باشوف التعليقات و الكوتس على التويتةدي غالبيتها(إن لم يكن جميعها)واخدة الجانب السلبي!
مع إني شايفة ان الهويةالتالتة دي حاجة إيجابية.
الطبيعي ان الزمن مابيرجعش لورا، فمحاولتك للرجوع هتبقى غير منطقية(لا انت نفس الشخص، ولا الأماكن بتفضل على حالها)
في مكانك الجديد انت شخص فريد (٥/١)

جاي بميراث ثقافي معين، و بتحاول في نفس الوقت تكتسب ما يلائمك من ثقافة المكان الجديد، ده بيوسع مداركك و بيفتح آفاق جديدة كمان في شخصيتك ماكنتش تعرف عنها حاجة لأن تجربتك ما حطيتكش في المواقف دي قبل كده بحكم البيئة.
باختصار، انا شايفاها عملية تطور في الشخصية..(٥/٢)

لكنه تطور مضاعف السرعة بالمقارنة، لأن فيه أكتر من متغير (الزمن، والمكان) ...غير لو فضلت مكانك فانت بتتطور فقط بحكم مرور الزمن.
و بعدين احنا متفقين ان الحياة غير عادلة في العموم، و انت اخترت الطريق ده (الهجرة) لسبب أو لآخر...و دورك انك تتعامل مع السلبيات بواقعية (٥/٣)

لأنها كده كده هتحصل ! لكن عقلك بيخدعك ساعتها انه يفكرك بأيام حلوة (مابقيتش موجودة على فكرة) كوسيلة دفاعية قدام الأوقات الصعبة.
لكن لو أخدت بالك: لو في وقت ذروة نجاح او سعادة/انتصار، حنينك للماضي و لموطنك الأصلي ما بيبقاش بنفس حالة الشجن.
دي طبيعة البني آدم. (٥/٤)

و دي طبيعة الحياة...انت بس زود الأوقات الحلوة على قد ماتقدر، و ماتنساش في الأوقات الوحشة انها هي كمان هتعدي..
(٥/٥)