اللي صبر على الحادق.. يدوق الحلو!
بالنسبة لي جملة "برشلونة عندها أفضل خط دفاعي في العالم" مش كفاية لوصف ما يمتلكه برشلونة في الصدد ده، الفكرة إن مش بس كوندي وآراوخو وكريستينسين وبالدي عندهم مميزات بتكمّل بعض، ونتج عنها خط دفاعي مميز،
ثريد عن "BACK" برشلونة...
بالنسبة لي جملة "برشلونة عندها أفضل خط دفاعي في العالم" مش كفاية لوصف ما يمتلكه برشلونة في الصدد ده، الفكرة إن مش بس كوندي وآراوخو وكريستينسين وبالدي عندهم مميزات بتكمّل بعض، ونتج عنها خط دفاعي مميز،
ثريد عن "BACK" برشلونة...
الحلو في خط دفاع برشلونة، إن كل واحد فيهم عنده مميزات شاملة تتخطى دوره الفعلي، كل واحد فيهم مش محتاج التكامل ده أصلًا، شيء مش بسيط مثلًا لما آراوخو وكوندي تتبدل مراكزهم وأدوارهم في كل ماتش تقريبًا بدون ما تحس بفرق،
شيء مش بيحصل في العالم دلوقتي أصلًا واللاعبين اللي عندهم إتقان لأدوار كل الخط اللي مركزه فيه أصبحوا شبه مش موجودين،
فكالعادة حضّر قهوتك وتعالى، علشان الموضوع كبير شويتين، لكن ممتع!
فكالعادة حضّر قهوتك وتعالى، علشان الموضوع كبير شويتين، لكن ممتع!
أنا عارف إن أقل واحد فيهم بيحصل على التقدير والإشادة هو بالدي، وده لأن أداءه رغم إنه مميز لكنه أقل من اللي يمتلكه هو بالفعل، بس أنا أكتر لاعب بيفكرني بفترة رونالدو يونايتد هو بالدي في قوته الانفجارية،
إن الخصم يكون واقف صح أوي بس هو يقرر يدوس بنزين وياخد الكورة ويسوق الملعب،
إن الخصم يكون واقف صح أوي بس هو يقرر يدوس بنزين وياخد الكورة ويسوق الملعب،
وعلشان هو مهاري كمان، فكان بيعمل ميكس لطيف، يسرع نفسه أوي ويراوغ وهو بيجري، مهارة مش الكل بيعرف يتقنها حتى لو كان مهاري وسريع مع بعض، لأنها بتحتاج ترويض كورة شبه مثالي وبدون غلطة ولمساحة كبيرة وضد أكتر من لاعب وإتنين وتلاتة.
في مواهب الجيل ده، أكتر لاعب متقن للمهارة دي هو بالدي،
في مواهب الجيل ده، أكتر لاعب متقن للمهارة دي هو بالدي،
الحلو في الموضوع إن الظهير مهما إتطورت الكورة هيفضل أهم حاجة عنده إنه يكون سريع، بتعرف تجرّي نفسك والكورة في رجلك؟
بقيت ظهير كويس، لكن إختلاف جودتك بيعتمد على مدى إتقانك لأمور أخرى، الحلو في الموضوع أكتر، إن بالدي لاعب اختراق مبهر، مش بس بيجري، كمان مراوغ جيد جدًا،
بقيت ظهير كويس، لكن إختلاف جودتك بيعتمد على مدى إتقانك لأمور أخرى، الحلو في الموضوع أكتر، إن بالدي لاعب اختراق مبهر، مش بس بيجري، كمان مراوغ جيد جدًا،
يعني في الهيكلة اللي عاملها تشافي، وهي رباعي وسط، علشان يحمي نفسه من الارتداد وفقد التقدم والاستحواذ، ففكرة ثلاثي الوسط واللاعب الريشة اللي بين نصف المساحة في الوسط والطرف بتحميله الزيادات الهجومية والدفاعية اللي عايز يعملها في طول وعرض الملعب، وبتحميله أنماط لعبه في الاختراق،
لكنها بتفقد لاعب technical في عمود من الـ3 في الملعب، لاعب يقدر يحط نفسه في وضعيات فردية ويكسبها ويصنع فوضى خلف خط دفاع الخصم للاعب جاي من الخلف بدون كورة مثلًا، وعملية الـoverlap اللي بيساند فيها الظهير،
