قلنا القتال على كل البطولات امر صعب جدًا واسيا اولوية قصوى لكن مافي مبرر ان يظهر الهلال بهذا الشكل السيء لابعد درجة ..
سوء لا يمكن ان تبرىء احد منه ، شيء مستفز من الجميع وما تقدر تجد عذر لاي احد

دياز وش الاسلوب اللي لعبت فيه ؟ وين اسلوب وهوية الفريق اللي كنا نتغنى فيها حتى والهلال يخسر ؟
رؤيتك للجرائم اللي يرتكبها كويلار بحق فريقك هجوميًا ودفاعيًا وانت ساكت !!
تغيير الاسلوب المتكرر في الدوري وكأنك ماخذ الدوري فترة اعداد !!

انجازاتك ماراح تحميك وتاريخك مع الهلال ماراح يعطيك حصانه ابد الدهر .. الهلال مطلوب منه يلعب لتاريخه ومكانته وانت قبل غيرك تعرف قيمة هذا الهلال .. الفريق في الدوري مافيه اي ملامح او هوية فنية عشان نعذرك ونوجه انتقادنا للاعبين

اما لاعبين الهلال فحدث ولا حرج عن السوء واللامبالاة .. ترى الجمهور واعي ويفرق بين ادائكم في البطولات الخارجية والمحلية .. قاعدين تلعبون كتأدية واحب وضاربين بتاريخ النادي عرض الحائط ، مافي اي قتالية تشفع لكم عشان ننتقد المدرب ونطالب باقالته لاصلاح الخلل ..

الهلال في الدوري فيه عيوب كثير وماراح ينتصر اي مباراة اذا مافي استشعار للمسؤولية من الجميع ..
اهم عناصر التفوق مفقودة
العمل الفني من المدرب
وحالة اللاعبين ..
اسيا بحريقة اذا بشوف الهلال محليًا بهذا الشكل الى النهائي