السيسي دايما بيدي شعور أن البلد شغاله بسرعة وأن عجلة المشاريع مينفعش تقف . الثريد ده نموذج عن ليه ده كلام غير دقيق. في ٢٦ فبراير السيسي شهد اصطفاف المعدات اللي هتشارك في خطة إعمار سيناء. المعدات واقفة من قبل الحفل بشهر ومازالت. وكمان الاصطفاف متمش في سيناء من الأساس ١/٥
الجيولوكيشن أكد كلام المذيع أن الحفل في التل الكبير على الاحداثيات: 30.4203, 31.8859 عند الفرقة السادسة مدرعة. منطق اختيار مكان يبعد عن سيناء حوالي ٥٠ كم هو كلمة قيلت في الحفل بأن المكان ده السيسي شهد منه انطلاق عملية حق الشهيد. موصلتش لاثبات يؤكد أو ينفي المعلومة ده. ٢/٥
اهم ما في الحفل هي المعدات. صور@planet بتظهر أن المعدات بدأت تقف في مكانها من أول يوم ٢٤ ينايرواكتمل عددهم في ٣٠ يناير. يعني حوالي ٢٦ يوم قبل ما السيسي يجيي. والمشكلة أن لحد ٥ مارس لسه المعدات واقفه في مكانها. ٣/٥
إضافة لكدة المكان تم رصفه بالكامل حسب صور الأقمار الصناعية بين يوم ٢١ ويوم الحفل. وتم بناء مبني/خيمة مغلقة ومكيفة عشان فعاليات الحفل وكلمات المسؤولين. البناء ده تم تجهيزه يوم ١٧ فبراير وتم هدمه بعد الحفل. ٤/٥
ملاحظة أخرى ظهرت في صور @planet للأقمار الصناعية وهي إن حيز الفرقة واسع للغاية. وابتداء من اغسطس ٢٠٢١ تم استصلاح معظم الحيز لزراعته. الحقيقة مش قادر اقيم ده خطوة إيجابية ولا سلبية بس مش عارف ايه علاقة الفرقة السادسة المدرعة بالزراعة. ٥/٥
جاري تحميل الاقتراحات...