قبل ما ربنا يهديني وألتزم في الصلاة، وأفهم إيه قيمة الصلاة أصلًا، كنت بستخدمها كوسيلة لقضاء المصالح.
عايز أنجح في امتحان/ بمر بفترة صعبة/ بحب حد وعايزه معايا، تلاقيني التزمت في الصلاة أسبوع مثلًا، وأدعي ليل نهار لقضاء مصلحتي.
"

ولما تحصل برجع طبيعي عادي جدًا وبنسى الصلاة، وكل ما تظهر مصلحة أرجع أصلي
ده النموذج اللي ربنا وصفه "وَمِنَ النَّاسِ مَن يَعْبُدُ اللَّهَ عَلَىٰ حَرْفٍ ۖ فَإِنْ أَصَابَهُ خَيْرٌ اطْمَأَنَّ بِهِ ۖ وَإِنْ أَصَابَتْهُ فِتْنَةٌ انقَلَبَ عَلَىٰ وَجْهِهِ خَسِرَ الدُّنْيَا وَالْآخِرَةَ ۚ

أنا حاليًا فهمي للصلاة مش إنها حاجة بتخليني فرحان ومبسوط ليس إلا؛ بل ليها قيمة عظيمة إنها بتخلق إيمان في قلبك بالرضا، مهما حصل أنت راضي ومُرتضي بما قسمه الله، ودي القيمة اللي في ناس كتيرة مبتتكلمش عنها.