علشان ما نضحكش على نفسنا إحنا علشان نحس بالراحه لازم نوصل لمرحلة الإكتفاء في معظم إحتياجتنا ونصدر كمان الفائض ولازم نتعلم نرشد إستهلاكنا وإن شاء الله هنوصل لهدفنا مع زيادة الرقعه الزراعيه والمصانع وإستخراج ثرواتنا المدفونه وإستغلال مواردنا بشكل صحيح و وقف نهبها وسرقتها من الداخل
والخارج و وقف إستيراد سلع إستهلاكيه إستفزازيه مالهاش أي قيمه او لازمه وتعتبر رفاهيه فقط ولازم نتعلم أسلوب المقاطعه والإستغناء ولازم يكون فيه تضامن حقيقي وتكاتف من الجميع وخاصة القادرين والأثرياء حاجات كتير محتاجين نعملها ونتعلمها ونتغير بجد وننسى بقى الـ 40 , 50 سنه اللي فاتوا
إحنا مش بنقول الحياة ورديه ومريحه , لا , إحنا عارفين إن فيه سلبيات و أخطاء متبادله من الشعب والحكومه وعارفين إن فيه فساد كتير وبرضوا مشترك ومتبادل من الشعب والحكومه ومش هندفن راسنا في الرمل زي النعام ولا نقول البيضه ولا الفرخه الأول ونرمي الأخطاء على الحكومه بس أو الشعب بس
اللي تحمله الشعب المصري ومازال بيتحمله مفيش شعب في العالم يقدر يتحمله وكمان اللي بتواجهه الحكومه المصريه الأن مفيش حكومه في العالم واجهته , يبقى يا نشيل المسئولية سوا يا إما نقعد نندب ونهري ونرغي في كلام فاضي ونبقى زي الإعلام التافه ونفضل عايشين في توهان الكوره والفن !!
وأرجع أقول جملتي الدائمه ومش هغيرها أبدا (الشعب هو الحل) لأنه هو الأقوى وصاحب القرار واليد العليا في مواجهة أي أزمات ومشاكل وقالهالكم الريس بس أنتم بتنسوا أو مش واخدين بالكم قالكم (يامصريين أنتم لو عاوزين تغيروا بتقدروا تعملو العجب) الإكتفاء مشوار بدأناه وقربنا من الوصول لنهايته
جاري تحميل الاقتراحات...