تخيل انك ماشي بالشارع اخر الليل وتشوف بنت ترقص واول ماتلمح وجودك تلحقك بسلاح وتهجم عليك، المقاطع من هذا النوع منتشره بصربيا اخر فتره ومسببه ضجه بالانترنت، تابعو معي التفاصيل بذا الثريد تحت التغريدة…
بدا الموضوع بمقطع نشره حساب صربي بالتيك توك ووصل 80 مليون مشاهده وكان فيه بنت ترقص رقصه غريبه، بحطه المقطع بعد شوي…
هذا اول مقطع انتشر ومن بعده طلع هاشتاق #SerbianDancingLady فيه مقاطع كثيره من ذا النوع وعنوانه سيدة الرقص الصربي، طبعاً ذا المقطع ماكان فيه شيء غير بنت ترقص بالشارع بس الوصف حقه هو اللي سبب الضجه…
وفي مقاطع كثير انتشرت بعد المقطع الاول وكلها بنفس الفكره، البعض يقول انها ترند وتمثيل والبعض خايف ويشوفه موضوع مرعب خصوصاً سكان صربيا، وفي تعليق قريته من صربي يقول "الامر ليس مضحك ونشر وتصوير هذه المقاطع بدافع السخريه قد يدفع المجرمين والمجانين لتطبيقه بالواقع"
وانا ابحث عن الموضوع شفت قصه مشابهه صارت في 2019 لوحده مختله بصربيا كانت ماسكه سكين وتطعن الناس بالشارع، وممكن يكون هذا واحد من اسباب خوف الصربيين وتخوفهم من تكرار الموضوع…
الشيء هذا ذكرني بظاهره صارت في عام 2016 وهي killer clowns او المهرجين القتله وقتها انتشر ترند كذا وناس تلبس لبس مهرجين مخيف وتسوي اشياء غريبه، تكلمت عنها في جزئيه من مقطع نزلته باليوتيوب وهذا الرابط لو تبونه كامل…
youtu.be
youtu.be
وقت صارت ظاهرة المهرجين القتله ذي كانت ترند وطقطقه وتمثيل وممكن تكون ظاهرة الراقصه الصربية الحين ترند وتمثيل، بس الخوف من اللي ممكن يصير بعدها لان في فتره المهرجين في عصابات ومختلين استغلو الترند ذاك وصارو يرتكبون جرائم ويخوفون الناس…
ابغا اعرف رايكم تشوفون الموضوع مخيف ويستاهل الضجه اللي صارت عليه او مجرد ترند جديد اشتهر بالتيك توك ؟؟
جاري تحميل الاقتراحات...