رتبها

ايه اللي حصل في #سيناء
الفلوس راحت فين؟
من ضمن المشروعات الكتير اللي المواطن مش قادر يتابعها عشان الاحداث الكتير والسريعة اللي بنام ونصحى نلاقيها تم تسليمها. لا بنكون عارفين بالمشروع قبلها وفي تمهيد بمراحل الإنشاء، ومع عنصر المفاجأة مش بنلحق ندرك أهميته
-١تابع
#شيرين_هلال

ومع سرعة دخول المشروع اللي يعده مش بنكون حاسين بجدوى اللي قبله. فعلا إحنا كمواطنيين حاسين اننا جوا دوامة مشاريع. مش بس عشان مش بيتم الإعلان عنها ، كمان مش بيتم عرضها بطريقة تناسب حجمها ولا بنفهم استفدنا منها ايه بمرور الوقت!
لكن لما نتكلم عن مشروع تعمير سيناء –
-٢تابع

هنا لازم نقف كتير و نسأل ونفهم ونطول في السؤال.لإن من واحنا في اعدادي (اي اعدادي من بداية سبعينيات القرن الماضي واحنا بنسمع في حصة التاريخ ان سيناء صحراء في قارة أسيا دورها في حياتنا أرض مفتوحة للمعارك وتحتاج للتعمير وبس)
الرئيس #عبدالفتاح_السيسي كان في مدينة #الاسماعيلية
-٣تابع

بيحضر اصطفاف المعدات اللي هتشارك في عملية الإعمار ، منظر مهيب الحقيقة لجرارات وأوناش ومعدات ثقيلة. وبحسب ما جاء في الفيلم التوثيقي : البداية كانت من الاكتتاب الشعبي اللي اتبرعنا فيه لبناء قناة السويس. وباقي المبلغ اتوجه لتنمية باقي المناطق المحيطة
-٤تابع

بإجمالي عدد مشروعات 7550 مشروع ،
من طرق وجسور وكباري ثابتة ومعلقة وعائمة وأنفاق ومشروعات استزراع سمكي وتطهير للبحيرات . دا غير طبعا مشروعات البنية التحتية العملاقة زي أنفاق قناة السويس في الاسماعيلية وبورسعيد والسويس لربط سيناء بمصر بمحاور أوسع بعد ما كان
-٥تابع

نفق الشهيد #أحمد_حمدي هو النفق الوحيد اللي كان بيربط سيناء بمصر ودا طبعا عشان يخدم المناطق التجارية بين القناة و مصر . نضيف طبعا مشروعات الطرق الطولية والعرضية في كامل ربوع سيناء بإجمالي 527 كم. وتطوير عدد من المطارات و المواني زي مطار البردويل الدولي وميناء العريش البحري.
-٦تابع

ندخل على البناء والانشاء ودي حصل فيها بناء ل3 مدن جديدة وهي مدينة الاسماعيلية الجديدة و مدينة رفح الجديدة ومدينة سلام مصر شرق بورسعيد ومشروع 2000 وحدة سكنية في العريش بالاضافة لمشروعات اسكان اجتماعي أخري بمناطق شمال ووسط وجنوب سيناء(دي المشروعات اللي اتنقل إليها أهل سيناء
-٧تابع

في وقت هد الأنفاق وملاحقة الإرهابيين-فاكرين طبعا الأصوات العالية بتاعة التهجير القسري والناس اتخرب بيوتها وووو)، دا غير إنشاء 45 مشروع للتجمعات البدوية مصممة على احدث التقنيات. طبعا المجمعات والمدن السكنية مش هيتم بناءها من غير مدارس ومعاهد
-٨تابع

وانشاء جامعة الملك سلمان بجنوب سيناء بفروعها المختلفة في مدينة الطور وشرم الشيخ وراس سدر وجامعة سيناء للعلوم والتكنولوجيا . وطبعا لازم يكون في مستشفيات تخدم على السكان في المناطق المنشأة حديثا ورفع كفاءة المستشفيات الموجودة وتجهيزها بأحدث الأجهزة الحديثة.
-٩تابع

