الحمدلله والشكر له ع مساعدته وانقاذه لي من مستنقع الإباحية،ماتوقعت ابدا اني راح اوصل لهذي المدة الكبيرة ولكن ي رب عقبال ما اوصل لسنتين معكم من التعافي ومن الترك✨❤️ ،مبسووط جدا وعقباالكم ي رب وانتوا تقدرون جدا للتعافي ✨👌🏻
#مجتمع_التعافي #كم_لك_بدون_إباحية
#مجتمع_التعافي #كم_لك_بدون_إباحية
صحيح انه صعب ولكنه ابدا مو مستحيل ، وقمة التحدي والقوة هي بمواجهه الاحدي والصعوبات والكل يقدر ينتصر عليه وجميعنا هنا بالمجتمع لبعضنا البعض.👍🏻❤️
وبقولكم كلام بخاطري وهو شرح بسيط ومختصر عن تجربتي مع هالادمان واسف اذا بطول عليكم😗
وبقولكم كلام بخاطري وهو شرح بسيط ومختصر عن تجربتي مع هالادمان واسف اذا بطول عليكم😗
كنت غارق جدا بإدمان العادة السرية والاباحيه لدرجة كنت كل فترة عن فترة اغرق اكثر ،كنت امارسها في الاسبوع مايقارب مرتين وكنت اشعر بتأنيب الضمير واجري بسرعة للتعافي والترك واسقط وامارسها اكثر ،الى ان وصلت لدرجة وتضاعف عندي الادمان واصبحت امارسها مايقارب خمس مرات في الاسبوع.
بعدها بفترة اصبحت امارسها يومياً!،وبعد ماصرت امارسها كل يوم صرت اتجاوز الوضع وامارسها اكثر من مرة باليوم وهنا اعتبر وصلت لمرحلة سقوط قوي جدا وغرق كبير بالادمان،صرت منعزل بغرفتي ومبتعد عن الكل،الحالة النفسية والاجتماعية تدمرت عندي بالكامل.
صرت مجرد حزين وكئيب واحيانا كنت اوصل لمرحلة البكاء بسبب كثرة الضغوطات وكنت كأني اشوف هذا الادمان هو اللي يعطيني اللذة واحس بمتعة معه وبمجرد ما اخلص اشعر بهبووط كبير جدا بالمشاعر وكأني ما اقدر اتنفس،حياتي الاجتماعية تغيرت كثير للأسوء طبعا.
عائلتي واصحابي احس بأنه انبنى بينا حواجز كبيرة جدا كنت بس انزل معاهم وقت الاكل وبعدها اهرب وارجع لغرفتي وطبعا كانت بحجه اما الدراسة او غيرها،ولكن احس بخوف ورهبه وخاصه اذا احد كلمني او سولف معي،احس بخوف وتعرق وقلق من لاشي وتأتأة غير طبيعية بالكلام.
وكنت وكأني مليان خوف وماعرف ايش اتكلم واقول واحيانا احاول ما ابينها ولكن جسمي يتعرق ويخاف بشكل غير طبيعي،هذي عائلتي واسرتي كيف صرت احس بعدم اريحيه بينهم،بدأت ادخل بدوامة وبعالم آخر ومنعزل وكأن مافيه احد يعرفني وانا لوحدي وهذي الحقيقة انا لوحدي.
انعزالي وانطوائي والأمراض بجسمي صارت اكثر،جسمي صار نحيف بشكل كبير جدا ،الآم متفرقة بالجسم خاصة بالركب واسفل الظهر،الآم العضلات ،تساقط الشعر،انسى ضعف النظر اللي جاني فجأة وبدء نظري يقل،الاجهاد المستمر،واهم شي القلق والتوتر والخوف والهم والاكتئاب والحزن .
والانخفاض الحاد جدا في الفيتامينات والمعادن الضرورية بالجسم،الخوف والقلق والتوتر الغير مبرر،لدرجة ما احب الاختلاط مع اي شخص وحتى مرات لما اروح المستشفى ماقظر اتكلم واحس بخوف ورهبه من المكان وكأن فيه شي بيصير،احس بأن النظرات كلها علب وان الجميع يراقبني،دخلت في سوداوية مدمرة جدا.
اكملت ع الوضع وصرت يوميا امارسها ولكن هنا بدء يتغير ميولي بشكل كبير،اصبحت المقاطع والصور الاباحيه الطبيعية والاعتيادية ماتشعرني بمتعه ابدا لدرجه مثلاً لو اشوفها صدفة ما استثار ولكن استثار من اي شي شاذ،بدأت مشاهداتي شاذه وميولي للشذوذ بشكل اكبر،
بسبب ان هرمون الدوبامين اللي يفرز عن المشاهده العاديه مايكفي، والدماغ اصبح بحاجة لكميه اكبر بكثير من الدبامين لتفرز ،وطبعا ماراح تفرز بالكميه الكبيره الا عبر اي شي شاذ او غريب مشاهدهته،وكل فترة عن فترة بيصير الدماغ يطلب كمية اكبر من قبل.
