رتبها

إذا وظيفتك مهماتها متكررة، خلال ٥ سنوات (بالكثير) راح تخسرها.
كيف؟ وليش المفروض تتحمس وتفرح؟
خلوني أتكلم معكم عن كتاب غير حياتي. قرأته في آخر ترم لي في الجامعة، ومن بعده رفضت كل العروض الوظيفية اللي جاتني.
اللي يصدمك في الكتاب، إنه إنكتب في ٢٠٠٧ ، وتنبأ بواقعنا اليوم بكل حذافيرة

المخ ينقسم إلى جزء أيمن وجزء أيسر.
الجزء الأيسر هو جزء الدوافير "الأذكياء".
هذا الجزء تحليلي،هو اللي يحل الأرقام والمعادلات والعلوم الطبيعية.
لكن العالم اليوم ماصار يحتاجه. ليش؟
السبب إن التقنيات اليوم تتفوق على أذكى إنسان بهذا الجزء هذا في كل شيء. العالم الآن يحتاج الجزء الأيسر

الحزء الأيسر في هذا المخ هو الجزء الإبداعي والعاطفي. وعشان تنجح في العالم الجديد، تحتاج واحد من هذه المهارات، وتطورها بكل قوتك:
١- التصميم.
٢- صناعة القصة.
٣- السيمفونية. (لاتخاف بأشرحها في هذا الثريد)
٤- التعاطف.
٥- اللعب.
٦- المعنى.
خلني أشرح لك كيف ممكن تتغير حياتك بفهمك لها

لو تدخل سوبرماركت،راح تلقى آلاف المنتجات المتشابهة. لو تبي كوب،راح تلقى ١٠٠ كوب،صار عندنا Abundanceفي كل شيء نحتاجه
الكوب اللي يعجبك تصميمه، غلافة،راح تشتريه.
طيب ايش تحتاج عشان تصير مصمم؟
تحتاج تفهم الجماليات وأساسيات التصميم، وتفهم جو المشتري.
إذا الناس حبو تصميمك، ودعت الفقر

نشوف هذا المبدأ في العبايات؛
مستحيل ينجح مصمم أو مصممة عبايات في السوق الخليجي، إذا ماعاش في الخليج، وفهم الجماليات وذوق الإنسانة الخليجية. لذلك اليوم نشوف براندات في صناعة العبايات بالملايين.
نفس الشيء هذا في كل الصناعات،إذا أبدعت في مجال التصميم، ماراح تحتاج وظيفة ولو ليوم واحد

٢- القصة:
القصة جزء من هوية الإنسان. نشوفها في المبادئ، في العادات والتقاليد، وحتى في الأديان. إذا في شيء يجمع الأوروبي والعربي والأفريقي هو إستمتاعهم بالقصة الجميلة.
القصة صناعة، زيها زي الطبخ، أجزائها لازم تكون موزونة ومترابطة عشان يعيش المستمتع فيها كل تفاصيلها.

واحد من أقوى الكتب في هذا المجال هو
The anatomy of story
ماتحتاج كتاب ثاني غير هذا الكتاب، وللأسف موهو مترجم
عشت كصانع أفلام في هوليوود لسنين، وأعظم شيء إستفدته من هوليوود هو هذا الكتاب. هذا الكتاب راح يخليك تشوف القصص بشكل مختلف.
أيضاً القرآن؛
كل القصص القرآنية تعجز صناع القصص

ممكن صدمتك يوم تكلمت عن القرآن في التغريدة اللي قبل، وهذي بالضبط السيمفونية، وهي مهارة يحتاجها العالم في المستقبل أكثر من أي الرياضيات.
السيمفونية ياطويل العمر هو ربط الأشياء اللي ماهي صلة في بعض، بحيث تتناغم وتتناسق مع بعض.
الثريد عن الوظايف في المستقبل؛
لكن فجأة ربطته بالقرآن

4- Empathy
التعاطف هو فهم الآخرين كما يفهمون أنفسهم. نعيش في وقت نحتاج نعرف كيف نتواصل، ونتعاطف مع الآخرين.
الشخص اللي عنده ال Empathy عالي في المستقبل، راح ينجح وينافس بشكل ماينافسه فيه أحد. هذا الشخص راح يكون قبوله في المجتمع كبير، والناس راح تشتري أي شيء يبيعة

نشوف هذا الشيء اليوم في مشاهير السناب. أسماء تطلع كل يوم، ويحققون دخل بالملايين، السبب؟
إنهم قريبين من المشاهد. المشاهد يحس إنهم يفكرون زيه، يشابهونه في حياته، يشعر لإنتماء لهم.
مستحيل أوصل مايقارب المليون مشترك في السناب شات بدون هذا الشيء.
التعاطف مع الناس شيء ممكن تتعلمه

هذي الكتب أنصحك فيها، وأقدر أقولك إنها كانت السبب وراء شهرتي
1- How to win friends and influence people
2- Influence, by Robert Caldini
3- The laws of human nature by Robert Greene

٥- اللعب:
الحياة جادة بمافيه الكفاية، والناس اللي يقدرون يضيفون حس اللعب للمهمات الصعبة، راح يسبحون في بحر من النجاح المادي. قدرة إنك تأخذ شيء ممل، وتحوله إلى تجربة لعب، راح يكون مهارة جداً مطلوبة في المستقبل. حاول تفكر كيف تضيف اللعب في إنجاز المهام، وإذا نجحت أطلبك شرهة 😂

٦- المعنى:
نعيش بعالم فيه وفرة غير محدودة من الماديات. الكل معه آيفون، ويقدر يوفر أساسياته اليومية. الشيء اللي كثير من الناس يفقده، هو الهدف والمعنى.
إذا بحثت عن معنى في الحياة، ووفرت خدماتك بمقابل، ماراح تحتاج وظيفة. والدخل اللي راح تحققه، راح يخليك تضحك إنك كنت في يوم موظف.

إنتهى الثريد؛ أبي أختم بهذي النقطة:
هذا الثريد يحتوي على معلومات غيرت حياتي، ومتأكد إنها راح تغير حياتك.لذلك ضروري تحتفض فيه، وتنشره لأي شخص يحس بسلبية للمستقبل.
وأبي أقولك إن ٢٠٪ فقط من معلومات العالم مترجمة إلى العربية، لذلك ضروري تتعلم الإنجليزية بأسرع وقت ممكن، لتلحق العالم

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد