١/٧ مدبولي اعلن في حفل اصطفاف المعدات المشاركة في خطة سيناء إن الحكومة طورت ٥ مطارات بتكلفة ١١ مليار جنيه. الثريد هنا هيناقش التطوير ده وأهميته.
وسيلة اتخاذ القرارات فمصر مجهولة وافتقار وجود محاسبة علي النتائج مخلي مليارات تترمي بدون رقيب.
وسيلة اتخاذ القرارات فمصر مجهولة وافتقار وجود محاسبة علي النتائج مخلي مليارات تترمي بدون رقيب.
٢/٧ نبدء بمطار البردويل. السيسي افتتحه في اكتوبر ٢٠٢٠. المطار حتي الآن لم يتم تسيير رحلات مدنية اليه. غير مدرج علي بيانات فلايت رادار ما يعني انه لسه مش شغال. غير موجود علي بيانات سكاي سكانر عشان تحجز من عليه تيكت. يعني التطوير بقاله انتهي من اكتر من سنتين ولسه المطار ملهوش قيمة
٣/٧ تكلفة تطوير المطار ده لوحدة كانت ٣.٣٥ مليار جنيه!!! الجزء العسكري للمطار هو قاعدة المليز. ظاهر في صور الاقمار الصناعية من @planet خلال التلت شهور اللي فاتوا وجود طيارات عسكرية هناك.
ده بيدي مؤشر إن المطار لا يزال استخدامه عسكري بس علي الرغم من افتتاحه من اكتر سنتين للمدنين.
ده بيدي مؤشر إن المطار لا يزال استخدامه عسكري بس علي الرغم من افتتاحه من اكتر سنتين للمدنين.
٤/٧ المطار التاني هو مطار الطور. المطار تم الانتهاء من عملية تطويره في إبريل ٢٠٢١ حسب تصريحات مدير المطار. إلا إنه برضه غير مفعل علي فلايت رادار ولا توجد له تفاصيل رحلات مدنية يمكن حجزها علي سكاي سكانر. وموجود فيه حوالي ٤ طيارات خاصة صغيرة من طراز سيسنا بتستخدم في التدريب
٥/٧ المطار التالت هو طابا. المطار بيستقبل رحلات لكن معدله ضعيف ونظامه مضطرب. لو دخلت علي سكاي سكانر هتلاقي إن مفيش بيانات تقدر تحجز بيها.
علي فلايت رادار بيانات رحلة لSmartwings لسه مقلعة امبارح لبراغ. لكن لو دخلت علي موقع الشركة مش هنلاقي إن مطار طابا مدرج من الأساس
علي فلايت رادار بيانات رحلة لSmartwings لسه مقلعة امبارح لبراغ. لكن لو دخلت علي موقع الشركة مش هنلاقي إن مطار طابا مدرج من الأساس
٦/٧ المطار الرابع سانت كاترين، لسه بيتطور بس المشكلة إن مدبولي قال أنه بيتطور بتكلفة ٣.١مليار جنيه. لكن بعدها جت كلمة اللواء العزازي وقال إن تكلفة بناء المطار ١١ مليار جنيه. صور الأقمار بتبين المطار قائم اصلا من أقدم صورة في٢٠٠٧. وآخر صورة في مارس٢١ لا تظهر تقدم واضح في الإنشاءات
٧/٧ المطار الخامس شرم الشيخ شغال عادي.
تكلفة التطوير كام؟
البردويل:٣.٣٥ مليار جنيه.
طابا+الطور: ٣.٥٧ مليار جنيه
سانت كاترين:٣.١ مليار جنيه
شرم الشيخ:٩٨٠ مليون جنيه
هل في حد راجع الأرقام ده ورا السيسي؟ إيه منطق الصرف بالمنظر ده في مطارات لا تعمل؟
تكلفة التطوير كام؟
البردويل:٣.٣٥ مليار جنيه.
طابا+الطور: ٣.٥٧ مليار جنيه
سانت كاترين:٣.١ مليار جنيه
شرم الشيخ:٩٨٠ مليون جنيه
هل في حد راجع الأرقام ده ورا السيسي؟ إيه منطق الصرف بالمنظر ده في مطارات لا تعمل؟
جاري تحميل الاقتراحات...