للمعلوميه هذي الكميه ممكن تقتل اي انسان ولكن الدماغ في نفس الوقت يحاول يحمي نفسه من الكميه الكبيرة اللي تفرز ف يجيك الصداع مثلا وانت بوسط التخيلات والممارسة،وحتى المدة بالممارسة راح تختلف مثلا كنت تكتفي بساعة بعدها بفترة ماراح توقف الا بعد ثلاث او اربع ساعات عشان تكتفي بهذي المره
الادمان هذا قتلني عاطفياً وروحياً ومن ناحية الجسم والصحة والقوام والنفسية كل شي تغير للحضيض،الروح والنفسية والجسد تدمرت بالكامل وكنت اتمنى احصل او اعرف طريقة للتتغير واخرج من دوامة ممارسة وبعدها حزن وتعهد بعدم الرجوع وبعدها ارجع امارس تعبت جدا من هذي الدوامة.
كان التغير الكبير اللي حصل لي وهو لما شفت هاشتاق #كم_لك_بدون_عادة_سرية حتى قبل مايجي هاشتاق #مجتمع_التعافي بفترة طويلة،تفاجئت بالاشخاص اللي يكتبون عن نفس معاناتي وعن نفس وضعي،وكان الادهى والآمر لما عرفت انه ادمان،ايه عرفت انه ادمان واني الان مدمن ع العادة السرية.
هذا كان جواب لسؤال اردده دائماً ليش ما اقدر اتركه ليش اسقط ايش السالفه،وطلع اني كنت مدمن ومن بعدها بدأت اتواصل مع الكثيرين وافهم اكثر عنه وعن طبيعته وكأني منجد حصلت طوق نجاة او لمحة ضوء بآخر نفق معتم،بدأت اتعافى واسقط وانتكس واتعافى وانتكس.
وبدأت اعالج اسباب انتكاساتي الكثيرة لدرجه صرت يالله بالقوة اوصل لاسبوع وانتكس،ولكن كنت اشوفه شي ايجابي اني قدرت اصبر اسبوع كامل واحاول اعالج اسباب انتكاساتي الى ان قدرت امسك بزمام الامور وتعديت اصعب فترة اول ثلاث اسابيع،وكانت فيها التخيلات تهاجمني والضعف يتملكني والخوف يلاحقني.
كنت احط العادات المفيده والجيدة في انها تساعدني للقضاء ع العاده السريه لانن يجب مكافحه العاده بعادة مكانها،بدأت اختلط مع الكل واحاول اتجاوز كل مخاوفي واختلط مع اهلي ومع اصحابي واحاول اسوي اي شي مخوفني لانه القلق والتوتر غير طبيعي اللي كنت اواجهه واهم شي سويته.....
اني بدأت بممارسة الرياضة بالنادي ،بدأت اقرأ في كتب وروايات ممتعة جدا،صرت اطور من لغتي الانجليزيه بشكل كبير ،بديت ادرس واهتم بدراستي اكثر واكثر ،بدأت اكتشف نفسي بصدق،بدأت امشي بالتعافي وامشي معاكم هنا بالهاشتاقات واساعد الناس وكأنها مساعدة لي بتذكيري بوضعي وبأهدافي وبغايتي.
في النهاية ادري طولت عليكم ولكن حبيت اقول تجربتي بشكل مختصر واوضح انه مافيه اي مفر من التعافي والترك للخروج من كل مشاكل الادمان،الحقيقة كانت تجربة دمرتني وقتلتني ولكن خرجت منها أقوى بكثيير من قبل وكأني انسان وشخص غير،اصبحت ايجابي وصحي وعادات كثيرة جدا واحبها وكنت اتمنى اسويها.
وصرت امارسها بشكل يومي،تغيرت جذرياً من جميع النواحي الاجتماعية والنفسية والجسدية والصحية والثقافية،صرت مختلف من ناحيه الكلام والصوت وهيئة الجسم وتغير بلون البشرة والصفاء فيها، طريقة المشي وسرعة الفهم والاستيعاب اللي دمرها الادمان،التعقل والتركد والترشد في امور كثيرة.
المعذرة ع الإطالة ولكن حبيت اوضح لكم إن التعافي حياة آخرى مختلفة جداً بتجربتها وقوة التغير والاختلاف فيها👌🏻❤️.
وما انسى ابدا انتم يالمحاربين ي اصدقاء الرحلة ف انتوا كنتوا اكبر داعم ومحفزين لي بالمحاربة والتقدم والمواصلة معكم،الله يوفقكم ويسعدكم جمييع✨❤️.
وما انسى ابدا انتم يالمحاربين ي اصدقاء الرحلة ف انتوا كنتوا اكبر داعم ومحفزين لي بالمحاربة والتقدم والمواصلة معكم،الله يوفقكم ويسعدكم جمييع✨❤️.
اعذروني ع بعض الأخطاء الإملائية ولكني كتبت الثريد بسرعة ونسيت اراجعه وخاصيه التصحيح التلقائي خربت بعض الكلمات ✨👍🏻
جاري تحميل الاقتراحات...