⭕️ طيب يشباب بما إنو لتراشق بالرصاص حيطول، حقول ليكم معلومات طبية بسيطة بس بتفرق جدا في اسعاف المصابين وممكن تنفيذها ينقذ حياتهم وكلنا بنقدر نعملها ما شرط يكون عندكم خلفية طبية .. بالله عليكم اقرو الكلام دا كويس لانو ممكن في اي لحظة تتختو في الموقف دا لا قدر الله ..
⭕️ لما تلقو زول مصاب اتاكدو انكم ما تحركوه قبل ما تسألوه مكان الاصابة وين لانو لو في اي حته في الرقبة او الظهر اقل حركه غلط ممكن تسبب شلل دي اهم نقطه بالله عليكم تنتبهو ليها ⭕️
ونخت حاجة تحت الرقبة عشان نثبتها اي شي ملايه او مخده المهم تكون زي الصوره دي وياريت .. مره ثانيه ماف زول يخم المصاب ويشيلو او يحركو اي تحريكات عشوائيه ..
⭕️ اتاكدو انو بيتنفس وخشمو مافيه حاجة قافلاه مثلا تراب او دم واعدلو ليه راسو زي مافي الصورة .. اعملو الحركة دي علي اقرب زول ليكم اسي عشان ما تنسوها .. اي واحده من الاتنين ديل بتأدي الغرض ✅
⭕️ نجي لاهم نقطة حاليا نشوف مكان الاصابة وين ونربط المكان قبلها بي ملايه او فنيله او اي شي عشان نوقف النزيف باسرع وقت زي ما موضح في الصورة ✅
⭕️ بعدين نضغط علي مكان الجرح لو لسا في شويه نزيف .. يُفضل نستخدم قطعه نظيفه بس بالعدم اقرب حاجة لينا حتي لو فنيلتك زي مافي الصورة ✅
❌ لو الاصابة في البط او الصدر حنضغط برضو بي اي قماش جنبنا عشان نوقف النزيف لكن طبعا هنا مافي طريقة تربط الصدر او البطن .. وبعدها العيان لازم
يمشي ✅
مستشفى ✅
باسرع ✅
وقت ✅
الاصابات دي بتحتاج تدخل سريع وعملية وصعب التعامل معاها في البيت ..
يمشي ✅
مستشفى ✅
باسرع ✅
وقت ✅
الاصابات دي بتحتاج تدخل سريع وعملية وصعب التعامل معاها في البيت ..
❌ لو الطلقة في ظاهره لينا يا شباب ومهما حسيتو انها قريبه وعادي ممكن تطلع اوعك تطلعوها من مكانها لانها احيانا بتكون قافله وريد او شريان كبير والدم واقف واول ما تشيلوها الدم ما حيقيف تاني ابدا .. الضرر حق انها تقعد وقت طويل لحدي تمشو مستشفى اقل من انكم تخاطرو وتطلعوها ❌
ربنا يحميكم ويغطيكم وما تشوفو اي شي في احبابكم يارب واتمنى من قلبي انكم ما تحتاجو الكلام دا لكن حاليا بالله عليكم اقروه واعرفوه تماما الوضع ما معروف ..
وربنا يحفظ البلاد والعباد
وربنا يحفظ البلاد والعباد
جاري تحميل الاقتراحات...