رتبها

طريق #القاهرة_كيب_تاون
عملاق المشروعات الأفريقية ينطلق من مصر
مشروع بيبدأ من #مصر يوصل #السودان و #أثيوبيا و #كينيا و #تنزانيا و #زامبيا و #زمبابوي و الجابون وينتهى عند أقصى جنوب القارة في #جنوب_أفريقيا. يبلغ طوله10.228 كيلو متر.
-١تابع
#شيرين_هلال

طريق بيستهدف جعل #مصر بوابة للصادرات من أفريقيا إالى العالم والمُستَقبِل الأول للواردات من الخارج إلى #القارة_الأفريقية.. من المقرر أن يتم تسليم المشروع بالكامل في نهاية 2024
أعلنت مصر عن المشروع في يونيو 2015 واللي هتشارك #القاهرة في مساعدة الدول في بنيته التحتية بالخبرة
-٢تابع

والتنفيذ. قُدرت التكلفة التقديرية للمشروع بنحو تقريبا 18 مليار دولار، على 4 مراحل، وانتهت مصر من تنفيذ جميع المراحل الخاصة بها، ومن المتوقع أن يجعل مصر من أهم 10 شركاء تجاريين في إفريقيا (ترفع حصة مصر من التجارة البينية أو المشتركة بين الدول الأفريقية)،
-٣تابع

ويعمل على زيادة معدلات التبادل التجاري بين دول القارة كمان ، وزيادة حجم الاستثمارات المشتركة، دا غير طبعا إنه هيخلق مجتمعات عمرانية جديدة وربط شبكات الطرق بين شرق وغرب النيل
أهميته في أنه يمر ببعض الدول الموجودة بالوسط الإفريقي الحبيسة البعيدة عن البحار زي أثيوبيا
-٤تابع

اللي خسرت منافذها البحرية بعد استقلال ارتريا، دا غير جنوب افريقيا اللي اعتبرت المشروع احد اهم الخطوات لنجاح سياستها التجارية وساعدت على انجاحه.
بالإضافة إلى أنه لا يمكن المقارنة بين الطرق والموانئ، لأن الطرق أصبحت هي المنفذ الأكثر وضوحًا وأهمية بالنسبة للدول الحبيسة.
-٥تابع

والدول اللي يمر بها الطريق بيعيش فيها نحو 560 مليون نسمة، والناتج المحلي لها يبلغ 770 مليار دولار. يعني سوق ضخم مفتوح أمام الصادرات المصرية والواردات الأفريقية.
المشروع بيبلغ طوله 10.228 ألف كيلو متر منها 1155 كيلو متر في مصر و بينطلق من الإسكندرية إلى القاهرة
-٦تابع

مرورا بمحافظات #الفيوم و بني سويف والمنيا و أسيوط و سوهاج و قنا و الأقصر و أسوان . المشروع كمان مش هيكون مخصص لسيارات النقل فقط هيتم تخصيص طريق للملاكي وآخر للشاحنات لفصل الحركة المرورية بين الاثنين وتفادي الحوادث دا غير إن الدول المشاركة في المشروع هتقوم بتأمين الطريق
-٧تابع

في مناطقها.
من المتوقع إن الطريق الجديد هيساهم في زيادة الصادرات المصرية لأكثر من 30 مليار دولار لدول أفريقيا في خلال 3 سنين من اكتماله. مش بس الفايدة إن الطريق فاتح على دول أفريقية كان صعب توصيل البضايع لها سواء عن طريق البحر أو الطيران – لا هيلغي عوائق كانت موجودة
-٨تابع

في طريق البضايع المصرية بإنه هيفتح أسواق الدول المشاركة أمام البضايع المصرية- والطريق بحكم سهولة الحركة عليه هيقدر يوصل البضايع في مدة زمنية بتتراوح من 4-5 أيام عن طريق النقل البري، على عكس النقل البحري اللي تكلفته ارتفعت ومدته الزمنية في الشحن كانت بتوصل لشهرين،
-٩تابع

وطبعا بحكم صعوبة الشحن كان في سلع وبضايع مصرية كتير محرومة من فرص التصدير للداخل الأفريقي، دا غير تكلفة شحن بضايعنا العالية لأننا مكناش منافس ولا كان في موطئ قدم حقيقية داخل الأسواق الأفريقية تخلق على منتجاتنا طلب يحقق انتشار ويسوق البضايع المصرية بالشكل اللائق.
-١٠تابع

المشروع وزي ما وصفته جريدة "نييويورك تايمز" الأمريكية بإن مصر بتقوم بمشروع يعد "جوهرة تاج استراتيجية"، بحكم إنه فكرة اثيرت من وقت الاستعمار الإنجليزي واللي بجلالة قدره مقدرش ينفذها بالرغم من انه كان "الإمبراطورية التي لا تغيب عنها الشمس"
-١١تابع

دا غير إن أغلب دول المشروع كان تحت الإحتلال اإنجليزى زي مصر والسودان وكينيا و تنزانيا وجنوب أفريقيا، لكن مكانش عندها الإرادة ولا التمويل مع إنها كانت سارقة الدول دي عيني عينك ومتحكمة في كل مفاصلها. تخيل بقى إن مصر بدون ما تكون في إمكانيات بريطانيا "اللي مش عظمى" ،
-١٢تابع

