسرا" الموضوع مرهق بس بنتهي …. والله يا جماعة كل شي بتيسر الحمد لله و الاثيوبيين ظريفين شديد بنسوك الحاصل ذاتو ❤️❤️ !!!
6. اخر و اهم حاجة !!!! خلي بالك طوييييييل و خليكم موقنين انو الله قال " ان مع العسر يسرا" الموضوع مرهق بس بنتهي …. والله يا جماعة كل شي بتيسر الحمد لله و الاثيوبيين ظريفين شديد بنسوك الحاصل ذاتو ❤️❤️ !!!
بس خليكم هادئين و ما تزهجو ولأ تيأسو كل الناس بتخش (سوداني علي اجنبي )
ربنا يعينكم و يوفقكم و يطفىء نار الفتنة و نرجع بلدنا قريييب عشان نبنيها من الاول و احسن من ما كانت ان شاء الله 🤲🏽 الحمد لله من قبل و بعد
ربنا يعينكم و يوفقكم و يطفىء نار الفتنة و نرجع بلدنا قريييب عشان نبنيها من الاول و احسن من ما كانت ان شاء الله 🤲🏽 الحمد لله من قبل و بعد
شير يا جماعة عشان الكل يستفيد ❕❗️
جاري تحميل الاقتراحات...