بداياتي وتجربتي في التجارة الالكترونية في هذا الثريد #التجارة_الالكترونية
اول شي انا انسان بسيط وموظف الحمد لله ولكن مع كثرة الالتزامات جلست مع نفسي كثير وفكرت بمجالات كثيره سواء تحتاج رأس مال أو بدون كنت ابحث عن اي شي يدخل لي دخل لو بسيط ودخلت دورات وشريت دورات وللأمانه بعضها استفدت منها وبعضها مجرد كلام مكرر
وأغلب اللي يسوون دورات التجارة الالكترونية يعطونك كمية كلام يصدع راسك منها بدون فايده فعليه ولكن يوجد نسبة قليله اقول لك دوراتهم تستاهل كل ريال يندفع فيها لانك بتاخذها بتشوف تطبيق قدام عينك بس تنفذ الخطوات وتبدا التسويق واذا انت شاطر بتطلع حق الدورة اللي دفعته بنفس اليوم 💵
طبعا انا تجربتي في هذا المجال ولله الحمد ماكملت ٦ شهور ومطلع رزق الحمد لله وكونت قاعدة عملاء بدون موقع ولا شي عن طريق الواتس اب فقط
طبعا بعد خسائر بالدورات وكنت أي شخص يتكلم عن التجارة الالكترونية اضيفه سناب تيك توك تويتر ولو عند حالات بالواتس اب كان اضفته بعد 🤣نص اللي يتكلمون عن هذا المجال تابعتهم وشريت بعض الدورات منهم استفدت منها القليل والاغلب فقط خسائر بدون فايده
بعد انتهاء فترة متابعة المؤثرين بالتجارة الالكترونية بدأنا بالخطوة الاولى وش نبيع ؟ طبعا راح تفكر اني بقول لك دروبشوبينغ وخرابيط لا لا لأني اصلا هذا المجال ماني مقتنع فيه ابدا وخسايره اكثر من ربحه ولكن انا اخترت مجال المنتجات الرقمية وخاصة بيع الاشتراكات
والله ثم والله يا هذا المجال في ارباح بشكل مو طبيعي بدال ما تزعج مخك بالتفكير و وش اختار منتج واجيبه يمكن محد يشتريه المنتجات الرقمية مافيها أي خسائر وربحك مضمون بإذن الله وشغلك على الطلب 🫡
طبعا كلنا نشوف وبدت تنتشر بشكل مو طبيعي الاشتراكات بالبرامج والمواقع بأسعار ماتقارن ابدا بالاسعار الفعليه اللي حاطتها لنا الشركات كسعوديين وتحصلها بأسعار أقل بكثيرررررر عند متاجر الكترونية… ماسألت نفسك كيف كذا وليش هذا يبيع بسعر والشركة حاطه سعر يوصل الي ٥٠٠٪ !!!!
وكم من شخص يمكن يقرأ تغريداتي مشترك مع متاجر ومع ناس علشان خدمة ولكن مافكر كيف الناس هذولا جابوها له بسعر اقل ومن وين ؟
وبكذا وصلنا لنهاية هذا الثريد المختصر ونصيحة جرب وابحث عن المعلومة والله يافيه اشياء الناس قاعده تبيعها على اساس انها معلومة محد يعرفها وتنصدم انها موجودة وبالعلن بس حنا مانبحث لو نصمل بس بجلسة وحدة اضمن لك بتطلع لك بفائدة وبيرزقك الله. 🫡
جاري تحميل الاقتراحات...