شوية قواعد لازم تتعلمها بالحياة:
١- الحياة والعالم وكل يلي حواليك آخر همهم انكسارك، الحياة ما بتوقف عندك، بتدعسك وبتضلها مكملة.. خليك قوي.
٢- ما حدا بيحب يسمع نقّك، رفقاتك ويلي حواليك بيسموك مرة او مرتين، وبعدها بيقولوا عنك بتنق كتير لو مهما كانت المشكلة تأثيرها عليك كبير.

٣- يلي دايمًا بيحب بسمع اخبارك ويتابع تفاصيلك وبيعتب عليك احيانًا.. شخص بيحبك حاول ما تخسره.
٤- اذا في شخص بيتمنالك الخير في مقابيله ١٠٠ ما بيتمنولك ياه.
٥- الصداقات والعلاقات صارت بأغلبها مبنية عالمصالح المتبادلة.. بدي آخد منك واعطيك، لما تنتهي هالمصلحة رح يختفوا من حياتك.

٦- حاول تستمع لحكي الناس بس ما تصدقه، وخصوصًا ما تصدق انسان بوقت انكساره ضعفه و وقت فرحه.. مشاعره رح يكون مبالغ فيها.
٧- كل الناس سيئة حتى تثبت العكس، الثقة تعطى مش لحالها بتجي من ولا شي.

٨- صدّق شكوكك وامشي وراها لحد ما توصل لتنين اما تأثبتها او تنفيها، والا رح تقتلك.
٩- العلاقات يلي بتسببلك ازعاج اقطعها، ولو مهما كنت بتحبهم.. الازعاج من شخص بيخليك تفكر فيه اكتر وبتتعلق فيه اكتر، وهالشي رح يقضي عليك شوي شوي.

١٠- الناس بتحب تجمل كل شي بشع بتعمله، ما حدا رح يكون صريح معك ويقلك ما الي جلادتك ومش طايقك، رح يحاولوا يلاقوا الف عذر ليجملوا تصرفاتهم، بس هيدا ما بغيّر الواقع، حتى السفاح بيجمّل جريمته.
١١- ما في شي بيدوم للابد، لا العلاقات ولا الصداقات ولا الشغل ولا الحب حتى انت رح تبطل موجود