دخل على مجال تحسين فرص الحياة في سيناء ونلاقي 22 محطة تحلية مية لتوفير مياه صالحة للشرب. وفي مجال الطاقة والكهرباء اتعملت محطات توليد رياح وطاقة شمسية. وفي مجال الزراعة اللي كانت محتاج لزيادة عاجلة في رقعتها في مناطق شمال ووسط سيناء، شفنا 5000 ألف فدان زيادة
-١٠تابع

د الانتهاء من أكبر مشروعين لمعالجة مياه الصرف في الشرق الأوسط اللي هما محطة معالجة مياه المحسمة ومحطة معالجة مصرف بحر البقرو اللي ساهمت في استصلاح الأراضي الرملية و توفير الألاف من الأشجار المثمرة. دا غير المزارع السمكية الأكبر من نوعها هتعمل أمن غذائي غير مسبوق.
-١١تابع

وفي مجال الغاز بيحصل عمليات مسح جيولوجي في شمال سيناء لأنه بيعتقد وجود حقول نفط وغاز ضمن المنطق وغالبا هيتم الإعلان عنها قريب لأن رئيس الوزراء د. مصطفى مدبولي صرح إن تم ضخ استثمارات بقيمة 18 مليار جنيه بمجال البترول والاكتشافات لحقول الغاز. .
-١٢تابع

ونشوف مجال الصناعة هنلاقي إن سيناء حاليا فيها 6 مناطق صناعية ومن المخطط يكونو 12 منطقة : شمال سيناء فيها المنطقة الصناعية بئر العبد ومنطقة المساعيد والمنطقة الصناعية بوسط سيناء وكمان مناطق جنوب سيناء وهى المنطقة الصناعية بأبو زنيمة والمنطقة الصناعية بالقنطرة شرق
-١٣تابع

والمنطقة الحرة بنويبع. وفي كمان منطقة للصناعات الحرفية البدوية بالاضافة لانشاء مصنع أسمنت العريش ومجمعات انتاج الرخام والجرانيت بالجفجافة مصنع الجبس والجير ومجمع صناعات الطفلة والحجر الجيري ومواد البناء. وبتخدم عليهم منطقة التجارة الحرة في شرق بورسعيد وهتخلي سيناء محور مهم
-١٤👇

في التجارة الدولية والخدمات اللوجيستية. وطبعا كل المشروعات دي أوجدت فرص عمل كتير لأهالي سيناء.
كل اللي اتذكر من انشاءات ومشروعات بنية تحتية ومدن جديدة مش كل الحاصل في سيناء لكن دا اللي قدرت اجمعه من المصادر الرسمية المتاحة. لأن في مصادر أجنبية أوروبية
-١٥تابع

وخصوصا إسرائيلية بتتكلم عن أكتر من كدة بكتير من مشروعات على الأرض، لكني محبتش انقل من كلامهم كلام الدولة لم تصرح بيه بشكل رسمي ونهائي. مهم بالنسبة لنا الإلتفات إلى إن كل المشروعات دي كان بتتم بالتوازي مع الحرب على الارهاب في سيناء. يعني مهمة البناء كانت ضمن عمليات تفجير
-١٦تابع

وسطو وتحت تهديد سلاح دا غير الخطف والسرقة للمعدات والتهديدات المستمرة من الجماعات الارهابية على افراد الشركات العاملة في تلك المشاريع ونذكر منهم رواية المهندس خليل حماد سليمان اللي اتكرم في احتفالية اصطفاف المعدات من الرئيس السيسي وقال إن زمايله من الشهداء كانو أحق بالتكريم
-١٧👇

حكي "كنا موظفين لكن لبسنا الخوذة والدرع ونزلنا مع القوات المسلحة لأرض سيناء بحكم عمله مهندس كهرباء في شركة العريش للكهرباء وكانت الجماعات التكفيرية بتتحدى وجودهم عن طريق تفجير أبراج الكهرباء والتهديد للموظفين بالذبح لو حاولوا يصلحو أبراج الكهرباء.
-١٨تابع

