بسأل صديق لي يعمل مدرس بمدرسة ثانوي مشتركة إيه الفرق بين البنات والولاد في الدراسة:
أجاب الفرق بين البنات والولاد بشوفه وأنا شغال ف مهنة التدريس اللى هي بتيح لك تشوف وتتعامل مع نماذج عديدة البنات بتخاف تغلط مجرد أنها تغلط بس بتخاف تحل وتطلع إجابة غلط او ناقصة وبحس عندهم إحساس

بالمسؤولية اكتر ومثالية أكبر و ع العكس تمامًا الولاد ممكن يقروا أول حرف من كلمة تفكرهم بكلمة هما يعرفوها فإن شاء الله شكلها هي دي كده وتطلع زي ما تطلع يحلّوا كل حاجة ميسيبوش سؤال وتطلع أخطاء زي ما تطلع و يهبدوا اى إجابة المهم السؤال ميتسبش فاضى وفيها إيه يا مستر مش كفاية إني

حاولت ما ده برضه مجهود يحترم مننا - بالنص كده ولما يحلّوا حاجة صح بيحسسوني إنهم بيقدموا لي خدمة مش لنفسهم وأنهم يا عينى بيتفضلوا عليّ رغم انى بشجع الكل ف الحقيقة أنهم يجربوا و يغلطوا وانا اصحح ليهم أو أوجههم يبحثوا صح
وطبعا كلامى مش قاعدة انما فيه استثناءات هنا وهنا.