أنا عندي رأي كده في حقبة مدريد آنشيلوتي دي، والرأي ده مش موقف دفاع عن آنشيلوتي تمامًا، أي شخص متابعني عارف رأيي فيه حتى لو أخد 10 دوري أبطال لـ 10 سنين متتاليين،
الفريق ده حالة خاصة جدًا وسبب نجاحهم إنهم مش متحجّمين بتعليمات، حاجة مينفعش تطبقها على فريق تاني وتنتظر نجاح،
ثريد،
الفريق ده حالة خاصة جدًا وسبب نجاحهم إنهم مش متحجّمين بتعليمات، حاجة مينفعش تطبقها على فريق تاني وتنتظر نجاح،
ثريد،
أي فريق له مدرب، ولاعبين، وإدارة، فالـ3 عوامل دول هدفهم تكوين منظومة، شيء بديهي، المنظومة هنا بقى هدفها ايه؟ هدفها جعل كل شيء أقرب للتوقع، مان يونايتد مثلًا، حب يحدّ من عشوائيته، راح جاب مدرب شاطر زي تين هاج، عمل إستراتيجية أخيرًا،
بالتالي كل شيء مدروس، وبالتالي كمان بقى فيه أسلوب لعب، الأسلوب ده بيخلّي تين هاج واللاعبين يواجهوا كمان أساليب لعب تانية، وطالما الأسلوبين معروفين، فالمباراة هنا أقرب للتصرف من كلا المدربين واللاعبين،
صحيح الأساليب بتتغير مع الوقت، لكن فيه شيء هنا موجود والخصوم تقدر تدرسه،
صحيح الأساليب بتتغير مع الوقت، لكن فيه شيء هنا موجود والخصوم تقدر تدرسه،
إحسبها بقى يمين، شمال، أكتر شيء جعل من مدريد فريق مفاجيء وغير متوقع، وبيعمل ليالي مميزة، هي عشوائيته دي، وكان مش هيعمل كده لو معاهم مدرب بيقلل من زخمهم الفردي،
لأن مدريد فريق معاه أفضل فرديات موجوده في العالم وكل واحد فيهم يقدر يقود فريق لوحده، لكن مفيش نظام بيقلل من سطو كل واحد فيهم فرديًا، ومع الوقت قدروا يشكّلوا كيمياء بينهم بالشكل اللي بيخلّي كل واحد فيهم يخرّج أحسن ما عنده، بدون ما يحسوا إنهم مجبرين على تعليمات مدرب معين.
أنا مش مقتنع بكلام زي شخصية البطل، ولا التيشيرت تقيل ولا التحليلات البسيطة دي، لكن علشان تجمع بنزيما ومودريتش وفينيسيوس وكورتوا ورودريجو كامافينجا وميليتاو وحتى اللاعبين اللي الناس بتنتقدهم على مستواهم إجمالًا حاليًا -ومعاهم حق- زي كروس وكارفخال،
فمجموع كل دول مستحيل يكون زي مجموع نفس أفراد أي فريق تاني مهما كان، وعلشان كده أي مدرب بيحاول يخلق رسوم وسيناريوهات أقرب للتوقع والتصرف سهل جدًا يهدموا كل اللي بيعمله، لأنهم شخصيات/خبرات ومخزون مواقف/فنيات أحسن من غيرهم، وآنشيلوتي سايب ليهم الدراع على الآخر،
علشان كده، بطولة مجمعة زي الليجا في الموسم الحالي، قدر يكتسحها تشافي بعناصر إجمالًا أقل فرديًا من مدريد، وطبيعي فريق مدريد ده يكون سيء في الليجا والعكس في دوري الأبطال،
الليجا اللي هم نظريًا فرق أقل بكتير من فرق دوري الأبطال،
الليجا اللي هم نظريًا فرق أقل بكتير من فرق دوري الأبطال،
لأن في الليجا بتلعب ضد الفرق اللي بتسيبلك نصف الملعب وبترجع تحمي مناطقها، بتكون مطالب كمدرب وقتها تصنع هيكلة تساعد بيها اللاعبين دول على الإختراق، مش مجرد فرديات بتحصل في الملعب، وعلشان كده هم كمان يخسروا بنفس السيناريو، التحولات الهجومية من الخصوم الصغيرة،
عكس دوري الأبطال، الديناميكية اللي وصل اللاعبين لها فيما بينهم عبارة عن التحول الهجومي، العكس بالعكس، إمتصاص الضغط واللعب على السرعات ومهاجمة المساحات، وعلشان كده، أيوه فرق باريس وليفربول وسيتي هم فرق أسهل لأفراد مدريد من غيرهم كـbattle بتبرز التكتيك والفرديات والحماس والشخصية،
ولازم تكون عقليًا جاهز لمعركة أنت فرديًا أقل منها، علشان الفرصة اللي هتضيعها ضدهم هتندم عليها بعدين، لأن مفيش 90 دقيقة هتطلع منهم كسبان ضد مدريد فرديًا وإرتجاليًا، ولما بدنيًا تقع، هم قادرين يحولوا الماتش لمعركة تحولات ومساحات فيها الجانب الفردي طاغي أكتر من أي حاجة تانية.
مدريد ممكن يخرج من تشيلسي الماتش الجاي، وممكن ياخد دوري الأبطال كمان، فريق مدريد ده، ممكن يكون "فريق" غير منظم وفيه هياكل لعب أفضل منه، لكنه من أفضل الفرق الفوضوية الفعّالة اللي شوفتها في حياتي،
حاجة ملهاش تفسير غير إنك تقرر تنحّي عنصر المفاجأة تمامًا، لأن هم عنصر المفاجأة ده.
حاجة ملهاش تفسير غير إنك تقرر تنحّي عنصر المفاجأة تمامًا، لأن هم عنصر المفاجأة ده.
جاري تحميل الاقتراحات...