وفعلا نفذ الارهابيين تهديداتهم وفي ناس ماتت وفي ناس عايشة بإصابات. وكمان خساير أهل سيناء في الأرواح ومشاركتهم في عمليات تطهير سيناء من العناصر الارهابية دا غير طبعا انتقال البعض من بيوتهم على الحدود لهدم الأنفاق وتسليمهم وحدات سكنية بديلة من الدولة .
-١٩تابع

رجع الأمن على كامل ربوع سيناء في مناطق العريش و رفح ودير العبد . ودلوقتي دخلت دفعة جديدة من المعدات لاستكمال التنمية الشاملة وتغيير وجه الحياة في سيناء.
وقبل كل دا وعشان منكونش غير منصفين ، كانت بتواجه خطط تنمية سيناء خصوصا منطقة الشمال والشرق منها تحدي كبير وهو كونها
-٢٠تابع

منطقة الحدود مع اسرائيل وتحديات اتفاقية كامب ديفيد اللي حصل عليها تعديل مؤخرا ولنا هنا وقفة طويلة شوية :
معروف ان عندنا اتفاقية سلام مع اسرائيل ولها بنود مقيدة وهى اتفاقية ملزمة برعاية الولايات المتحدة.
-٢١تابع

بتنص معاهدة كامب ديفيد -الموقعة في 1979-في بعض بنودها على تقسيم سيناء إلى 3 مناطق: "أ" و"ب"وهما محددتان بعدد معين من القوات، وصولا إلى المنطقة "ج"منزوعة القوات والسلاح العسكري، ويكون فيها قوات شرطية بسلاح خفيف،وهي المنطقة التي شملتها التعديلات للسماح بوجود قوات عسكرية مصرية
-٢٢👇

.
إسرائيل مش عايزة إرهاب في هذا المكان، وتعاونت للقضاء على الإرهاب في سيناء، لأنها عايزة تتفرغ لحركة حماس في جنوبها وحزب الله اللبناني في الشمال من حدودها، وبالمقابل بيمثل تعديل الاتفاقية انتصارا للعسكرية المصرية لانها أبطلت كل الحجج التي كانت بتنتقد اتفاقية كامب ديفيد
-٢٣تابع

باعتبار أنها تغل يد الجيش عن السيطرة على كامل شبه جزيرة سيناء، التي كانت بوابة الغزاة للبلاد على مر التاريخ ودا خلا مثلث العريش- رفح- الشيخ زويد، يشهد وجود قوات مسلحة دائمة تضع استحكامات ودفاعات ونقاط قوية، فضلا عن تسليح كامل بأسلحة ثقيلة وطائرات ودبابات
-٢٤تابع

كان من شأنها القضاء على الإرهاب وكل ما جرى من تعديل للاتفاقية هو إقرار بأمر واقع فيما يخص السماح بوجود الجيش في المنطقة ج
التعديل اللي حصل في المعاهدة كان مشار اليه في حديث الرئيس عبد الفتاح السيسي مع إحدى الفضائيات عام 2014، من قبل توليه الرئاسة،وبعدها
-٢٥

حول إمكانية تعديل الاتفاقية المقيدة لحركة الجيش في سيناء، بالقول إنه لا يسمح بأن تكون الأراضي المصرية منطلقا لشن هجمات ضد الجيران، مؤكدا أن مصر ستفعل ما هو مناسب، وأن إسرائيل لن ترفض تعديل الاتفاقية، لأنها تتعامل مع دولة وجيش، لا قوة حمقاء
ونفذ الرئيس كلامه
-٢٦تابع

ونشرت مصر النهاردة في سيناء ضعف عدد القوات المسموح به في معاهدة السلام على الأقل، ويعمل نصفهم في مناطق محظورة. والجنود مجهزين بالمدفعية والمركبات اللي مبتسمحش بيها المعاهدة، وهي تشمل ما يقدر بنحو 200دبابة زيادة عن العدد المسموح بيه في الإتفاقية في المنطقة "أ"والبالغ240 دبابة-٢٧👇

