في ذكرى وفاة #احمد_خالد_توفيق ، اتكررت كلمة: "زعلت عليه زي ابويا". أو "كنت بعتبره أبويا" والجملة دي سمعتها من ناس ما اتعاملتش عن قرب مع الدكتور وناس تانيه عاشرته عن قرب زي حالاتي. قعدت افكر مع نفسي في السبب اللي يخلي كل الناس تجمع على النقطة دي.. واكتشفت الأتي:👇
أبطال قصص د. أحمد مش بتتعالى على القارىء بل بالعكس، هم أبطال أضعف وأقل من أنهم يكونوا أبطال. زي شخصية رفعت اسماعيل اللي ممكن تجد فيه جزء من أبوك أو جدك أو جارك. اللي رغم ضعفه ومرضه عنده ذكاء وحيلة وسرعة بديهة.👇
قارن الأبطال دي بأبطال رجل المستحيل أو المكتب ١٩ وهاتعرف ليه ممكن تعتبر أحمد خالد توفيق أبوك. لأن أبطال قصصه مش بتتعالى عليك، رجل المستحيل هو الرجل اللي انت عمرك ما هتكونه من فرط كماله. ورفعت اسماعيل هو الرجل الذي لن تكونه من فرط ضعفه! 👇
بالتالي بيتكون عندك شعور لا إرادي أن مؤلف السلسلة زي أبوك اللي عارف قدراتك الحقيقية وبيديك جرعة من التسلية والثقافة والأمل في إنك ممكن تكون ذو شأن عظيم بدون ما تضطر تتعلم ١٢ لغة و ١٣ لعبة قتالية.👇
السبب التاني: أن الناس اللي تعاملت مع دكتور أحمد عن قرب- وأفتخر اني منهم- ، عارفه أد ايه مدى سماحة الرجل وتواضعه. وأفتكر اني شوفت له موقف كان بيخلص فيه شغل من مكان ما. واندهش أن مجموعة من الناس في المكان كانوا عارفينه واحتفوا بوجوده. وكأنه مش عارف قدر نفسه👇
كل مواقف الرجل كانت بتديني انطباع اني أمام شخص عظيم مش حاسس بقيمة نفسه، ومش شايف نفسه غير أب ورب أسرة عاوز يحمي أسرته من أي شرور ويرجع لهم في نهاية اليوم ببطيخة وجريدة الأهرام علشان يتسلى بالكلمات المتقاطعة أمام التليفزيون! ودي الصورة اللي في ذهننا للأب التقليدي👇
السبب التالت د. أحمد في كل تصرفاته بيعكس تصرفات الأب من الطبقة المتوسطة. كان بيجيب أولاده وهم صغيرين الندوات، وكان بيتكلم عن علاقته مع أبناؤه في المقالات. دي مساحة من القرب ماشوفناهاش من كُتاب تانيه في نصف ثقافته وقدرته على الكتابة..
لو وصلت بالقراءة لحد هنا.. أدعوا له بالرحمة
لو وصلت بالقراءة لحد هنا.. أدعوا له بالرحمة
جاري تحميل الاقتراحات...