1-اكتشفت بعد انتشار شائعة تغيير اسم سانت كاترين أن حرفيا 90% من المصريين ما يعرفوش حاجة عن سانت كاترين المدينة أو الدير حتى و إن معلوماتهم ما تتجاوزش نسبة 10% منها في الثريد ده هتكلم عن مدينة سانت كاترين التاريخية و أبرز الاماكن المقدس بها اللي محدش سمع عنها
2-ظابط الاستخبارات المصري نعوم بك غوبريال كتب في موسعته التاريخية " تاريخ سيناء القديم و الحديث "
أن مدينة كاترين كانت بتقع في شبهة جزيرة الطور و شبهة جزيرة الطور ده كان اسم جنوب سيناء زمان وعمل شرح مفصل للمدينة وتضاريسها و عادات أهلها
أن مدينة كاترين كانت بتقع في شبهة جزيرة الطور و شبهة جزيرة الطور ده كان اسم جنوب سيناء زمان وعمل شرح مفصل للمدينة وتضاريسها و عادات أهلها
3-مدينة سانت كاترين نفسها كان اسمها بلاد التيه نسبه الى التيه اللي فرض على اليهود أنهم يتوهوا فيها لمدة ٤٠ سنة كما ذكر في الكتب السماوية ،بعد ما موسى خد طريق للقدس هو وجماعته ووصل في أيام و باقي اليهود خدوا طريق تاني فربنا كتب عليهم الشتات و التيه
4-طيب علشان ما نخشش في وش كتير صداع هقولكم سانت كاترين فيها ايه
- جبل موسى وهو الجبل اللي تلقى عليه موسى الصحف أو الوصايا العشرة وشاف منه النار المقدسة و ده يعتبر اطول جبل في مصر و علشان تطلعه محتاج تطلع من ٣٥٠٠ درجة ل ٣٧٥٠ درجة تقريبا
- جبل موسى وهو الجبل اللي تلقى عليه موسى الصحف أو الوصايا العشرة وشاف منه النار المقدسة و ده يعتبر اطول جبل في مصر و علشان تطلعه محتاج تطلع من ٣٥٠٠ درجة ل ٣٧٥٠ درجة تقريبا
5-- جبل المناجاة وده الجبل اللي ناجى عليه موسى ربه طبقا لمعتقدات الديانات الثلاثة
6- - جبل البنات و اتسمى كده علشان كانت البنات اللي مش عايزة اتجوز بتهرب ليه و أهليهم بيطاردوهم لحد ما يقتلوهم هناك فالناس مع الوقت اعتبروهم شهيدات و سموا الجبل بكده
7-- بئر موسى و بئر اسطفانوس
8-مقام النبي هارون و المقام ده بيعتقدوا أنه نفس المكان اللي تم صناعة عجل السامري فيه اللي عبدوه اليهود و لكن نعوم بك غبريال قال في موسعته أن البدو اللي هناك كانوا بيقيموا مولد كل صيف و يطلعوا بالاضاح أعلى الجبل يدبحوها ويسلخوها وينزلوا تاني يطبخوها وياكلوها ودي كانت عادة متوارثة
9- دير حنا الدراجي و ده دير قديم جدا و مش باقي منه غير اطلال رغم أنه في قائمة التراث ويقع بالقرب من دير سانت كاترين .