وكل دا بموافقة المسؤولين الحاليين والسابقين في تل أبيب. وكان ورا موافقة اسرائيل مثلا تعرضها لهجوم بقذائف تم إطلاقها من سيناء في 17 فبراير على مدينة إيلات ودا خلا التهديد واقع واحتمالات خسايره كبيرة عليهم.
الأغرب إن مصر مضت في إنشاء قواعد ومطارات عسكرية
-٢٨تابع

بدون طلب موافقة إسرائيل عليها لكن وسائل الاعلام و المعارضة الاسرائلية مسكتتش وشايفة إن وجود القوات المصرية بهذا الحجم الكبير والخرق الواضح للإتفاقية بينذر بصعوبة العودة للقيود اللي كانت فرضاها المعاهدة. كمان أنشأت مقرات دائمة للكتائب
-٢٩تابع

أبرزها كانت مقر "الكتيبة 101" في العريش بالمخالفة للمعاهدة. كمان أنشأت مصر مطارات عسكرية في سيناء وكان المسموح لها بناء مطارات مدنية فقط. كمان في قاعدة "المليز" الجوية في المنطقة "ب" بناء مستودعات ذخائر ومخازن وقود تحت الأرض و 8 مآوي محصنة للطائرات
-٣٠تابع

قادرة على خدمة نصف سرب من طائرات "إف-16" التابعة للقوات الجوية المصرية.
وعلى نفس النمط بالرغم من إن المعاهدة نصت على "أنه لا يحق للجيش المصري في المنطقة "أ" الواقعة شرق قناة السويس سوى تشغيل (منشآت عسكرية وتحصينات ميدانية) لفرقة مشاة واحدة" ،
-٣١تابع

إلا إن مصر أنشأت مقر خاص " للقيادة الموحدة لمنطقة شرق القناة" بتدير منها عمليات مكافحة الإرهاب دا غير إنشاء تحصينات أخرى غير معلن عنها أو بالأحرى (مقدرتش أقمار إسرائيل الصناعية ترصدها على الأرض)، لكن التقارير بتتكلم عن قائمة الإنشاءات العسكرية في سيناء تطول.
-٣٢تابع

وندخل على إشارة أخيرة كانت واضحة مع إعطاء القيادة العامة للقوات المسلحة أوامرها بتحرك قافلة المساعدات لسوريا وتركيا بعد أحداث الزلزال المدمر، من مناطق تحميلها في القاهرة إلى الإسماعيلية عبورا بأنفاق تحيا مصر وكوبري السلام مرورا بالطريق الدولي الساحلي
-٣٣تابع

وصولا إلى #ميناء_العريش البحري اللي تمت فيه عملية تطوير كبيرة بكل منشآته وأرصفته ضمت بناء رصيف طوله 1.5 كيلو متر بدلا من الرصيف القديم اللي كان طوله 242 متر فقط، بالاضافة لتعميق الميناء من 7 متر لـ14 متر عشان يسمح بدخول سفن حمولتها توصل لـ40 ألف طن وزيادة عدد السفن
-٣٤تابع

اللي يقدر يستقبلها الميناء. وفي إطار حرص الدولة المصرية على تسهيل الأوضاع على أهالي شمال سيناء تم فتح أعمال الصيد بالميناء أمام الصيادين، فضلا عن إنشاء محطة وقود داخل الميناء لإمدادهم بالمحروقات اللازمة لتشغيل مراكب الصيد، مما يساهم في زيادة الانتاج وفتح الباب لكسب الرزق
-٣٥👇

وأهمية ميناء العريش بتكمن في كونه البوابة الرئيسية لتصدير منتجات سيناء من الفحم والأسمنت والرمل الزجاجي، وتضم أعمال التطوير إنشاء مناطق الإدارة والخدمات على مساحة 108 أمتار، وتشمل مبنى الشركات والتخليص الجمركي، مبنى الإسعاف، ومبنى هيئة الميناء، والانقاذ البحري،
-٣٦تابع

