ناس مستغربة ازاى بنوك تفلس ويحصل المصايب دى فى بنوك عالميه ؟ هاحاول اشرح الموضوع ببساطة شديدة حتى تصل للجميع ، البنوك نشاطها الرئيسى جذب ودايع العملاء واعادة اقراضها لاخرين وتقوم مقابل ذلك بتحصيل عمولات ومصاريف تشغيل وفرق بين الفايدة المدينة والداينه وكل ده بيمثل ارباح البنك
ولنفترض ان بنك A لدية موجودات ودابع عملاء واحتياطيات ..الخ بقيمة ١٠٠ مليار دولار ستجد ان راس المال والاحتياطى للملاك بيمثل ٢٠ مليار و٨٠ مليار ودايع العملاء ، علشان يشغل الفلوس دى لازم يقرضها لكن بيخلى نسبة سيولة معينه تحت ايدة لمقابلة سحوبات العملاء والى بتمثل عادة ١٠% من
الودايع والحسابات الجارية والتوفير وخلافة فبيقوم هوا باعادة استثمار الباقى كلة ومنحة قروض بل قد يتوسع فى منح قروض اكبر من موجوداته عدة مرات فهو مطمئن ان لاشىء غريب سيحدث وفجاة تصيب السوق اى كبوة او اشاعه او افلاس واحد او اكبر من عملاء البنك المديون بمبالغ كبيرة فيسارع العملاء
لسحب فلوسهم فى سباق محموم للحصول على فلوسهم وللاسف فان ٨٠% من الفلوس دى اساسا غير موجودة وتم اقراضها لاخرين او تم لستثمارها فى اذون خزانة لفترة ٥ سنوات او مشاريع طويلة الاجل ويحدث كما حدث مع بنك سيليكون فالى وطبعا البنوك برضة عندها تعاملات مع بعض يعنى ممكن بنك زى كريدت سويس يكون
مانح البنك الاول الى فلس قروض او مساهم معاة بمشاريع او حتى منحة تسهيلات اعتمادات مستندية وخطابات ضمان بمليارات فيحصل تاثير الدومينوز اول واحد سقط وافلس هايوقع الى بعدة وهكذا وطبعا يعتمد ذلك على العلاقة بين البنك Aوالبنوك الاخرى فالموضوع موضوع ثقة بالاساس
ولو اى بنك فى الدنيا اتعرض لعملية سحب نقدية واسع من المودعين وارد انه يفلس فورا لان الفلوس مش موجودة عندة لكن مشغلها علشان يديك فايدة شهرية او سنوية
وعلشان كدة لما تسمع دعوات من هنا او هناك لاشخاص غير مسؤولين تشجع الناس او تدفعهم لسحب فلوسهم من البنوك على طول تشتم الشخص الى قال كدة وتعملة بلوك لان من شان هذة الدعوات غير المسئولة افلاس الجميع بنوك ومودعين ومقترضين وخراب بيوت
جاري تحميل الاقتراحات...