10-نيجي بقى للزغلول الكبير دير سانت كاترين و ده ليه قصة لازم تعرفها
اساسا ده مكنش دير اصلا القصة كلها بدأت لما مجموعة من الرهبان " الخلقدونين " و المؤمنين بمجمع خلقيدونية ودول طائفة من الطوائف المسيحية زي المذاهب كده عند المسلمين شافعي وحنبلي ومالك وحنفي يعني ده تشبيه مش اكتر
اساسا ده مكنش دير اصلا القصة كلها بدأت لما مجموعة من الرهبان " الخلقدونين " و المؤمنين بمجمع خلقيدونية ودول طائفة من الطوائف المسيحية زي المذاهب كده عند المسلمين شافعي وحنبلي ومالك وحنفي يعني ده تشبيه مش اكتر
11-المهم الرهبان دول كانوا ساكنين المغارات و الكهوف اللي في منطقة سانت كاترين و كان البدو و العربان بيهجموا عليهم كل شوية ويسرقوهم فكانوا بانيين مكان الدير مجموعة ابراج للحراسة و الحماية يستخبوا فيها وقت الهجوم لكنها كانت ضعيفة فجمعوا بعض وكتبوا وثيقة تاريخية لسه موجودة لدلوقتي
12-وراحوا القسطنطينية للامبراطور البيزنطي جستنيان اللي كان خلقدوني زيهم و الوثيقة دي موجوده و طلبوا منه يبنيلهم حصن قوي يحتموا فيه و فعلا أمر ببناء حصن قوي هناك في المنطقة و جاب ١٠٠ عائلة مصرية و ١٠٠ عائلة من الرومان وسكنهم حوالين الحصن علشان يعمل خط دفاع في القرن الخامس الميلادي
13- و فضل الحصن موجود والرهبان عايشين براه في الكهوف لحد ما في غارة كبرى جربوا استخبوا في الحصن و قرروا عدم الخروج منه ابدا وتحول الحصن إلى دير من وقتها لحد دلوقتي و سموه دير طور سيناء و بعدين اتسمى دير برية سيناء و بعدها دير برية فرعون ومكنش حد يعرف دير سانت كاترين دي خالص
14- لحد القرن السابع أو التاسع الميلادي لما راهب حلم أن رفاة القديسة سانت كاترين الملائكة نقلوه من الإسكندرية إلى جبل في سيناء و لما طلع الجبل لقى رأس و ايد القديسة وخدهم حطهم في صندوق جوه الدير و من ساعتها الدير بقى اسمه سانت كاترين و المنطقة كلها اسمها كده لحد دلوقتي
15-الدير فيه اكتر من كنيسة زي كنيسة التجلي و كنيسة الموتى و كنيسة العليقة
و العليقة المقدسة ودي الشجرة اللي كلهم من عندها ربنا موسى طبقا للكتب السماوية و يقال انها لا تنبت في أي مكان في العالم غير في سيناء ودي صورة الكنيسة وصورة الشجرة
و العليقة المقدسة ودي الشجرة اللي كلهم من عندها ربنا موسى طبقا للكتب السماوية و يقال انها لا تنبت في أي مكان في العالم غير في سيناء ودي صورة الكنيسة وصورة الشجرة
16-وفيها اهم مكتبة مسيحية في العالم على الاطلاق وفيها اكتر من ٦٠٠٠ مخطوطة نادرة ومراسلات بين الحكام و اسقف الدير وكان فيها اقدم نسخ الكتاب المقدس اللي اتسرقت وراحت الكنيسة في روسيا القيصرية و انباعت بعدها لكنيسة لندن و لازم يرجعوها يعني 😂😂
ودي صورتها
ودي صورتها
17-الدير فيه كمان المسجد العمرى اللي بناه الحاكم بأمر الله و المؤرخين قالوا إنه بناه جوه الدير علشان يقول إن المكان فيه تسامح وبيجمع الأديان التلاته
و البعض قال إنه بناه كنوع من أنواع فرض السيطرة الإسلامية على الأراضي المصرية
وانا بقول أن الحاكم بأمر الله كان مجنونا اساسا 😂
و البعض قال إنه بناه كنوع من أنواع فرض السيطرة الإسلامية على الأراضي المصرية
وانا بقول أن الحاكم بأمر الله كان مجنونا اساسا 😂
18-وفيه كنيسة الموتى اللي تم جمع جماجم الرهبان والاساقفه فيها
19-اللي عايز يعرف معلومات تفصيليه عن تاريخ سانت كاترين و الأراضي المقدسة للأديان الثلاثة اللينك اهو وفي شرح مع الصور
#سانت_كاترين #الهوية_المصرية
baladnaelyoum.com
#سانت_كاترين #الهوية_المصرية
baladnaelyoum.com
جاري تحميل الاقتراحات...