استكمال منطقة الصوامع والتخزين ، واستكمال الساحات والمخازن، ومنطقة حرة وعلقت وسائل إعلام إسرائيلية سابقا، على استكمال مصر لأعمال المرحلة الأولى من تطوير ميناء العريش نهاية العام الجاري، في إطار أعمال تطوير المنطقة الاقتصادية لقناة السويس.
-٣٧تابع

ولك أن تتخيل إن في وسائل إعلام عبرية، قالت عن الميناء بعد تطويره "ستكون له مزايا كبيرة يوفرها للعملاء خاصة أنه موقع استراتيجي، مشيرة إلى أن الميناء المصري بعد تطويره سيكون منافسا قويا للموانئ الإسرائيلية المطلة على البحر الأبيض المتوسط".
نطلع من كل المذكور بالآتي:
-٣٨تابع

إن فاتورة التكاليف العالية لمعيشتنا الصعبة مكانتش هتكون بالقسوة دي لو مكٌناش أخدنا خطوات جريئة في الوقت القليل لتنفيذ هذا العدد المهول من المشروعات.
لو كنا انتظرنا زي ما اللي قبلنا انتظر واللي قبله طنش واللي قبلهم مهتمش واللي قبل اللي قبلهم مفهمش وهلما جرة من التهميش لسيناء
-٣٩👇

كانت هتبقى تكلفة التعمير أكبر بكتير من ما هى عليه حاليا.
التعمير لسيناء مش رفاهية ولا بناء لمجد شخصي لأي قائد، دا ضرورة بيحتمها علينا الأمن القومي لمصر ولسة ذاكرتنا حاضرة بالويلات اللي شافوها أهل سيناء والقوات المسلحة وتضحياتها من أغلى أبناءها وشهداء الشعب المصري.
-٤٠تابع

المناطق الحدودية لمصر فيها الطمع ومينفعش تتساب بدون تعمير ورعاية وتنمية بشرية ومشروعات إقتصادية تخدم أهلها وتصعب مهمة الطامعين والممولين من محاولات استقطاب أهلها لأفكار هدامة زي ما حصل من استقطاب لأبناء سيناء من قبل الجماعات التكفيرية عشان الدولة مكانتش موجودة.
-٤١تابع

وجودك في سيناء برغم كل التحديات والظروف المحيطة والتكلفة العالية لغي قيود معاهدة كامب دايفد المجحفة بحكم الأمر الواقع وهدد مصالح إسرائيل الإقتصادية وقطع إيديها وأحلامها في أرض المعاد (دا إذا مش منتبهين).
من حقي أشتكي من سوء الحال وارتفاع الأسعار ومن حقي اعترض على سياسات
-٤٢تابع

ومن حقي أطالب بحقوق سياسية وعدالة اجتماعية، لكن مش من حقي لما الدولة تقدم خدمات لمواطنيين مصريين زيي زيهم ، برهنوا على وطنيتهم وقدموا تضحبات من دم أولادهم واتعرضوا لإهمال وسوء إدارة على مدار تاريخهم، أقول أنا أولى ، ولزومه إيه دا كله مرة واحدة!
-٤٣تابع

لو مكانتش الدولة خرجت الناس من البيوت اللي مبني تحتها أنفاق مكنتش هتقضي على معابر الإرهاب ولو مكانتش الدولة طلعت الناس من بيوتها عشان توسع الطرق اللي بتساعد على زيادة مؤشرات التنافسية وتجيب استثمار أجنبي، ولو مكانتش الدولة عملت الإصلاح الاقتصادي مكناش عدينا من أزمة كورونا،
-٤٤👇

من الأخر (مفيش حلاوة من غير نار) مش معنى إنك مدوقتش الحلاوة إن غيرك ميحليش!
لأول مرة في تاريخ مصر سيناء بيترد لها إعتبارها وبتتعامل بالطريقة اللي كانت مفروض تحصل من قديم الأزل. ولأول مرة في تاريخ ديونك اللي بترجع للقرن الثامن عشر تشوف فلوسك بتتصرف على أهلك في مشروعات
-٤٥تابع

