ي شباب مافي زول يقرب من اي حتة فيها ارتكازات لي الدعم او قوات الدعم عموماً الناس ديل مجرمين ومافي قلوبهم رحمه مرتزقة ما عندهم اي شي للوطن او المواطن ، وكلام انك انت مدني مافي زول حيتعرض ليك دا كلام فاضي ،الليلة كنت مضطر اطلع من بيتنا للضرورة
عندي بنات خالي في شارع المطار اخلو عمارتهم وبقو قاعدين ف الشارع وما معاهم زول وانا ف شرق النيل ومافي حل غير اني اقطع الكبري وامشي اخدهم ، م كان عندي وقت حتى اسال من الشارع بس اتوكلت وطلعت
اول شي مافي اي وجود للجيش ف شرق النيل كلها والدعم عامل ارتكازات قبل الكبري وقواتهم منتشرة ف كل مكان حتى بعد الكبري
اول م جيت داخل عليهم اتلمو فيني كلهم ونزلوني من العربية بدون تفاهم للأرض طوالي وختو السلاح ف راسي وبدو استجوابات واسئلة غريبة عن اني نقيب ونحن شفناك قبل كدا بدون حتى يسألو من بطاقاتي الشخصية او هويتي
خلوني ف الشارع راقد قرابة النص ساعة والأسلحة موجهة علي منتظرين اجاوب على اسئلة م منطقية اساساً واستهبال فيما بينهم وترهيب واطلاق نار ، اثناء الكلام دا كان في قوات بتفتش ف العربية ونهبت كل ممتلكاتي الشخصية قروشي وتلفوني حرفياً شالو اي شي
لي درجة خلوني افتح تلفوني واشيل الباسوورد قادرين تتخيلوا البجاحة ؟
ولمن القوات اللي نهبت خلصت فكوني وقالو لي اتحرك وكأنه مافي شي حصل ، خلاصة الموضوع يخوانا مافي زول يطلع من بيته الا للضرورة وما تعرض نفسك واهلك لي اي احتكاك بيهم نهائياً
ولمن القوات اللي نهبت خلصت فكوني وقالو لي اتحرك وكأنه مافي شي حصل ، خلاصة الموضوع يخوانا مافي زول يطلع من بيته الا للضرورة وما تعرض نفسك واهلك لي اي احتكاك بيهم نهائياً
ووين م طلعتوا م تشيلوا قروش الا قدركم بس ، وخلو اي ممتلكات مهمة ف البيت وشيلو اي تلفون بسيط للتواصل بس ، وربنا يصلح الحال ويعدي الايام دي على خير .
جاري تحميل الاقتراحات...