رتبها

كنت اواجه صعوبة بحفظ كمية كبيرة من المعلومات اثناء الدراسة بأولى سنوات الكلية ولكن الحمد لله قابلت شخص وعلمني عن طرق وتطبيقات تسهل علي الحفظ، اتبعت هذه الخطوات ولاحظت ان قدرتي على استرجاع المعلومة افضل من قبل
ماهي هذه الخطوات؟

الذاكرة هي اساس التعلم وخاصة بالكلية ، تحتاج تحفظ كمية هائلة من المعلومات، بالاسفل تجد تلخيص للكتاب الرائع "Make it stick" ، كتاب يشرح الطرق المبنية على الادلة العلمية اللي تخليك تحفظ المعلومات بشكل افضل ولفترة اطول؛ ثلاث نقاط رئيسية يتحدث عنها الكاتب/الباحث

الثلاث نقاط الرئيسية هي كالتالي:
1- Self-quizzing
2-Interleaving
3-Spacing
راح اشرحهم بالاسفل

اول واهم شي تطرقوا له بالكتاب هو تحدّي العقل، بمعنى ان كل ماكنت تتحدى عقلك باسترجاع المعلومة اكثر وبذلت جهد ذهني اكثر، كل مارسخت المعلومات بالذاكرة بشكل افضل.

الانسان ينسى ٧٠٪ من اللي يقرأه/يسمعه في وقت قصير جدا، لذلك باختبار الذات انت تجبر عقلك يستخدم اللي يتذكره (30%) عشان يوصل الى اكبر قدر من المعلومات اللي نساها (70%). لان كل مابذلت جهد ذهني اكثر باسترجاع المعلومة كل مارسخت اكثر.

Self-quizzing
"اختبار الذات"
لو كنت تقرأ من الكتاب او تشاهد فيديو، وقف القراءة/المشاهدة كل ١٥-٣٠ دقيقة واطرح الأسئلة التالية
١- ماهي النقاط الرئيسية
٢- ماهي الافكار الجديدة
٣- كيف ممكن استفيد من المعلومة بالحياة
٤- اي سؤال ممكن تختبر فيه فهمك للموضوع

Interleaving
هذا المصطلح يعني انك بدل ماتعمل شي واحد وتعيده اكثر من مره، اعمل 3 اشياء متشابهة؛ بمعنى ان لو كنت تبي تتعلم تطبخ، تعلم انك تبطخ ٣-٥ طبخات متشابهة ولا تبطخ نفس الطبخة مرتين ورا بعض. تعلم تطبخ اليوم شيء وبكرا شيء آخر. لو تبي تتعلم مرض معين، تعلم ٣ امراض متشابهة.

Spacing
لو ذاكرت موضوع معين اليوم وجلست تكرره خمسين مره مارح تستفيد شي، الدراسة على شكل مسافات متباعدة هي الحل الانسب. بمعنى لو كان عندك ساعتين فقط في الاسبوع تراجع فيهم نفس المعلومة، اقسم الساعتين على يومين، ويفضّل تحون الايام متباعدة (اول الاسبوع ونهاية الاسبوع).

عشان تسهل على نفسك الحفظ، استخدم الفلاش كارد (flashcards) اللي بدورها تعتمد على تعزيز الذاكرة على مسافات زمنية مختلفة؛ اشهر شي ويستخدم دائما هو ANKI ولو ودك بشي مجاني تقدر تستدخم Quizlet، طبعا تقدر تعمل الفلاش كارد تبعك او تشوف كاردز جاهزة

ايش هو ال Anki ؟
اداة تعلم عن طريق انشاء بطاقات Flashcards ومراجعتها ، ممكن تستخدمه بالطب او اي تخصص آخر
يعتمد بشكل رئيسي على مفهوم Space repetitions (التكرار على المدى البعيد)