بالدي لوحده حرفيًا هنا، مفيش لاعب بيسنده في عملية التفوق دي غير لو لاعب سند معاه تمريرة مثلًا، ورغم كده قادر يحط نفسه في وضعيات ضد 2 و 3 ويكسبها، مع عرضيات جيدة وهتتطور أكتر مع الوقت، وبينيات ممتازة فعلًا،
علشان كده تشافي بقى يحطه في مساحات واسعة، laying off بلعب في جبهة واحدة وتوجيه الخصم للرواق الأيمن، وبعد كده تحويل اللعب بشكل مفاجيء لجبهة بالدي على الشمال، وقتها بتضمن تفوق حقيقي خصوصًا لو لاعب من خط الهجوم قدر يتحرك في الجزء الأعمى للمدافع ويكون أسرع من رد فعله،
مؤخرًا كمان، تشافي بقى يستخدمه كـ inverted back، علشان يحققله التقدم بالكورة لخطوط أعمق بين الخصم، المبهر إنه أظهر إمتيازه في الوعي المكاني والتكتيكي، وبيقدر يوفر نفسه كخيار تمرير طول الوقت بين خطوط الخصم، مع ميكس لطيف بسرعته لمهاجمة المساحة وخطوط الخصوم.
الكلام بقى عن ثلاثي دفاع برشلونة بالنسبة لي له أصل، لأن اللي الناس بتشوفه ده ممكن تعتقد إنه بسيط، لكنه أبدًا مش كده، تعالى أقولك ليه بحكاية في الأول كده،
هيكلة الهجوم بالنسبة لأي فريق، بتعتمد في أغلب الأوقات على حاجتين؛ الأولى بيسموها بالأسباني "Mover al oponente de pausa"، وإختصارًا هي "la pausa"، وهي تحريك الخصم من مكانه لو أنت معاك الكورة وبتكسر خطوط ضغطه وتمركزه وهو تحت الكورة،
أكتر ناس مشهورين هنا ولهم legacy تاريخي عن أي حد هم أسبانيا وبرشلونة وثقافة الـcules في العالم عمومًا مش بس في كتالونيا نفسها، بل كل مدربي ولاعبي العالم التابعين ليهم، واللي بيكون عن طريق إنك بتهدّي الرتم، لاعب بيستلم، بيسلّم كورته ويتحرك بدون كورة بين الخطوط،
وحامل الكورة بيبدأ يراوغ واحد وإتنين من الخصم، ويهدي الرتم تاني، واللاعب اللي بين الخطوط يتحركله تاني، ويدخل واحد تاني في اللعبة علشان يصنعوا زيادة عددية ونوعية، المهم هنا واللي بيحدد السياق، إن الخصم يتشتت والرقابة تتفكك،
الثانية بيسموها في ألمانيا "Überraschung"، أو المباغتة والمفاجأة، وده النقيض، سرعة في الرتم ومفاجأة الخصم بلعبة مش مترتب لها، وأكتر ناس بيعملوا كده هم ألمانيا، لاعب بيستلم الكورة والباقي بيجروا علشان يكونوا مباشرين وزوايا تمرير سريعة لحامل الكورة في التحول الهجومي ده،
مفيش إرتجال، كل شيء قائم على السرعة، تمرير سريع علشان يوصلوا لمرمى الخصم بأسرع وأدق شكل ممكن، تحويل لعب من جبهة لجبهة تانية، مباغتة، وعلشان كده تقدر تشوف إن أكتر فريق إتضر من الفكرة دي على مدار تاريخه هو برشلونة، وأكتر فريق إتضر من الفكرة المضادة هو بايرن والفرق الإنجليزية،
المدافع عمومًا، بيتم تقييمه على أساس تصديه وتعامله مع الحاجتين دول، مدافع يكتفي بـ"التغطية"، مدافع تاني يميل لـ"الاعتراض"، وعلشان تفهم الفارق بين الكلمتين،
فالتغطية عبارة عن عملية فيها المدافع بيكون واقف صح جدًا، وبيستقبل هجمة الخصم لما بتيجي عنده وفي مكانه، أغلب المدافعين الكلاسيكيين بيعملوا كده، بيغطي مكانه كويس ويقفل أي ثغرة ممكنة، ولما الهجمة بتترحل لحد عنده، بيتصدى لها،
