تاثير زحل الحوت على كواكب حوت سواء بالخريطة السنوية او الميلادية و تاثير زحل في البيوت ..
بما ان كثير يبغون اتكلم عن تاثير زحل حوت على كواكبهم مثل قمر حوت وزهرة حوت بشكل مفصل وجوده بالسنوية او الميلادية وتاثيره بالبيوت باذن الله بهذا الثريد راح اتكلم عن تاثير زحل الحوت بعد ما اشوف تفاعل كبير لثريد راح انزل الثريد كامله باذن الله 💪🏻❤️
اكثر اشخاص ارحمهم هم قمر الحوت بالصراحة لهذا عبور لان شديد على نفسيتهم كثير ممكن قمر حوت مع عبور زحل راح يحس باحباط وتشتت وممكن تذكر اشياء من ماضي ذكريات تعيقه يشوف الحاضر ، جلد ذات ومحاولة تصحيح اغلاطه او ندم على اغلاط حصلت بالماضي كثيرة راح يسال نفسه كثير انا ليه سويت كذا ..
.. طيب ليه صار معي كذا وانا ما استحق هذا الشي ! ، وهذا طبيعي هنا ممكن فيه تعب نفسي لصاحب قمر حوت او احد من الاهل وراح يعتني به او انه راح يعتني بنفسه ، زحل راح يعلمك تصحصح لمشاعرك تتحرر من ماضي توقف لوم نفسك او لوم حياتك او لو ماضي زحل هنا يبيك تجمع شتاتك وترجع تركز على نفسك اكثر
وهذا تاثير راح يكون لكل من قمر حوت في الخريطة الميلادية و السنوية مثلاً قمرك حوت بالخامس ؟ هنا يبيك تلقاء سعادتك حقيقة شغف ومواهبك وكيف تسعد نفسك وتكون ما تحتاج احد يسعدك ومكتفي عاطفياً ، مثال اخر لو قمرك حوت بالثالث ؟ هنا يبيك تلقى طريقة عشان تفضفض او تتحرر من افكارك طريقة ..
.. طريقة تفرغ فيها غضبك وكبتك وحزنك ، وتطور افكارك لصالحك تصير ما تشتت بالكلام او بالحوار تكون مركز مع نفسك وعارف شعورك مو مبعث ، يبيك وانت تتكلم عن دواخلك تكون مرتاح مو خايف انك تتكلم عن مشاعرك وافكارك وارائك ، وان ما تبقى بالنقطة صفر تبداء تبني افكار تفيدك افكار تطورك اكثر ..
فا هنا نشوف قمر وين وش الي تعبان فينا وش يحتاج عشان نصححه بعض الاحيان نحتاج تغير مثال اخر وجود قمر حوت في التاسع ؟ هنا الشخص يحتاج سفر حرفياً يسافر ياخذ بريك يتعلم اشياء جديدة يتعرف على ناس جدد على ناس مختلفة عن تفكيره راح يفيدونه نفسياً راح ينتببه لنقاط وامور ما كان مركز لها
مو بس كذا راح يحتاج تغير جذري لافكاره وبناء افكار جديدة هنا زحل يبي يعلمه ان افكاره الي قبل كانت غلط او كان معمي عن الافكار الصح والي تناسبه عشان كذا بعض الاحيان مهما اجتهد لشي الي يبيه ما يلقاه فا هو زي الي يبي يدله لطريق الصح عشان يلقى نفسه ويلقى افكار جديدة تساعده
الزهرة حوت تاثيرها من زحل الحوت هنا زهرة الحوت اعذروني على كلمه بس زي الي بيجيها كف يصحصح فيها 😂 ، ليه ؟ لان زهرة الحوت تحب عيوب الشريك ومحاسنه لدرجه ان حتى لو شريكها سام وتوكسك ومؤذي لها راح تصبر عليه ! وهنا زحل بيعطي صاحب الزهرة كف زي الي يقول صحصح معي وفكر بالعقلانية هذا شخص
هذا شخص قاعد ياذيك بالضبط زحل بيخلي صاحب زهرة الحوت عقلاني بالحب غير عاطفي راح يخليه يركز على المنطقية باختيار الشريك مو على مشاعر وعاطفة يعني مثلا لو شريكه سام راح يتركه ويمشي وحتى لو ما يبي راح يصير موقف يجبره يترك هذا شخص ويمشي راح يكون اكثر عقلانية بالحب وصعب بالحب
راح يختار شركائه بالعناية كبيرة وممكن يمر بالصدمات عاطفية ودروس بالعاطفة مثلا لو هو شخص يتعلق بسرعه بالطرف الاخر راح يمر بالصدمة عاطفية او درس يعلمهم ان يكتفي بنفسه وما يتعلق ، لو هو مثلاً عاطفي بالزيادة مع شريك ويعبر عن مشاعره ويعطي اكثر من انه ياخذ بيجيه درس ان لا تعطي وانت ..
وانت ما تاخذ زي كذا اي شي ناقص من ناحية الحب وعاطفة راح يتعلم ويحسن نفسه ، من الممكن ان تجيه علاقة جدية لكن صاحب زهرة الحوت نفسياً بيكون مركز على نفسه اكثر ، راح يميل اكثر انه يكون جدي اكثر يكون يهتم بنفسه ومواهبه الاشياء الي مهملها بحياته راح يركز عليها ليه ؟ لان زهرة حوت تشتت
فا يكون في اشياء كثيرة مهملها صاحب زهرة الحوت بدون قصذ بسبب تشتت لكن مع زحل حوت تشتت بيخف وتركيز والاصرار بيزيد ما انكر بتجي لحظات ان صاحب زهرة حوت يبي حب يبي احد معه نفسياً ويبي يلقى شريك مناسب له بيكون عنده رغبة داخليه ان يلقى الشخص مناسب بس هنا زحل حوت بيخليه يختار نفسه ويركز
ويركز على نفسه ومواهبه ويحسن من نفسه حتى بشكله وملابسه ستايله راح يتغير اشياء كثيرة راح تتغير فيه طريقته بالحب طريقته بالعطاء بس باذن الله للافضل ❤️
جاري تحميل الاقتراحات...