اليومين دي شايف في شح في المواد الغذائية والناس ما قادرة تطلع من بيوتها!!
⭕️⭕️نصائح للتعامل مع نقص الأكل والمياه.
#مهم_جداً #ريتويت
#السودان_اشتباك_مسلح
⭕️⭕️نصائح للتعامل مع نقص الأكل والمياه.
#مهم_جداً #ريتويت
#السودان_اشتباك_مسلح
⭕️ دي فترة صعبة محتاجين نقيف فيها مع بعض، احرصوا على التعاون والتضامن مع جيرانكم. شوفوا الناقصكم شنو والناقصهم شنو وغطوا حاجة بعض واتشاركوا الموارد والمعرفة بينكم.
⭕️لو لقيتو طريقة جيبو أطعمة جافة ومعلبة لأنها بتدوم فترة أطول وما بتحتاج ثلاجة. زى الرز والمعكرونة والفاصوليا المجففة.
⭕️ حافظوا على الأطعمة الجافة في علب محكمة الإغلاق عشان تحموها من الرطوبة والحشرات. واحفظوا الأغذية المعلبة في مكان بارد وجاف بعيدًا عن ضوء الشمس المباشر عشان تمددوا عمرها الافتراضي.
⭕️ دوروا مخزون الأكل: طبقوا طريقة "أول شي يدخل، أول شي يطلع". اعملوا الحاجات القديمة قبل الجديدة عشان مخزون الاكل يكون طازج وتتجنبوا التلف.
⭕️ اتحكموا في الكمية: اطبخوا كميات أصغر عشان تقللوا الفاقد وتخلوا مخزون الاكل يدوم فترة أطول.
⭕️ اتناولوا المواد الغذائية القابلة للتلف أولاً: استخدموا الفواكه والخضروات ومنتجات الألبان الطازجة قبل ما تخرب، واحتفظوا بالأطعمة غير القابلة للتلف لي قدام.
⭕️ اتناولوا المواد الغذائية القابلة للتلف أولاً: استخدموا الفواكه والخضروات ومنتجات الألبان الطازجة قبل ما تخرب، واحتفظوا بالأطعمة غير القابلة للتلف لي قدام.
⭕️ استخدموا طرق الطبخ البديلة: استخدموا الطباخات البطيئة أو حلل الضغط أو القلايات الهوائية او حتى الفحم لو في عشان توفروا الغاز وما يقطع.
⭕️ حافظوا على الطعام الزائد: اتعلموا تقنيات الحفظ زي التعليب والتخليل أو التجفيف (تعملوا مخلل)
عشان تمددوا عمر الطعام الزائد.
عشان تمددوا عمر الطعام الزائد.
⭕️ اتعلموا الاقتصاد في المياه: استخدموا تقنيات توفير المياه. استحموا سريع، لو في حاجة بتسرب صلحوها. لو عندكم زرع ما لازم تسقوهو اليومين دي والحوش ما لازم ترشه (بديهيات افتكر).
⭕️ ما تستخدموا حلل كتير اعملوا حاجات بتتعمل في حلة واحدة: كبسة مكرونات بتاع عشان توفروا غاز وموية الغسيل.
⭕️ جهزوا شنطة فيها حاجاتكم المهمة وحاجات طوارئ مع الأغراض الأساسية زي الأطعمة المحفوظة، المياه، الملابس الاحتياطية، والأدوية لسرعة الاستجابة في حالة اضطريتو تخلو البيت.
الكلام دا انا بكتبه وانا زعلان ومصدوم انه دا حقيقي واحنا محتاجين نعمل كدا.. ولكن برضو خلاني احس بي النعم الما شاعرين بيها كنا على قدر ما كنا مستائين من الوضع، كانت في حاجات نحمد ربنا عليها. واسا اكيد رغم الوضع دا في حاجات نحمد ربنا عليها.
ربنا يلطف بينا ويعدي الأيام دي على خير، زي ما قلت ليكم ما تنسوا جيرانكم المحتاجين والاوضاعهم صعبة ان شاء الله تنادوهم تاكلوا سوا وربنا ان شاء الله ما حيضيع اجركم وحيشيل الكربة دي عننا قريب.
وكلما ازداد الليل ظلمة، لابد من طلوع الفجر.
وكلما ازداد الليل ظلمة، لابد من طلوع الفجر.
ريتويت وشيروها في اي مكان لو قدرتوا انا حارتبها ليكم اسا.
جاري تحميل الاقتراحات...