رتبها

"مريم هيثم عصمت"عالمه الفيزياء الفلكية المصرية طالبه الدكتوراه في جامعه جونز هوبكنزبتثبت ان لسه فيه ناس مننا قادرة تبقي جزء من الاضافة للعالم حتي لو بشكل فردي..معرفه وجود انسان مصري وخصوصا بنت مصرية في اهم حدث علمي فلكي في القرن الحالي حاجه مش عادية ابدا
@Maryumzzz

هتكلم عنها النهارده لانها كانت جزء من فريق العمل واطلاق تلسكوب #جيمس_ويب واللي قالت عنه: ” ان التلسكوب ده هيغير في البشرية كلها مش بس علم الفلك وانه هيخلينا نشوف شكل الكون من ١٣ مليار سنة ، ده آله زمن حقيقية ”

مريم هيثم عصمت من مواليد١٩٩٨في لقاء”بودكاست فصول”علي الحرة اللي بيقدمه الأستاذ @ahmedkhair
بتحكي مريم بنفسها عن بداية نشأتهاواللي خلاها تحب الفلك هو فيلم the lion king!بدمجلته المصري الرائعة من انتاج ديزني
كان موفاسا بيقول ان النجوم اللي فوق دول هما اجدادنا القدام بيبصوا علينا”

فمن وقتها وهي عندها 5سنين ابتدي جواها الفضول لمعرفه ايه هي حقيقه النجوم في السما دي؟! فسألت والدتها عن النجوم فقامت الام بشراء موسوعة عن الفلك ومن وقتها وهي مبتفوتش فرصه للقراءه عن الفلك وابتدي الموضوع من فيلم في الطفوله لاشتراكها في اكبر انجاز فلكي بمشاركتها في تلسكوب جيمس ويب

قالت مريم عن التلسكوب : ” ان التلسكوب ده هيغير في البشرية كلها مش بس علم الفلك وانه هيخلينا نشوف شكل الكون من ١٣ مليار سنة ، ده آله زمن حقيقية ” بس مريم مش بس عالمه فلك ، دي كمان روائية واتنشر ليها اول رواية وهي عندها ١٨ سنة !
فازاي بقت عالمة فلك وفيزياء وروائية !؟

هل الفلك بيحفز الخيال ام ان الكون في الاساس هو اصل الواقع والخيال فكان ردها ان اللي بيلهمها كلمة للعالم كارل ساغان”الكالسيوم الموجود في عظمنا والحديد في دمنا تم طهيها اولا داخل النجوم وبعد الانفجار النجمي اتكونت الكواكب وبعدها تم خلق الانسان"فاحنا جايين من رحم النجوم اصلا!

ارتبطت مريم بوالدها من صغرها وكانت بتحب جدا صوت مفتاحه لما بيرجع من الشغل وهو اللي علمها القراءة لان والدها ووالدتها كانوا اطباء
و كونوا في البيت مكتبة ضخمه فنشأت مريم في بيت الكتب تمثل الاهميه الاولي بداخله ! مريم من صغرها هي واخوها احمد بتسمعهم وهما بيتكلموا

عن شغلهم لدرجة انهم اصبحوا يعرفوا اعراض بعض الامراض وهما لم يتموا ال ١٠سنوات والدها طبيب عاش حياته للطب وقراءة الجديد في عالم الطب واطلقت عليه لقب انه فضل طول الوقت”طالب علم” وامها نجحت انها تحط جواها مبدا ان مفيش شيئ هتقدري تتعلميه كويس غير لما تعملي ده بنفسك بالبحث والقراءة

مريم بدأت الكتابة وهي صغيرة في السن وقتها كانت تكتب كل الاسئلة اللي بتخطر علي بالها لانها كانت تعاني من عدم قدرتها علي ايصال فكرتها بالتحدث اللفظي بالرغم انها وعلي حد وصفها ” رغاية جدا ” فكانت كل يوم تكتب ما يشبه المذكرات اليوميه وبعد ان لاحظ المدرسين في المدرسة حبها للكتابة

وبعد وصولها لسن ١٣ دخلت مسابقة للقصص القصيرة باللغة الانجليزية وخدت جائزة علي قصتها!وكتبت بعدها اربع قصص بدون ما توريهم لحد ولاحظت ان القصص الاربع هو امتداد للقصة اللي خدت عليها الجايزة وجمعتهم في كتاب وفي سن ١٨ نشرتهاوهي لسه طالبه في المدرسة وكان اسمها ” The Escaping Flashback“

في الرواية اللي كتبتها مريم بطله القصة بنت عندها ١٦ سنة بتحاول تعرف ماضيها عشان تعرف مستقبلها ! ومتصورتش مريم ان بشغلها في جيمس ويب هتعرف ماضي الكون نفسه وتقدر تستشرف مستقبله !
حاولت كتير توازن بين الكتابة ودراسة الفيزياء و بعد ما خلصت من مراحل تعليمها الأساسي في مصر

قدمت مريم علي منح تقبل انها تدرس الفيزياء والادب لان الجامعات الامريكية تسمح بدراسه تخصصين بنفس الوقت وكان اسمها liberal arts colleges واتقبلت فعلا في اكتر من منحة والموضوع مكنش سهل يتقبل في وسط العائلة انها بنت وتسافر لوحدهاللدراسة بس والدهادعمها بشدة ووافق علي سفرها

في اول ترم دراسي اشتغلت مريم بالنجارة عشان توفردخل مادي اضافي والموضوع جه بعد اول دروس المسرح لماراحت لدكتور المادة وطلبت منه فرصه عمل ولان المسرح كان فيه اعمال خشبية كتيرة قالها انهم محتاجين نجار تقبلي؟! ردت عليه مريم انها ممكن تتعلم النجارة واشتغلت فعلا اربع شهور بالنجارة

