ازيكم، انا سلمى كامل اختصاصي علم نفس سريري، دا ثريد حابة اتكلم معاكم فيهو عن حاجة مهمة شديد في وسط الحاصل دا، كل شي حصل من غير اراداتنا ودا بخلينا نبدا نشعر بي حاجات ما مفهومة او مبهمة بالنسبة لينا…
فحابة اتكلم معاكم عنهم عشان الصورة توضح لينا اكتر، اول حاجة فكرة انو الحياة وقفت فجأة ومن غير مقدمات حتخلينا نحس انو احنا الحياة والمستقبل مبهم بالنسبة لينا لانو الروتين اليومي اتغير في ظرف ثواني ومافي زول عارف القصة دي حتقيف متين، هنا دا حيكون اول trigger…
بعد داك قصة انو فجأة في ضرب رصاص ونار مولعة وبنسمع بي اخبار وفيات واصايات واصوات الطيارات والدانات دا حيكون الtrigger التاني. والtriggers دي حتنشط لينا في الغالب نوبة هلع…
نوبة الهلع هي عبارة عن فترة بتحس بيها ساعات لكن هي عبارة عن ثواني بتتكون من ضيق شديد وقلق وخوف شديد بيبدا فجأة لما الجسم يحس انو في خطر، واحساس الخطر دا بيجي لما الجهاز العصبي يرسل رسالة للغدد بتخلخبط الدنيا وبتخلي يكون في افراز غير منطقي لي هرمون الادرنالين والكورتيزول…
…بتخلي الجسم يخت نفسه في وضعية الاستعداد عشان يدافع عن نفسه، وبكون معاهو اعراض جسدية، بتكون هجمات عفوية وبتتكر وبتخلينا خايفين من انها تتكرر في المستقبل ونبدا نغير في سلوكياتنا عشان نتجنب المواقف المرتبطة بالهجمة او النوبة…
وبالنسبة للاعراض الجسدية بتتكون من:
⁃ألم في الصدر أو انِزعَاج
⁃الإحساس بالاختناق
⁃الدوخة او اضطرب في توازن
⁃الخوف من الموت
⁃الخوف من الجنون أو فقدان السيطرة
⁃مشاعر من عدم الواقعية، أو الغرابة، أو الانفصال عن البيئة أو المحيط
⁃التعرق أو القشعريرة…
⁃ألم في الصدر أو انِزعَاج
⁃الإحساس بالاختناق
⁃الدوخة او اضطرب في توازن
⁃الخوف من الموت
⁃الخوف من الجنون أو فقدان السيطرة
⁃مشاعر من عدم الواقعية، أو الغرابة، أو الانفصال عن البيئة أو المحيط
⁃التعرق أو القشعريرة…
⁃الغثيان، أو ألم المعدة، أو الإسهال
⁃أحاسيس الخدر او الوخذ
⁃الخفقان أو تسرع ضربات القلب
⁃ضيق النفس أو الشعور بالاختناق
⁃التعرق
⁃الارتجاف أو الارتعاش…
⁃أحاسيس الخدر او الوخذ
⁃الخفقان أو تسرع ضربات القلب
⁃ضيق النفس أو الشعور بالاختناق
⁃التعرق
⁃الارتجاف أو الارتعاش…
الاعراض دي كلها او جزء منها لو ظهرت ليك فبالتالي انت ماري بي نوبة هلع، وطبعا اكيد بتفرق من شخص لي شخص على حسب قدرة تحملكم وبنيتكم ولو اصلا عندكم اضطرابات سابقة قبل ظهور الحدث، او اذا في المظاهرات الفاتت او ايام فض الاعتصام ظهرت ليكم وما اتعالجتوا منها وسببت تراكمات حتكون اقوى…
دا بجيبنا لي سؤال انو كيف انا اقدر اتحكم في نوبة الهلع دي لحدي ما الدنيا تروق وتقدر تلقى المساعدة المناسبة لي صحتك النفسية؟
كنوع من الاسعافات الاولية النفسية الممكن تتعمل هي انك تحاول تقلل الزمن البتستهلكه في متابعة الاحداث الحاصلة و تعمل breathing exercise او تمارين الاسترخاء…
كنوع من الاسعافات الاولية النفسية الممكن تتعمل هي انك تحاول تقلل الزمن البتستهلكه في متابعة الاحداث الحاصلة و تعمل breathing exercise او تمارين الاسترخاء…
بتبدا بي انك تغمض عيونك وتفكر في حاجة او مكان انت بتحبه، وتبدا براحة بي شهيق لي مدة ٧ ثواني، تمسك لي مدة ٥ ثواني وزفير لي مدة ٧ ثواني، وتكرر الحركة دي ٤/٥ مرات لحدي ما تحس انو انت عديت من النوبة وعضلات جسمك استرخت تماما…
ولانو احنا بنمر بي احاسيس ومشاعر كتيرة جدا والجسم بيتعب اثناء نوبة الهلع ولو بتتكرر كتير ممكن الواحد يحس بي انو هو احترق نفسيا بي معنى انو الواحد لما يتعرض لضغط نفسي على مدى طويل حتحس بي انهاك وتعب شديد بي سببها…
…او ممكن لانو كيمياء المخ بتتلخبط بي سبب كل الحاجات الانت بتحسها اثناء نوبة الهلع ممكن تدخلنا في نوبة اكتئاب بعد نوبة الهلع مباشرةً.
لو حسيت بي انك ما قادر تتأقلم مع الحاجة دي او حاسي بي انك ما فاهم الحاصل معاك شنو او حاسي بي ضبابية الرجاء اتواصلوا معاي في اي وقت عن طريق الوتساب 00249905157284 عشان نقدر نساعد بعض ونقلل من الاعراض لحدي ما الفترة دي تعدي على خير.
ابقوا عافية وما تنسوا انو قصتكم مهمة ❤️
ابقوا عافية وما تنسوا انو قصتكم مهمة ❤️
جاري تحميل الاقتراحات...