سمعت قبل كده عن حد قلبه وجعه من الزعل وطلع مش بيعاني من مشكلة في القلب؟
أو حد بطنه وجعته من القلق؟
أو حصلك مرة إنك كنت مضغوط في فترة وبدأت تحس بأعراض جسدية مش لاقي لها تفسير؟
كل دي حاجات بنعرفها باسم اضطرابات نفسجسمانية أو الـ psychosomatic disorders،ودي بتحصل لما المشاعر بيتم

كبتها لفترات طويلة أو الضغط النفسي بيكون شديد فيظهر على الجسم أعراض زي:
🔹 مشاكل الهضم والمعدة.
🔹 الدوخة، والرعشة.
🔹 الصداع.
🔹 آلام العضلات.
🔹 آلام فقرات الظهر والرقبة.
🔹 سرعة ضربات القلب.
🔹 إرتفاع أو إنخفاض ضغط الدم.
طيب ليه بيحصل كده؟

عشان اقربلك الصورة، تخيل معانا إن جسمك عبارة عن وعاء لما بتوصل الماء لمرحلة الغليان بيبدأ البخار يتصاعد منه، طيب لو ضغطنا على الغطاء ومنعنا طلوع البخار، تفتكر هتكون ايه النتيجة؟
ده بالظبط اللي بيحصل لما بيزيد الضغط النفسي والعصبي على الجسم،

بتبدأ ترتفع هرمونات معينة بالجسم منها الأدرينالين، في حالة إن زاد إفرازه بدون ما نسمح بوجود أي متنفس يقلل من هرمونات التوتر عندنا، بتبدأ تتراكم جوا الجسم وتسبب لنا أعراض جسمانية.
حسيت بأعراض زي دي قبل كده و ملقتلهاش تفسير عضوي؟