سمّ وتمّ 🫡 " نظم المعلومات الحاسوبية CIS " بجامعة الملك سعود ⚡️ | ثريد
ايش يعني تخصص نظم المعلومات ؟
التخصص اللي عطوه لقب الجوكر 🃏، لانه يلعب دور كبير بمجالات الحاسب و مجالات الادارة ،كيف 🧐 ؟ بإختصار لانه يلبي احتياجات المؤسسات والشركات الإدارية والتنظيمية ، برضو كيف مافهمنا 🤨؟يعني يدور حل تقني للسستم حق الشركة والمشاكل اللي فيه ويطبق الحل 💡
التخصص اللي عطوه لقب الجوكر 🃏، لانه يلعب دور كبير بمجالات الحاسب و مجالات الادارة ،كيف 🧐 ؟ بإختصار لانه يلبي احتياجات المؤسسات والشركات الإدارية والتنظيمية ، برضو كيف مافهمنا 🤨؟يعني يدور حل تقني للسستم حق الشركة والمشاكل اللي فيه ويطبق الحل 💡
⁃📌مهم/عادي ماتعرفون بالبرمجة بتتعلمون مع الوقت وتبدون من الصفر وعادي ماتعرفون تكتبون كود وعادي ماتعرفون تفهمون وتذاكرون انقليزي وعادي ماتتقبلون البرمجة،كلها مع الوقت بتزين وتتطورون ،اهم شي الصملة والسعي والاستمرارية ورغبة التعلم والصبررر. الشغف حلو لكن مب مطلوب لانه يروح ويجي
نكمل ؟ حلو عرفنا انه يدور حل للمشاكل اللي بسستم الشركة طيب كيف يدور حل ؟ والله تناديه الشركة وتقول هذا السستم حقنا وعندنا وووووو وش تقترح علينا ؟
بتخصص النظم عندنا مادة اسمها system analysis "تحليل الانظمة " نشوف السستم وكيف يشتغل ووش الفنكشنز اللي فيه ووش مشاكلة .
بتخصص النظم عندنا مادة اسمها system analysis "تحليل الانظمة " نشوف السستم وكيف يشتغل ووش الفنكشنز اللي فيه ووش مشاكلة .
مثًلا :بطيئ مايستجيب بسرعه ،او والله الشركة ماعندهم خدمة بالسستم تخلي العملاء يستفيدون من خدماتهم او يجي صاحب الشركة يقول ابيكم تشوفون اذا فيه مشكلة بالنظام حقي واذا فيه خدمات اقدر اعدلها فيها ويكون نظام جاامد الامان فيه عالي مايخترق وفيه خدمات تخدم مؤسستي وتربطني بعملائي بسرعه
والميزة الفاصلة بتخصصنا ⚡️ : انه الوسيط بين العملاء اللي يبون يكون عندهم نظام والمبرمجين . مثلًا : والله فيه اثنين يبون سستم لشركتهم بس مايفهمون بالبرمجة نجي حنا بدورنا بيشرحون لنا مطاليبهم ووش يبون بالسستم حقهم و نفهمهم ونترجم رغباتهم ونوصلها للمبرمجين بحكم ان عندنا خبره
بالبرمجة ودارسينها ونعرف نترجم رغبات العميل ونحللها ونخطط لها دايقرامز وكلاسز ونحدد الخدمات اللي يبونها تكون متوفره بالسستم حقهم (الفنكشنز) ووش مفروض السستم يسوي ومايسوي الى ان يكون هناك سستم متكااامل للشركة ✨
حلو طيب فيه سستم من اول بالشركة وش دوري هنا؟ دورك تحلل السستم ولو فيه مشكلة توجدها لها حل والله نظام السستم بطيئ ولا فيه خدمة مب متوفرة مفروض تكون موجودة. بتسهل على الشركة ، والله فيه خدمة ممكن تضيفها للسستم وتوفر عالشركة ملاايين . 💸💸
شفتو يوم قلت وفرتوا عالشركة ملايين لانكم حللتو السستم ووجدتوا حل للمشكلة 👀؟ بالضبط بالضبط هذي فايدة النظم يوم ندرس ادارة وحاسب سوا 💸
اللي ذكرته لكم فوق ⬆️ من الوظايف الموجودة وهو (system analysist : محلل النظام ) هو شخص قادر على رسم الخطط الاجراءات لإنشاء نظام او حل مشكلة بالنظام ثم تنتقل هذه الخطة الى المبرمج لتتم عملية البرمجة و وإنشاء السستم وهذا بأختصار تخصص نظم المعلومات.