الاعتراض هو العكس، عملية فيها المدافع بيخرج من مركزه ويستبق الخصم ويقرأ اللعب ويتوقع الهجمة هتروح فين ويروح يوقفها بنفسه، وطبعا ترحيل وتمركز الفريق دفاعيًا هنا بيساعده بشكل كبير، وبيغطي مكانه في إن اللاعب ده لا يتحول لثغرة لو الخصم نجح في استرجاع الكورة منه أو هو أخطأ في توقيفها،
أمثلة علشان تفهم، بويول/ بيبي/ كوليبالي/ فان دايك، دول مدافعين بيميلوا للتغطية، وتقدر تفهم التشابه بينهم في القوة الجسدية والتمركز وتوفير نفسهم كزوايا تمرير مستمرة لحارس المرمى، أما راموس/ فيديتش/ تيري/ ماركينيوس، مدافعين بيميلوا للاعتراض، يتوقع اللعب ويطلع من مركزه ويفسده بنفسه،
وعلشان كده تقدر تفهم برده، إن اللي بيميلوا للاعتراض ناس عندهم كورة أحسن، رغم إنهم دفاعيًا في المواجهات الفردية ممكن يكون فيه أفضل منهم، علشان لما بيعترضوا في مواقف متقدمة، بيقودوا الكورة بنفسهم في مناطق أخطر وأقرب للوسط والهجوم، أو بيقودوها في تحولات هجومية سريعة،
وعلشان كده هم عناصر أساسية في بناء الهجمة لما الخصم يضغط عالي، والمدربين حاليًا أصبحوا يقدموهم في الـzone defence لما يكون عايز يحمي وسط ملعبه بدفاعه المتقدم، علشان عناصر الإفتكاك تكون أكتر والضغط العكسي يكون أكبر،
من هنا جت فكرة إن جوارديولا والمدربين الأسبان بيميلوا لنوعية مدافع الاعتراض، اللي كورته أحسن ويستبق اللعب، زي ناثان آكي مثلًا، أما إنجلترا وألمانيا يميلوا لنوعية دي ليخت وساليبا، مدافع التغطية، اللي بدنيا ثابت أكتر ومركز في رقابة المهاجم أكتر في منطقته ويقدر يكسب منه الكورة أكتر،
فيه حاجة مهمة هنا، مفيش فريق ناجح لا يملك النوعين، الكورة ميكس، عملية قائمة مين عنده حلول أكتر قبل ما تكون أفضل، الفكرة في الدور الريادي، مين اللي النادي يهتم بصرف مبالغ أكبر فيه علشان تكون جودته أكبر، ده مش معناه إهمال النوعية الأخرى، بل الاهتمام بشكل أكبر بها أحيانًا كمان.
مفيش مدافعين في العالم كله دلوقتي، عندهم ميزة التغطية والاعتراض بنفس الكفاءة غير 5 في رأيي ملهمش سادس: ليساندرو مارتينيز، كريستينسين، آراوخو، كوندي، تياجو سيلفا رغم العمر وصعوبة الدوري كمان، الأربعة دول عندهم إجادة تامة لأي سياق لعب ممكن يتحطوا فيه وأي أدوار ممكن تتطلب منهم؛
آراوخو مثلًا وكريستينسين مع تشافي إتطلب منهم في آخر 9 مباريات خصوصًا، كل واحد فيهم يكون مدافع تغطية والتاني اعتراض، ويكونوا العكس في ماتشات أخرى، كل ماتش بدور واللي بعده بنقيضه،
ماتش بيتيس اللي كان من شهر مثلًا كان كريستينسين هو مدافع الاعتراض وآراوخو نزل تحت خطوتين، وماتش إشبيلية وفياريال بعدهم آراوخو هو اللي كان بيطلع ويطبق الضغط العكسي كأول واحد في وسط برشلونة مش في دفاعه حتى،
وكريستينسين مائل ناحية توريس ومونتيل من إشبيلية وفويث من فياريال علشان كان سامباولي بيرحل اللعب ناحيتهم بعد ما يجمعه ناحية راكيتيتش، ونفس الفكرة لستيين وفويث وتشيكويزي لما نزل وإتطرف كـ roaming.