الدراسة وانشغالها مخلهاش تنسي الكتابة وكتبت حوالي ٣٠ قصه قصيرة وده فتحلها فرص كتيره وقامت بتحرير كتاب لطلبه الجامعة في الفيزياء في الميكانيكا الكلاسيكية باستخدام لغات python وmathmetica
”(Classical Mechanics :A Computational Approach with Examples using Mathematica and Python ”

وبسبب دراستها وقربها من المجتمع الفيزيائي في اميركا بدأت تسمع عن جيمس ويب بشكل متكرروكان مقرر اطلاقه في٢٠١٠وقتها مريمانبهرت من الامكانيات اللي هتبقي عليه لانه هيخلينا نشوف الكون من بدايته وفضلت متعلقه بيه وباخباره وقالت انها ممكن تشتغل عليه وده حتي قبل ما تسافر اميركا

طبعا تم تأجيل اطلاقه كذا مرا وفضلت مريم متابعه اخباره ولما سافرت اميركا بقت خلاص قريبه من المكان اللي بيتم تصنيعه في السنه الثانيه من الجامعه - كلية ليكومينج بالولايات المتحدة - قدمت علي التدريب في مشروع جيمس ويب واتقبلت واشتغلت عليه في السنه الثالثه واصبحت جزء من فريق عمل قاموا

بتدريبهم اولا لمده شهرين ونجحت انها تحصل علي عقد عمل للعمل في جيمس ويب للعمل فيه لمده ٤ شهور ! واستمرت في الشغل ده جنب عملها ك معيدة وهي جزء من فريق عمل ضخم جدا المكون من ١٠ الاف شخص وكانت مسؤوله عن كاميرا محدده علي جيمس ويب دور الكاميرا انها تقوم برصد

الكواكب خارج المجموعه الشمسية باستخدام الاشعه تحت الحمرا الغير مرئية ” Near Infrared Camera Instrument ”

فلما نبص للكواكب باستخدام الكاميرا دي هنقدر نحدد الكثير من المعلومات عن الكواكب دي! وقالت عن النقطه دي ” لابد أن أعرف وأفهم شكل هذه الكواكب بناء على أبحاث أخرى سابقة، وماذا يمكن أن نراه بالأشعة تحت الحمراء، لكي أقوم بهندسة جزء معين من الأداة أو الكاميرا على هذا الأساس،

وبتوصف اول مره شافته فيها في الدور الرابع للمبني اللي متواجد فيه الاختبارات الخاصه بالتلسكوب انها لم تستطيع ان تمسك دموعها !

مريم اسست في مصر شركه كواش (Quash) وقالت ان الفكرة تأسيس الشركة ترجع لاتنين من زملاءها ، وهما عمر هشام ومصطفى ناجي عام 2016، لمساعدة طلاب الثانوية بمصر على اختيار مجال مناسب في الجامعة بالإضافة إلى تعليمهم مهارات تساعدهم في التعليم الجامعي مثل تقديم وكتابة مشاريع تخص مجالاتهم.

ودورها كان يتمثل أساسا في تقديم استشارات في بعض مناحي العلوم وقد لقيت نجاحا كبيرا.. وهي بتقول انها مش جزء من الشركة بس هي مجرد مستشارة ساعدت في تأسيسها.

وغير ده مريم قامت بتصميم وبناء تلسكوب راديوي لرؤية الشمس وكوكب المشتري بكل اللي حواليه من اقمار وكواكب، وانشأت مرصد علم الفلك الراديوي بالجامعة بناء على هذا التلسكوب.

وثالث بحث عملت عليه كان رسالة بكالوريوس للفيزياء الفلكية يتمثل في مشروع طموح لتحديد عدد النجوم الطارقة (المذكورة في سورة "الطارق") في مجرة درب التبانة باستخدام تقنية الإشعاع الجاذبي والكهرومغناطيسي لتلسكوب اسمه "ليسا" LISA) (Laser Interferometer Space Antenna)) المخطط إطلاقه ٢٠٣٠

ويرصد النجوم الطارقة والثقوب السوداء. وبحسب بحث رسالتها للبكالوريوس، في من أصل عدد 13522 نجما طارقا في مجرة درب التبانة، يمكن لتلسكوب ليسا (LISA) رصد 424 نجم طارق، ،وبتوصف ده بانه هيكون إنجاز كبير

مريم بالرغم من وجودها في امريكا منسيتش تشارك بمجهودها في الانشطه العلمية بمصر و تطوعت لدى وكالة الفضاء المصرية كجزء من مشروع "جمعية قرية القمر" الدولية وبتحاضر بالجامعات بمصر في المؤتمرات والندوات، وغطيت إطلاق تلسكوب ويب الفضائي بالعربي لدى الجمعية المصرية لعلم الفلك.

مريم دلوقتي هي طالبة دكتوراه في جامعه جامعه جونز هوبكنز الامريكية ودراستها ترتكز علي الجزيئات الفيزيائية في الفلك ومنسيتش حبها للأدب فخوره انها حققت حلمها بانها درست الفيزياء والادب وعلي لسان مريم بتقول ” مش شرط ابدا انك لما تعوز تعمل حاجه يكون حد وصلها قبلك ..

ممكن تكون انت الاول في انك تعمل الشيئ المختلف ده وتقدر توصله حتي لو الدايرة اللي حواليك مش مصدقين !“

مريم مش تتمني غير انها تفضل تحب اللي بتعمله ويفضل الشغف اللي جواها مستمر سواء للفلك او الكتابة للمسرح وانها تفضل قادرة تفيد وان وجودها فارق وانها تحس ان ليها لازمه للمجتمع ”