"لما اموت طلعوا عني صدقات كل شهر ..
وادعولي كل يوم ..
واعملولي عمرة وحج ..
واقرأوا ليّ قرآن .."
ليه سقف توقعاتك في الناس عالي أوي كده؟
انت مشُفتش اللي قبلك؟ حد بيفتكر حد؟
حد بيهتم يفكر في اللي راح أوي غير القريبين أوي ومع الوقت بِحُكم بشريتهم هينسوا؟

- الفلوس معاك دلوقت؛ طلع صدقاتك ( بلاش تمسك في فلوسك وتعتمد على غيرك يضحي بفلوسه علشانك، لو عملها مرة مش هيعملها التانية )
- لو عندك قدرة؛ بدل ما تشتري موبايل أحدث حاجة روح عمرة.
- كل يوم ربع ساعة؛ خصصهم لِقراءة ورد من القرآن ده الأكيد هينفعك

( متهجرش مُصحفك اللي هيشفع لك يوم القيامة علشان كُنت مصاحبة في الدنيا مُعتمد على ختمة هتتعملك مرة! )
اعمل لِنفسك كأن ملكش حد
الناس في الدنيا وانت معاهم وبتخدمهم وبتسندهم؛ اللي بيسندك مرة مُمكن بعد كده ميقدرش، فتتوقع وانت في قبرك لا بتفيدهم ولا بتقدم لهم أي حاجة هيسندوك دايمًا؟

اعتمد على رحمة ربك؛ ثم أعمالك.
[ مالي ولِلناس، كُنتُ في بطن أمي وَحدي، وخرجتُ إلى الدنيا وحدي، وأموت وَحدي، وأدخلُ القبر وحدي، وأُسألُ وحدي، وأُبعثُ مِن قبري وحدي، وأُحاسَب وحدي،

فإن دخلت الجنَّة دخلتَ وحدي، وإن دخلتَ النار دخلت وحدي؛ ففي هذهِ المَواطن لَا ينفعني أحد؛ فمالي ولِلناس!! ]
- لِصاحبه.