كل ما تخاف عاوزك تتذكر إنه كان في قافلة ماشة في صحراء ووقفت عشان تشرب موية من بئر فلقوا جواهو شخص شبه ميت حاولوا يسعفوه فنزلوا ليه الأول شوية لبن فشربهم ، وبعدها بدقائق و أثناء ما بيرفعوه وقع حادث تاني ففتح رأسه ومات ، يومها شيخ القافلة قال الشخص دة ربنا ألهمنا نمشي بالطريق دة

ونجده في نص الصحراء المستحيلة دي ونحييه من موت محتوم ، عشان كلنا نسوق ليه رزقه المُقدر والمكتوب والكان فاضل ليه من الدنيا دي والمُقدر ليه في شوية اللبن دة .
- والشاهد من القصة إنه ربنا لو كاتب ليك رزق في الدنيا دي حتى ولو شوية لبن فمصيره يحييك من الموت وينقذك من نص صحراء

ومن وحدة وفي إنقطاع الأسباب عشان ينولك بس رزقك المكتوب حتى ولو مُقدر ليك في شوية لبن فما بالك لو مكتوب ليك عُمر أو نجاح أو وظيفة أو زواج و أيام ، ربنا كريم ولطيف وماف لا حول ولا حركة ولا قوة إلا بإذنه أولاً
- وفي الحديث للرسول ﷺ
"لن تموت نفساً حتى تستكمل أجلها وتستوعب رزقها"

وربنا يسلم ويغطي علينا ويحفظ الجميع ويشملنا برعايته ويآمن روعاتنا ويحمينا بحمايته.