لمن كنا صغار ابوي عاقبنا نمشي السوق يوميا من بيتنا جمب ميدان المولد يوميا نمشي مظلة الخضار الفي سوق بحري و من وقتها بكره سوق بحري من أعماق قلبي كبرت شوية و بقيت بمشي هناك لشغل و اتغيرت فكرتي تماما تركب تكتك المزاد و تنزل في عصير الليمون تمشي بشارع الخياطين ولا شارع السماكين...
الكنيسة و المحطة الوسطى ناس المخبازة و الزقاقات الباردة كل شي كان بالنسبة لي حلو وقتها من الجنوبيين بتاعين الكنيسة لعرب الدناقلة بحري و اقباط بحري القديمة سوق بحري كان لاميهم كلهم رجعت لسوق بحري في شكل جديد ٢٠١٩ مع بداية الثورة و اول تجمع لناس بحري و المشية للمحطة الوسطى...
سكسك مع الامنجية في حلة حمد و زقاقات السوق real resistance بدا الاعتصام بقينا نخش بالمك نمر و نمر بالسوق انتهت المظاهرات و نزلت جامعة في العربي بجي راجع المحطة الوسطى شبه يومي و بتمشى لحد موقف المزاد و كل يوم بلقى زول جديد اتونس معاهو او اسمع منو قصة ممكن اكتب كتاب بالقصص السمعت
منها بقيت بمشي ليهو كتير عشان الشغل تاني لكن المرا دي كان مع ناس الزراعة و اتعاملت مع ناس محترمين جدا و ذكيين جدا و اكلت احسن سلطة حاكلها في حياتي كلها و اتعلمت كتير عن الدنيا و اسلوب الحياة اكتر من ما ممكن اي دكتور في الحاجات دي يعلمني و للأسف تاني رجعنا بعد الانقلاب...
من المؤسسة للمحطة الوسطى ألمك نمر شبه أسبوعي عشان نمشي القصر حفظناهو اكتر من روحنا و حفظت كل حفرة فيهو سوق بحري ما بس سوق بالنسبة لي هو بحري نفسها هو طفولتي و شبابي انا ما قادر أصدق عيوني ولا عاوز أصدق انو دا حصل
I don't want to think about this war alot but I just realized how bad it is and what's actually happening
ممكن يوم ارجع ما القى حلتنا ما القى اصحابي ما القى اهلي ما القى كل شي صنعني انا اسي
All we can do is pray 🙌
ممكن يوم ارجع ما القى حلتنا ما القى اصحابي ما القى اهلي ما القى كل شي صنعني انا اسي
All we can do is pray 🙌
جاري تحميل الاقتراحات...