إمبارح ضد ريال مدريد، برشلونة كانت بتميل للإستباق، خصوصًا لما مدريد كانت سايبة نص الملعب؛ الاستباق في الضغط، الهجوم، الانتشار، التحكم في الرتم،
كان كوندي هو اللاعب اللي بيساهم في المراحل دي لأنه أفضل منهم فيها، هو أفضل مدافع في العالم في رأيي في الكرات المكشوفة، لأنه مدافع تغطية مثالي، وبعدها بيكون مدافع اعتراض مثالي،
إمبارح كمان تشافي إستخدم دي يونج كلاعب roaming، بيقود مراحل الاستحواذ لأنه تقنيًا أفضل من غيره، روبيرتو وجافي يكونوا لاعبين بيساهم واحد منهم في شكل الضغط العالي لبرشلونة في العمق ضد كورتوا، وليفاندوفسكي بيميل على اليسار كـ insider وقت الضغط، رافينيا على اليمين،
علشان لو جافي قطع الكورة بضغط عكسي، يبقى روبيرتو هيكون تحته بخطوتين وهيسند مع رافينيا اللي بيمررله علشان تتمرر لرافينيا تاني ويدخل العمق، والعكس لو روبيرتو اللي قطع،
ده حِمل كبير على الدفاع، لكن تشافي واثق في دفاعه، لدرجة إنه قدم خط دفاعه كمان ولعب على الكرات المكشوفة ضد فريق بجودة مدريد، كريستينسين هنا لا مثيل له، لاعب قادر يلم ورا بالدي ويطلعه،
مش بس كده، مدريد لما بيضغط عالي كان تشافي بيشاور لكريستينسين علشان يمرر لعمق الملعب مباشرةً في مناطق مدريد، دي مخاطرة كبيرة ومش أي مدافع يتحملها،
فيه نمط لعب تشافي بيعمله من بداية الموسم، وهو إنه بيستغل لو الخصم سايبله الكورة وفي حوزة برشلونة، آراوخو بيميل على اليمين كمدافع طرفي، وكوندي بيطلع للأمام، وبتبقى أقرب لثلاثي، مش بس كده، آراوخو بيطلع لوسط الملعب على اليمين علشان يسند مع رافينيا ويطلعه في المساحة خلف الخصم،
عملية underlap وهمية يعني، ولما الخصم بيمسك كورة ويهاجم، بيبدأ يأخّر بوسكيتس خطوتين، وآراوخو معاه، واحد منهم يقطع الكورة، والتاني يقود التحول بنفسه لمسافات طويلة،
أو تحصل لعبة 3rd man أو الرجل الثالث، لاعب من الإتنين بيكسب الإحتكاك مع حامل الكورة من الخصم، ولاعب تاني بيدخّل نفسه في اللعبة وبيكون حر وبيقود الكورة تحت الضغط،
ولاعب ثالث ملوش علاقة باللعبة أصلًا لكنه بيستغل ضغط الخصم في موقع معين من الملعب وبيتحرك في الـblind side أو الجانب الأعمى من مراقبة المدافعين وتوجه أجسادهم وبيجري فيها، وده كان جافي إمبارح وروبيرتو، علشان اللعبة تتحرر تمامًا وتروح للثلث الأخير.
مع إحترامي لكل الثنائيات والثلاثيات في أي فريق في العالم، الكيمياء اللي بين رباعي خط دفاع برشلونة هي أحسن حاجة جماعية موجوده في اللعبة دي حاليًا،
وبكامل قواي العقلية، دي أفضل منظومة دفاعية شوفتها في برشلونة في حياتي كلها، وكالعادة دي تفاصيل مش هيتم إشادة تشافي بسببها.
وبكامل قواي العقلية، دي أفضل منظومة دفاعية شوفتها في برشلونة في حياتي كلها، وكالعادة دي تفاصيل مش هيتم إشادة تشافي بسببها.
إنتهى الثريد!
شكرًا لوقتكم! ❤️🤝
شكرًا لوقتكم! ❤️🤝
جاري تحميل الاقتراحات...