- صديق يكتب تويت يهدد ويتوعد ويتهم.
- أدخل أرد عليه وأقول بلاش الكلام ده علشان الناس بترجع تندم (أزمة قطر مثال)، وياريت نركز في اللي بيضربنا فعلًا في أمننا القومي (وميليشياته حجزت جنودك).
= هي ردت علشان عليها بطحة.

عقليات أغبى من أغبى جاهل، وأخطر على البلد من أخطر عدو.

أنا بقى اللى نفسي أعرف هي الشقيقة اللي ضربتنا في ملف سد النهضة، وحجزت جنودنا في السودان، ماسكة على اللجان إيه؟ هل ينفع احنا كمان نقول إنها بتدفع لهم علشان يحطوا لسانهم في بؤهم، ويسكتوا عن سياساتها في المنطقة وتصريحات كتابها المهينة، وكمان يهاجموا غريمتها السعودية بالنيابة عنها؟

من 4 سنين صديقة متابعة الملف جدًا لفتت نظري لسياسات الشقيقة في مصر والإقليم، وحذرتني بلاش تكتبي عن اللي بيحصل، علشان حتتقطعي من لجانها. وقالت حرفيًا: انتي ممكن تهاجمي الرئيس ومحدش يكلمك، لكن لو جيبتي سيرتها مش حتترحمي. تخيلت أنها بتتبالغ، بس واضح أنها كانت صح.

اللي بيهاجمني بحجة كلامي عن السعودية، هو الحقيقة بيهاجمني علشان في النص بيشوف كلامي عن الإمارات.