الناس فاكرة علشان دايما بتكلم عن الأمل والحياة ازاي نشوفها افضل وكدة إني ممريتش بتجارب والحياة بالنسبه ليا وردي شوية، أنا بس حابب النهاردة أشارك معاكم تجربة واحدة بس، واكلمكم عن ابسط حاجه في الحياة وهو بكل بساطة فجأة جسمك يخونك، صحتك تخدعك، جسمك نفسه مش قابلك ويقسو عليك،
يمكن من٢٠١٣ تحديدا في شهر ٨ وأنا فجأه لقيت حاجه غريبة مش مفهومة بتحصل وهي إن شعري وقع منه شويه بعدين بدأت فروة الراس تورم وعملت خراج ثم يتتابع بعد كل كدة وينتشر في دماغي كلها أجزاء من جسمي، ومحدش فاهم حاجة ومن وقتها إلى ٢٠١٩ وانا بعالج القصه دي، ثم يظهر بعدها ألم في كل الجسم
لدرجه مكنتش بتحرك، وبعدين ألم في ركبتي اللي بعد كده ورمت ومش مفهوم برضو فيه إيه، وبعد تحاليل كتير دكاترة أكتر واشعة وخلافه، توصلنا أخيرا بعد شهور إن فيه حاجة بسيطة جدا وهي خلل في جهاز المناعة، طبعآ مفيش علاج محدد وبدأنا بكرتيزون ومثبطات مناعة زي الكولوسلازين وخلافه، وطبعا من
بدايه العلاج حاجات كتير اتاثرت زي الصفائح الدمويه اللي قلت وبدأنا نزود فوليك اسيد علشان نزودها تاني، وطبعا بعدها المناعة مسكتتش وعملت نوش تاني راحت تهاجم القولون، وكانت فتره صعبه وكنت باخد كميه أدوية غير طبيعيه، ومازلت ماشي على أدوية ومستمر لحد وقتنا هذا، أنا بس عاوز أقول إن كتير
من الناس مهمل اوي في حق نفسه وصحته، فخد بالك جسمك لو خانك هيزعلك فاهتم بيه يمكن انا اصلا كنت مهتم بيه وزي الفل، بس قدر الله والاكيد إن قدره كله خير، أنا بحكي القصه دي بشكل مختصر علشان اوصل رسالة لأي حد إنك قادر، وقادر حتى تتحدى المرض نفسه، ولازم تثق ان ربك معاك فمتشيلش هم، بحكي
برضو علشان الناس متفتكرش إني لما بتكلم إني بقلل من ألم حد أو أي حاجه ولكن أنا بحاول اقول اللي يساعد، ويمكن أنا من أهم المساعدات اللي خلتني أتجاوز حاجات كتير قصتي دي واحده منهم، هو إيماني ويقيني بالله وثقتي فيه وتوكلي عليه، يمكن كل اللي بتكلم فيه هنا، يدور كله حول الفكرة دي، حابب
أقول كمان إن محدش فينا يملك شئ في نفسه فارضي بالي ربنا قسمة علشان تقدر تكمل، أتمنى من كل قلبي لكل الناس حياة سعيدة بعيدة عن الألم والمرض والعجز والكسل،
واتمنى أكون ذا أثر طيب لأي حد عرفني هنا وأكون دايما مذكور بالخير بينكم وتفتكروني بدعوة حلوه حتى لو مبقتش موجود.
#الحياة_المفقودة
#خواطر_الفقي
#الحياة_المفقودة
#خواطر_الفقي
جاري تحميل الاقتراحات...