قدرت تجمع الدول الإفريقية (اللي مش كلهم على وفاق سياسي بالمناسبة–بسبب نزاعات حدوديةوصراعات قبلية واثنية وخلافه-ما ادراك بحجم هذه العقبات)مع مؤسسات التمويل الدولية والمشروع فطريقه للتسليم ف2024 بالرغم من أزمتين عالميتين كبيريتين وهما أزمة #كورونا و #الحرب_الروسية_الأوكرانية
-١٣👇

ومع توافق الدول، وتمويل بنك التنمية الإفريقى، ومساعدة من لجنة الأمم المتحدة الاقتصادية لإفريقيا والاتحاد الإفريقى، المشروع هيشوف النور ويكون واحد من أكبر واضخم مشروعات الربط بين الدول الإفريقية ونواة للتعاون اللوجيسيتى والتجارى بين هذه الدول
-١٤تابع

فايدة كمان من المشروع خطيرة جدا هو إنه أحد مشروعات مصر الضخمة فالبنية التحتية واللي بحكم مشاركة مصر لتسع دول بالخبرة فيه (دا غير إنها صاحبة المبادرة ومارست دبلوماسية التنسيق بين الدول)، هو بمثابة توثيق لقدراتها كمستثمر ومنفذ في مشروعات البنية التحتية في القارة جنبا إلى جنب
-١٥👇

مع مشروعات ضخمة قامت بها #مصر في أفريقيا مؤخرا زي مشروع #سد_جولويس_نيريري في #تنزانيا (هسيب لحضرتك مصدر يشرحه بالتفصيل في نهاية السرد). تصنيف مصر كشريك للدول في مشروعات بنية تحتية ضخمة بيحولها من مجرد شريك تجاري لشريك مصالح الدول اللي بيقوم فيها بتنفيذ تلك المشروعات.
-١٦تابع

أيوة الدول اللي حضرتك بتشارك في تحريك اقتصادها بالمشاريع العملاقة بتقدر من خلال هذا الوجود تطوع صوتها وتصويتها الخارجي ومواقفها الدولية لصالح قضاياك العالقة وأولهم قضية سد النهضة اللي باتت وشيكة الإنتهاء (ولكل حادث حديث مش مجاله حاليا).
-١٧تابع

هنلاحظ ان المشروعات قامت بيها نوع من انواع التحالفات الجديدة بين شركات القطاع الحكومي زي المقاولون العرب و شركات القطاع الخاص زي السويدي للكابلات ودا بيعتبر مؤشر على سعي #الدولة_المصرية للتمدد (الناجح والموجه) داخل افريقيا لعودة دورها الإقليمي الأصيل بإسلوب أكثر فاعلية.
-١٨تابع

وبالتبعية مش محتاجين نقول إن مشروعات من هذا الحجم بتلفت إليها الأنظار الدولية من اللاعبين الجدد داخل القارة وبتصعب عليها المنافسة معاهم. يا ريت نكون منتبهين لإن أي صفقة من هذا النوع مصر مش بتاخدها بالساهل ولا المنافسة بتكون عادية، يعنى بالرغم من مشاكلنا وتحدياتنا كدولة
-١٩تابع

بتعاني من ظروف اقتصادية طاحنة ، إلا إننا ما زلنا "بنحفر في الصخر عشان نوجد لنا فرص بصعوبة شديدة جدا".
السؤال الدائم عن مصير #السيولة_النقدية اللي قامت #مصر بالاستدانة عشان تحصل عليها ، مجاوب على نفسه لو بنشوف مشروعات من هذا النوع بعين قادرة تقيم حجم التكلفة والمجهود،
-٢٠تابع

بعيدا عن تشاؤوم النظرة للحالة المجحفة اللي بنعاني منها جميعا، لكن يظل الأمل موجود بإننا قدرنا نتعمق بمشروعات هتعود علينا بالنفع. السكة بتقرب برغم ان الموج عالي ، لكن مينفعش نبطل سباحة عشان الشط باين ولازم نوصل. #مصر معنهاش رفاهية الإستسلام ولا تقدر تدوس زرار استوب STOP
-٢١تابع

القطار انطلق وهيفرم اي حد يقف في طريقه. محاولات التقليل من مشروعات الطرق سخيفة وهشة ادام مشروع زي دا، لكن موضوعية ومستحقة لما الصورة مش بتتشاف كاملة.
التقليل من العاصمة الادارية اللي بتستخدمها مصر كمشروع تسويقي لقدراتها الاستثمارية مش واضح لدى الناس ومن حقهم يعبروا
-٢٢تابع

الناس مش مطلوب منها تفهم لوحدها، لإن دي مسؤولية مؤسسات المفروض إنها بتتقاضى أجر مستقطع من دخولنا في صورة ضرايب بتدخل من ضمن بنود موارد الدولة للصرف على مرتبات الناس اللي شغلتها توعينا وتفهمنا، ومع ذلك دا مش حاصل بالشكل اللي يوصل الرسالة.
-٢٣تابع

حرام مشاريع زي دي: خطط لها أحسن الناس وإتفاوض عليها أخلص الناس و نفذها أمهر الناس وشقى في فلوسها أعظم الناس اللي هما شعب مصر. حرام نهيل عليها تراب الجهل بالمعلومة.
بقلم
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد