بالوقت هتكتشف إن تمسكك بشخص أو فكرة، كان فهم لحظي، وبعد سنين بتعدي على الشخص أو الفكرة وتضحك، وتقول لنفسك: أنا فعلًا الشخص ده مكانش مناسب ليا، الفكرة دي أنا إزاي كنت متبنيها ومتمسك بيها للدرجة؟
هيجي عليك وقت حتى الشخص اللي بتراقبه ليل نهار، مش هتفتكر إنه مر على حياتك من الأساس.

الوظيفة اللي خططت حياتك على أساسها ومجتش، البني آدم اللي كنت بتتمناه شريك حياتك ومحصلش نصيب، كل ده بيعدي وبتنسى، هتزعل فترة، لكن مش هتزعل طول العمر.
النسيان نعمة عظيمة، والحياة بتستمر، الناس بتنسى اللي بيموتوا، بتنسى اللي حبوهم، وأظن من غير النسيان، عمر ما حد كان هيقدر يواصل.