و اهم شي يتعامل معه تخصصنا بشكل اساسي هو/قواعد البيانات(DATA BASE ) اللي منها تبدأ البرامج تجيب معلوماتها وهي اساس كل سستم لان وين تتخرن لنا المعلومات بشكل مرتب ؟ ونقدر نسترجعها بشكل سريع ؟ بقواعد البيانات، بتسمعون كثير بالمجال يحبون يقولون : "كويريز " و "بيق ديتا "👀
بتتعلمون كيف تربطون واجهة المستخدم بكود جافا بقواعد البيانات حقتكم عشان يصير عندكم برنامج متكامل 👏🏻 ، انترفيس موقعنا بجافا واسترجاع المعلومة مخزن بقواعد بيانات مكتوبة ب sql ، بتتعلمون كيف تنشئونها وتعدلون عليها والقيود ومين له الصلاحيات يدخلها الوظايف اللي تتعامل معها / DBA
🙋🏻♀️يعني طول ماتدرسون مقررات النظم بتلقون اول سؤال بالمقرر " عندنا شركة اسمها كذا وهذا السستم حقها وتبي تطوره وتعالج مشاكل فيه ، ونبدأ نستلم السستم هذا وندرسه طول الترم ونطبق عليه حبه حبه "👩💻 او ننشئ له قواعد بيانات
📌 معلومة عالسريع : تدرون ان تخصص النظم يتقاطع مع هندسة البرمجيات في أول مرحلة من مراحل بناء البرنامج ؟ اللي هي مرحلة تحليل النظام 👀.
📚المواد / يدرس طلاب هذا التخصص مواد متنوعة في مجال الادارة تعطي خلفية من مناسبة الى ممتازة بمجال الادارة ومن مواد الادارة مثل /مبادئ المحاسبة (فيهاالمدين والدائن 🤣 والقوائم المالية والشركات التجارية وغيرها )والمالية وسلوك تنظيمي ومبادئ فالادارة والمهارات الادارية بشكل عام .
عشان كذا اذا عندكم ميول مشتركة بين مجال الحاسب ومجال ادارة الاعمال ، بيكون خياركم نظم المعلومات IS✨
و كمتخصص نظم معلومات راح تتعلم مهارتين بالتخصص :
و كمتخصص نظم معلومات راح تتعلم مهارتين بالتخصص :
1- مهارة التقنية👩💻 / تتعلمون البرمجة ولغات البرمجة مثل الويب وجافا وبايثون وكيف تتعاملون مع قواعد البيانات بلغة SQL (اهمم شي )و كيفية حماية الانظمة وتحليلها وتطويرها وايجاد الحلول للمشاكل المتعلقه فيها وكيفية بناء النظام من الصفر وانظمة التشغيل وتنقيب البيانات .
2- مهارة ادارية 🏬 / أخصائيّ النظم المعلومات مب بس يطوّر التقنية الموجودة بمؤسسة العمل، برضو لازم يكون عنده مهارات جيّدة في الموارد البشرية، من حيث التعامل مع الأشخاص، ومعرفة كيفية تحفيزهم وتوجيههم لان برضو" العنصر البشري "يعد أهم عناصر نظم المعلومات 💡
(📌فالنظام لا ينجح دون وجود أشخاص مؤهلين يدركون آليته وأهميته ).
يعني تقريبًا تخصصنا يشمل اغلب مجالات الحاسب وتقريبًا من الادارة ويأسسكم فيها >>عرفتوا ليه تخصص الجوكر 😉 بزنس وتقنية الله الله 🤼♀️
يعني تقريبًا تخصصنا يشمل اغلب مجالات الحاسب وتقريبًا من الادارة ويأسسكم فيها >>عرفتوا ليه تخصص الجوكر 😉 بزنس وتقنية الله الله 🤼♀️
بالنسبة لجامعتنا الدراسة فيها 4 سنوات وفيها : (سنه تحضيري مسار علمي و 3 سنين تخصص )
وهذي هي خطة المواد بالنسبة للثلاث اترام :
وهذي هي خطة المواد بالنسبة للثلاث اترام :
واخيرًا اللي عليكم تشوفون اكثر مجال يناسبكم وتطورون نفسكم فيه زيادة ، لان الجامعة لاتكفي لحالها ومهم جدًا التطوير الذاتي عشان تكملون ابداعكم بالمجال اللي تبونه وحبيتوه ✨
ماذكرت كل الوظايف لان مجال الحاسب والخريجين منه متاح لهم نفس فرص التوظيف تقريبًا ، الفرق هو كل شخص وش اشتغل على نفسه فيه بعد التخرج ، وبمشاريعه ومهاراته وخبرته .
جاري تحميل الاقتراحات...