هتجيب عائد وتحقق تنمية على المدى الطويل والقصير كمان. ولأول مرة الديون متتصرفش على أكل ودعم كداب ونرجع نستلف تاني عشان نسدد الأولاني ونفضل نستلف ونسدد لحد ما ناخد إعفاءات أو جهة تشتري الدين، مش دا اللي هيعمل دولة قوية تكون آمن فيها على مستقبل ولادك.
-٤٦تابع

اتفرض على مصر وإدارتها فاتورة دعم كبيرة بتضغط على ميزانيتها مش موجودة في بلاد كتير من اللي بنقارن وبنقول إشمعنى إحنا- اتفرض علينا هيكل إداري وجيش من موظفين الحكومة ،مرتباتهم عبئ على الميزانية ومساهمتهم في الانتاج تكاد تكون معدومة، اتفرض علينا زيادة سكانية
-٤٧تابع

كل سنة 2.5 مليون بني أدم، محتاجين ياكلوا ويشربوا ويتعلموا ولما يكبروا يلاقوا فرص توظيف. لو اللي بيتعمل دلوقتي متعملش أده مرتين وتلاتة ، الشعب الجديد من المواليد اللي بيضاف لينا كل سنة ، هيطلع يلاقي إيه؟
مش عشان إنت مضغوط بالظروف الإقتصادية، يبقى نوقف كل شئ ونقول كفاية!
-٤٨تابع

الكلام المكتوب مستخلص عن مصادر رسمية وبيانات صحفية لوسائل إعلام اجنبية وتقارير صحفية وتحليلات لمراكز بحثية دولية، أنا تعمدت في هذا التقرير أبعد عن الطرح المصري ودا دللت عليه في الصور الداعمة من مصادرها. عشان اشوف الناس برة باصة لينا إزاي وشايفة التطوير الحاصل في سيناء
-٤٩تابع

بيشكل أزمات لمين ويحسب لصالح مين. من الأخر أنا كنت حريصة على البحث عن المعلومة بتجرد شديد ويا رب أكون اتوفقت، لإننا محتاجين نشوف نفسنا بصورة مجردة من أي تحيز لإنتماءتنا الفكرية وتفضيلاتنا الشخصية، خصوصا وإن الكل بيعيش ظروف مادية وإجتماعية شديدة الصعوبة والإيلام.
-٥٠تابع

كمان كلنا واقعين تحت ضغوط الميديا العالمية اللي مركزة على ظروفنا الاقتصادية بزيادة وتحامل كبير ، مع عدم رضانا عن كتير من مجريات الأمور الداخلية وعدم فهمنا لإختيارات أصحاب بعض المناصب التنفيذية العليا غير الموفقين في أماكنهم، والأصعب إننا مش شايفين الصورة واضحة
-٥١تابع

بسبب تعمد تجهيلنا سواء من القائمين على الحكومة أو من الإعلام!
فلو حضرتك شفت هذا التقرير بعين متحيزة لرأي مسبق، اسمح لي مش هقدر أقدم اللي يعزي تحيزاتك .
شكرا على مثابرتكم على القراءة وثقتكم الغالية، وبعتذر عن الاطالة لكن توضيح الصورة مقدم على كل اعتباًر
بقلم
#شيرين_هلال

@Sarah__Omar انا مش عارفة اوصلك فرحتي بالكلام -مش عشان بتمدحيني- اطلاقا عشان من غير ما تاخدي بالك عبرتي عن اللي حصل فعلا عشان السرد دا يشوف النور ، ومن كتر ما هو حقيقي وبعيد عن الاضواء حاولت انشره لكن محدش كان عنده الشجاعة يعمل دا ، مش بيفرق معايا الاسم في المواقع اد ما يفرق معايا المعلومة 👇

@Sarah__Omar توصل صح.
جبرتي بخاطري وصدقيني انا مش باصة اطلاقا لمناصب ولا تعنيني انا نفسي بس الناس تطلع من حالات التغييب والتجهيل والدروشة وتبطل يأس
ميرسي تاني و يسعد لي قلبك يا رب ❤️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد