النجاح هو ناتج شغلك على نفسك
انك تطور قدرتك على الالتزام تجاه هدف
انك تطور من جسمك وقدرتك على التحمل
انك تطور من معرفتك ومهاراتك
انك تطور من روحانياتك واتصالك بالخالق
انك تطور من فهمك لنفسك واحتياجاتك
طول ما انت بتتطور
انت قيمتك بتعلى
وكل ما قيمتك بتعلى
الفلوس و النجاح يلاحقوك

الانسان اللي انت بتتحوله خلال مشوارك في تطوير ذاتك هو ده المهم
النجاح و الفلوس اللي بتعملها هي ناتج الانسان اللي انت بتصنعه
خليك مركز في الرحله
وهم السعاده اللي هتجيلك لما توصل ده سراب
هتفضل تطارده ومش هتلحقه
السعاده الحقيقيه في الرحله مش ف الوصول

لما تعمل حاجه حاول تعملها بروح
يعني ايه ب روح
يعني بمتعه ، بشغف ، بحب ، بابداع
ابسط الوظائف لو عملتها بحب و شغف و ابداع و متعه .. اتفرج على الحظ و الرزق وهو بيلاحقك
الروح تجذب كما تجذب الشمس الكواكب
حط روحك ، بصمتك ، ابداعك في كل حاجه بتعملها .. استمتع.. ومتفكرش كتير ف المحطه

الروح هي الملك
زي ما بقول دايما ان انت روح دخلت في آله
انت من غير الروح
زي سياره بدون وقود .. اصبحت آله ملهاش قيمه
خلي القياده دايما في حياتك تكون لروحك
تحلي باليقين بدون ذرة شك في قدرة هذه الروح و اللي مدك بهذه الروح
اليقين ده .. قود بيه حياتك
وشوف الفرق بنفسك