أنا مؤمن بمشروع تشيلسي جدًا، أنا عارف إن ده كلام ضد التيار لكن كالعادة بقول اللي مقتنع بيه،
كنت بستغرب من الناس اللي بتقول إن ليفربول بالسباعية ضد يونايتد هيقدر ينطلق من جديد، وكأن الكورة عبارة عن زرار أول ما هتضغط عليه هيحول وضعك بسهولة،
ثريد عن وجهة نظري في تشيلسي وبوتر...
كنت بستغرب من الناس اللي بتقول إن ليفربول بالسباعية ضد يونايتد هيقدر ينطلق من جديد، وكأن الكورة عبارة عن زرار أول ما هتضغط عليه هيحول وضعك بسهولة،
ثريد عن وجهة نظري في تشيلسي وبوتر...
مشاكل ليفربول أعمق من كونها نفسية، مشاكل بتتعلق بالضغط اللي أصبح لا يتم تطبيقه زي الأول وهيكلة الهجوم اللي ملهاش أنماط واضحة ولا أسلوب يخدم الموجودين ويستثمر فيهم ويصنع ديناميكية بينهم،
طيب ايه الفرق هنا بقى بين حالة تشيلسي وليفربول؟ ما الإتنين بيخسروا! الفرق هنا في السياق، ايه اللي بتعمله إداريًا وفنيًا، يعني مثلًا، في الوقت اللي ليفربول عارف مشاكل وسط ملعبه وإنهم حرفيًا فاقدين لخط كامل ومدربهم بيجدد الثقة فيهم في بداية الموسم،
تشيلسي بيتعاقد مع دينيس زكريا ومودريك وإنزو ونونو مادويكي وكارني تشويميكا، ده مثال بسيط مش للحصر، صحيح تشيلسي بيصرف ببزخ في مواقف كنت ممكن تتعاقد فيها مع لاعبين أفضل بحضور وكواليتي وتنظيم أعلى لنفس متطلباتك، لكن رأيي إن تود بويلي بيحاول يستغل ميزة الـlong-term أكبر إستغلال،
من الموسم الجاي هتبدأ موجة تقليل العقود والسنين، علشان كده بويلي تعاقد مع إنزو ومودريك وغيرهم بعقود فيها 10 سنين! صحيح ممكن تلبس اللاعب ده لو أداءه قل مع مرور المواسم، لكن صحيح كمان إن بقى عندك ميزة مش عند غيرك.
كمان الناس لازم تفهم شيء مهم، اللي تشيلسي بيعمله هو الصح، ما دون ذلك هو الغلط، إنك تقدم شيء في الملعب لكن يكون غير كافي علشان تكسب ومواطف ضعفك تظهر وأنت مع الوقت بتحاول تحلها، ده أكبر دليل إن فيه مشروع، خصوصًا لو مواطن الضعف بتتحول لمواطن قوة مع الوقت،
أمثال سولشاير هي خدعة لازم تنتهي من الكورة، تكسب في البداية لكن بدون دليل واضح على إن فيه أساس وشيء بيتم تقديمه وأنماط بتتكرر وبتبدأ تميز بها المدرب ده،
شيء غريب أصلًا إنك تحكم على جرهام بوتر بإنه مدرب سيء رغم إنه نفس المدرب اللي كان من شهور مدرب مميز وعامل طفرة مع برايتون بإسكواد فيه أفضل منه كتير، النتائج بتتحكم في الناس بشكل مبالغ فيه، طبيعي جدًا إن على أساس حجم العشوائية فترة تعافيك ورجوعك للمسار الصحيح بتزيد،
جملة زي الوقفة العرضية للاعبي تشيلسي في الوسط وإنطلاق لاعب بالكورة ويبدأ يهدأ على كورته وهو بيجري علشان الآخرين ياخدوا وقتهم في التمركز في أماكن أعمق وأخطر، دي جملة مدرب، لأنها كمان بتتكرر، وهدف فيليكس تم تسجيله ضد ليستر النهارده كده،
دي أول حاجة إكتشفتها وبدأت تتعاظم مع بوتر، صحيح عجلة ظهور التطور بطيئة شوية، لكن الأكيد إنها محتاجه إنطلاقة بفوز مستمر علشان تتعاظم،
زي الـturning point اللي إحتاجها آرتيتا، الراجل صحيح طور نفسه جدًا خلال الموسم الحالي، لكن كمان الجمل دي كان بيتم تطبيقها خلال الـ3 سنين الماضيين،
زي الـturning point اللي إحتاجها آرتيتا، الراجل صحيح طور نفسه جدًا خلال الموسم الحالي، لكن كمان الجمل دي كان بيتم تطبيقها خلال الـ3 سنين الماضيين،
الفارق بس إن تم تعظيم الفريق وثقته في نفسه وشغفه زاد لما آمنوا بنفسهم، هيكسبوا فرق بسيطة وفي نفس الوقت هيمر عليهم خصوم كبار وهيكسبوهم، عكس كسرة النسق اللي كانت بتحصل في السنين الماضية لما يقابل خصم كبير وسط إنطلاقة كويسة، فيخسر، تحس إن بيحصل هدوء طبيعي،
وبالمناسبة منظومة آرتيتا دي هتحتاج تدعيم كواليتي ومراحل لعب و patterns زيادة في الموسم الجاي علشان يكملوا كده، علشان اللي بيحصل ده over performance والفريق كله عارف كده، دورة حياة فرق كتير حققت إنجازات كبيرة، لكن الشاطر هو اللي يبني على الإنجاز مش يقف مكانه.
تشيلسي بالنسبة لي يملك فريق كويس ويتبني عليه لكنه محتاج تنظيم، هيكلة الهجوم مش كفاية إنها تنفذ متطلبات المدرب لكن بشكل غير فعّال، وعلشان كده جواو فيليكس ظاهر عن غيره، لأن لا سترلينج ولا زياش ولا هافيرتز ولا ماونت لاعبين يحققوا بطولة، لاعبين إسكواد كويسين، لكن مش ركيزة أساسية،
كمان لاعب زي إنزو فيرنانديز هو لاعب rational أوي، يعني راسي وهادي على كورته وبالتالي محتاج لاعب 8 معاه عنده طاقة أكبر وأدوار بدون الكورة عالية وبينطلق بالكورة في التحولات، دي هيكلة بتتصنع حسب رسم المدرب لفريقه اللي هو عايزه.
عمومًا أنا سعيد من موجة المشاريع اللي بيتم بنائها في العالم كله بهدوء وبدراسة وعلم وتنظيم عكس السابق، وسعيد أكتر إن رغم إعتراض الجماهير وإستعجالهم المستمر وآرائهم المتسرعة، أصبح كل نادي ماشي بهدوء وبثقة ونضج أكبر من السابق.
إنتهى الثريد!
شكرًا لوقتكم! ❤️🙏🏻
إنتهى الثريد!
شكرًا لوقتكم! ❤️🙏🏻
جاري تحميل الاقتراحات...