سمعت قبل كدا حاجه كانت السبب الاكبر في تغيير نظريتي للدين و الشيطان
وهي ان الشيطان اتبع معانا اسلوب ذكي لدرجه متتوصفش بانه يخلينا راضين بحالنا بمعنى لو انت مبتصليش او بتجمع صلاه بتفكر بانه ياعم احنا احسن من غيرنا و الحمدلله اننا مسلمين و مرتكبناش كبائر و كل دا
١/٤

وهو دا الي هو عايزه انك تبقى عايش في *غفله* و شايف الي انت فيه دا طبيعي وان كتر خيرك انك بتصلي اصلا و تقف عند نقطة انك عايز تبقى وسط لا انت ملتزم ولا انت جاحد
و بيترتب على كده انك مبيبقاش عندك الصدق في النيه انك تلتزم اكتر و تشوف السبل العمليه الي تعينك
٢/٤

لو هتبص من منظور المقارنه بغيرك فقارن نفسك بالاحسن مش بالاسوء انت بتدور على انك تعلى درجات في الجنه مش انك تهرب من النار وخلاص وبص لسيرة النبي صلى الله عليه وسلم الي هو اشرف الخلق قال *يَا أَيُّهَا النَّاسُ تُوبُوا إلى اللهِ، فإنِّي أَتُوبُ في اليَومِ إلَيْهِ
مئَةَ مَرَّةٍ*
٣/٤

تخيل الرسول صلى الله عليه وسلم بيتوب في اليوم مئة مره فاحنا المفروض نعمل ايه ؟
حاولو تفكرو في الموضوع بينكم و بين نفسكم و احسبوها صح قبل ما ربنا يحاسبنا
﴿ اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ﴾
[ الأنبياء: 1]
٤/٤