من اكثر الحاجات المضحكة اما ناس تتكلم عن "تعويم" الجنيه او تخفيض قيمته كآن ده في ايد تاخر خضار حا يشطب على يافطة مكتوب عليها ٣٠ ويكتب ٤٠. يا افندي ده عرض وطلب مرتبط بالوفرة يعني لو القفص فاضي اكتب ١٠ او ١٠٠ مش حا تفرق ما اصلا ما فيش تعامل. وده حالنا …
طب لو استمر الانخفاض؟ غير افلاس كتير من الصناعات والمتاجر بسبب التركيبة الاقتصادية التاثير الاساسي هو تغير نمط الاستهلاك عند الطبقات "المقتدرة" سياثر مثلا في سوق السلع الراسمالية يعني نرجع كدا لايام الدونكي الاصلي وتبقى كل السيارات نصر ١٢٨ وكل الثلاجات ايديال ١٤ قدم وبالحجز !!
طب والطبقة "الكادحة" من العمال والموظفين؟ اولا فرص العمل في القطاع الخاص حتبقى محدودة ومرتباتهم غاية الانخفاض، اما بقى بتوع الدولة دول حا يمثلوا الطبقة المتوسطة العليًا بس طبعا وضعهم مش حا يتغير نظرا ان دخلهم بشكل او باخر بيعادل التضخم ودي متطلبات سياسية لها علاقة بال"استقرار"…
طب وباقي الشعب؟ هو طبعا حساب حد الفقر في الظروف دي حايبقى موضوع اكاديمي وان كان في تقديري الشخصي هو الان عند ٦٠٪ بالسعر القديم دول بقى اكثر ناس التضخم بيسحبهم في البئر ومقوله عيش وملح حا تبقى حقيقة مش تعبيري وهو المنيو بتاع الفطار والعشاء. الغدا شاي بسكر.
هل ما سبق تشاؤمي؟ لا ده المنطقي. ارتباط مصر بالموارد والمساعدات الخارجية من اواخر الستينيات سبب تركيبة للاقتصاد المصري واعتماده الكلي على الخارج وسياسات مركزية غرضها التحكم اكثر من كفاءة الاداء
تغير ذلك يتطلب تغير كامل في منظومة الحكم لا اظن ممكنة حاليا ولذا ده المستقبل المحتمل.
تغير ذلك يتطلب تغير كامل في منظومة الحكم لا اظن ممكنة حاليا ولذا ده المستقبل المحتمل.
جاري تحميل الاقتراحات...