النوع دا من التبريرات غريب جدا ، وفيه اساءة أدب مع الله عز وجل ، يعني شنو ربنا ينزل حكم ويعلقه بي شي مستحيل ؟ تعالى الله عن هذا العبث
بعدين العدل صفة ربانية مستحيل تكون عند بني آدم دي قالوها ليكم في الجبنة ولا شنو؟ { إن الله يأمر بالعدل والإحسان..} بقولوها ليكم في كل جمعة
بعدين العدل صفة ربانية مستحيل تكون عند بني آدم دي قالوها ليكم في الجبنة ولا شنو؟ { إن الله يأمر بالعدل والإحسان..} بقولوها ليكم في كل جمعة
هو الإسلام دا نزل يعدل بين الناس وينشر العدل في الدنيا ، العدل والقسط ديل مصطلحات ملأت دفتي المصحف !
بعدين استبعاد السنة وحياة الصحابة برا الموضوع دا خالص ليه؟ عدد رسول الله وعدد الكثير والكثير من صحابته
ديل كانو بسوو في شنو ؟
بعدين استبعاد السنة وحياة الصحابة برا الموضوع دا خالص ليه؟ عدد رسول الله وعدد الكثير والكثير من صحابته
ديل كانو بسوو في شنو ؟
بعدين الآية بتفسر نفسها بنفسها ﴿وَلَن تَستَطيعوا أَن تَعدِلوا بَينَ النِّساءِ وَلَو حَرَصتُم فَلا تَميلوا كُلَّ المَيلِ فَتَذَروها كَالمُعَلَّقَةِ وَإِن تُصلِحوا وَتَتَّقوا فَإِنَّ اللَّهَ كانَ غَفورًا رَحيمًا﴾ [النساء: ١٢٩]
تمام العدل غير ممكن لأنه قلبك خارج إرادتك ، لكن هنا بقوليك فلا تميلوا كل الميل.
فيما يخص العدل صفة ربانية ، والرحمة صفة ربانية والقدرة صفة ربانية والكرم كذلك والخ الخ! هل دا يعني إنو مافي بشري رحيم وكريم؟
لكن صفات الله فيها من الكمال والتمام ما يليق به جل وعلا لا كصفات المخلوق
فيما يخص العدل صفة ربانية ، والرحمة صفة ربانية والقدرة صفة ربانية والكرم كذلك والخ الخ! هل دا يعني إنو مافي بشري رحيم وكريم؟
لكن صفات الله فيها من الكمال والتمام ما يليق به جل وعلا لا كصفات المخلوق
تشريع التعدد مفهوم جدا وفرق بين إنو مفهوم ومعقول وبين إنو نفسك تأباه وتكرهو كبنت ، لكن لأنو فهم الناس للدين إنو هي الحاجات الحلوة بس بقت حاصلة اللخبطة دي ، وكذلك بعض أدعياء التدين ليهم وزر في الموضوع دا ، تصويرهم للتعدد إنو شي مفترض تقبله المرأة بصدر رحب وتنبسط وإلا كانت عاصية
أي امرأة طبيعية طبيعتها حتأبى الموضوع دا وحيكون اقسى عليها من أي تجربة ، عندك قصص زوجات رسول الله ومناكفاتهم بل وتآمر بعضهن على بعض مبثوثة في القرآن ودافعهن الغيرة رضي الله عنهن ، وغفر الله لهن ذلك وعذرهن رسول الله
إنت مطالب البنات يبقو أكثر دينا من أمهات المؤمنين؟
إنت مطالب البنات يبقو أكثر دينا من أمهات المؤمنين؟
{كتب عليكم القتال وهو كره لكم} ، ربنا عز وجل بوضوح بوريك إنو القتال فرض على الرجال وهو كره لهم ، حتجي تقول لي زول نفسه بتكره القتال إنت ما مؤمن وكافر لأنك بتكره تشريع؟ ما هكذا تورد الإبل
تويتة الولد دي كونها تحصل على العدد دا من التفاعل دي حاجة حزينة لأنو دا يكاد يكون أجهل تبرير انا مر علي في الموضوع دا ، لكن لأنو وافق هوى الناس.
الدين دا مابالهوى ياجماعة والله.
الدين دا مابالهوى ياجماعة والله.
جاري تحميل الاقتراحات...