وانا حامل الدكتور قالي ان ابني وزنه زيادة عن العادي مع ان مفيش اي سبب لده و مع ان وزني انا بيقل واني لو كملت كده مش هعرف اولد طبيعي لان هيبقى خطر وممكن يحصل مضاعفات كنت زعلانة اوي علشان انا مش عايزة اولد قيصري وكنت حابة كل حاجة تمشي بالشكل اللي ربنا خلقنا بيه فحاولت امنع سكر

واظبط اكلي علشان ادي لنفسي اي امل ان ممكن الامور تظبط على اخر التاسع

معلومة جانبية انا عملت كل حاجة في الحمل ده مشيت ورحت وجيت وسافرت ورجعت وكنت بروح شغلي شفتات نايت واتزحلقت ووقعت على السلالم و كل حاجة في الدنيا والحمد لله ماحصليش حاجة .. حصلي وانا نايمة الساعة اربعة الفجر وانا باكل رز مع الملايكة

في الاسبوع ٣٣ يعني قبل معاد الولادة ب٧ اسابيع كيس الجنين اتفتح ودخلت في ولادة مبكرة ومش هقول ان الsurvival rates مش بتكون كويسة لكن كل الاطفال اللي بيتولدوا في العمر ده بيحتاجوا حضانة لفترة مش قليلة عارفين ايه اللي خلاه مايحتاجش حضانة اول ما اتولد؟ ان وزنه زيادة عن عمره 😭

تدابير ربنا هي اللي انقذت ابني مع اني كنت زعلانة منها في الاول وبحاول اغيرها