رتبها

عايز تسافر اثيوبيا باقل من ٥٠٠ دولار 👀✈️!؟
اقرا التويتة دي✅

♦️ الطيران احجز قبل مدة طويلة واحجز يوم الاتنين او التلات بتكون ارخص حوالي ٢٠٠_٢٥٠ دولار ووممكن اقل نحن حجزنا تذكرة بي ١٨٠ دولار تو وي
♦️ الفيزا عند الوصول بي ٥٠ دولار وفي اقوال ٨٠ دولار بسالوك حتنزل وين ورقم المكان والعنوان بس

♦️ السكن : انا نزلت في هوستل اسمو mad vervet صراحة ظريف وفي وسط البلد سعرو كان ٨ دولار من booking و دفعنا فيزا وفي ترك انو تدفع بير وفك القروش سوق اسود حيقع معاك حوالي ٤ دولار او اذا فردين او ٣ احسن قيست هاوس الغرفة حوالي ١٠ دولار شير بتطلع حوالي ٤، ٥ دولار في اليوم ،

♦️ الاكل : صراحة اكلهم م عجبني عشرة مرات غايتو البركة في قهوتهم سمحة ، عموما الاكل م غالي وفي خيارات كتيرة حسب قروشك بتاكل 😂 انا صرفت ٥٠ دولار في اسبوع الاكل

♦️ التنقلات : نجي لاهم نقطة اول ايام كنت براكب مواصلات رخيصة لكن زي السودان م متوفرة وفيها ٩ طويلة 🤣 كانت معاي صحبتي واتعرفنا على واحد من غانا بقى يتفسح معانا ف عندهم تطبيق تكسي اسمو ride اسعارو حنينة ومع الشير بقت ارخص من المواصلات 😂

♦️ الفسح : اثيوبيا فيها برامج كتيرة انا عموما بحب المتاحف عشان بعرف منها البلد وبحب اللعب والفعاليات مكبوتين نعمل شنو😂 ، تذاكر الدخول بتبدا من حوالي ٢ دولار لحدي ١٠ دولار ، اهم اماكن تمشوها حبشة ٢٠٠٠ المكان دا بتحسس جد جد في اثويبا اكل ورقيص وفعاليات 😂💃🏽

انتوتو بارك ممكن يوم كامل تقعد فيها وم تزهج واركبو zip line بي حوالي ٥ دولار وبرضو تشوف ليك كم نفر تمشي معاهم دبرزيت ياخي الطريق براهو فسحة سمحة سمحة وكمان لو في ميزانيه اخد ليك يومين هناك تستاهل لكن الزينا ديل امشو صد رد عشان الشغلة دي دفعها كتير 😂 غايتو ١٠٠ دولار بتفسحك زين

لو ماشي براك انزل ف هوستل عشان تلاقي ناس تتفسح وتشير معاهم ولو انتو قروب انزلو قيست هاوس ونزلو ride وواحد فيكم يمسك الحساب واستمتعو😉😂
اثيوبيا بلد مستوى الامان فيها م عالي عشان كدة اعملو حسابكم واتخيلو انكم ف العربي واتعاملو على هذا الاساس ..
#shimaatravelsd

المزيد من هذا الكاتب

مواضيع ذات صلة

الأكثر اعجابا

المزيد من هذا الكاتب

مواضيع ذات صلة

الأكثر اعجابا

نسخ سلسلة