رتبها

كلنا بنعدي بمواقف وأحداث صادمة ومأساوية بنتمنى نعمة النسيان تشتغل وتمحيها للأبد ولكن بعضها بيستمر وبيؤثر على حالتنا النفسية وعلى مشاعرنا..
وهنا اضطراب الشخصية الحدية بيكشر عن أنيابه!
تابع الثريد👇

السلام عليكم، أهلًا بيكم في ثريد جديد عن "اضطراب الشخصية الحدية Borderline Personality Disorder"
قبل البدأ تابعوا حساباتنا لمزيد من المحتوى المتنوع:
يوتيوب:
@elsayedology23" target="_blank" rel="noopener" onclick="event.stopPropagation()">youtube.com
تيكتوك:
@elsayedmohamedels?_t=8aEaxwA1v4I&_r=1" target="_blank" rel="noopener" onclick="event.stopPropagation()">tiktok.com
إنستاغرام:
instagram.com
فيسبوك:
facebook.com

اضطراب الشخصية الحدية "Borderline personality disorder" واختصارًا هنسميه BPD هو مرض نفسي من اضطرابات الشخصية بيصاحبه تغير مستمر في السلوك والمزاج وتصور الشخص لنفسه وذاته.

الأعراض دي بتظهر بصورة سريعة ومتهورة على شكل مشاكل في العلاقات وتكوينها، والمصابين بيعانوا من نوبات شديدة من الغضب والقلق والاكتئاب بتستمر من ساعات قليلة لأيام.
طب إيه هي الأعراض اللي بتظهر على المصابين بيه؟

بحسب تشخيص DSM-5، المصابون بيعانوا من تقلبات في المزاج وشكوك في تصورهم لنفسهم ودورهم في العالم ونتيجة كده اهتماماتهم وقيمهم ومبادئهم بتتغير بسرعة، كمان مبيبقاش عندهم وسط يا كل حاجة حلوة ياكل حاجة وحشة..
آراؤهم في الناس بتتغير فاللي يعتبر صديق
النهاردة بيقلب خاين أو عدو بكره..

ونتيجة المشاعر المتقلبة دي بيعانوا من علاقات غير مستقرة مع تقلب مشاعره تجاه أهله والمقربين بين التقرب والحب "المثالية" والكره الشديد "تقليل قيمتهم" كمان بيمارسوا سلوكيات متهورة من الجنس غير الآمن لتعاطي المخدرات والإدمان والسواقة المتهورة!

لكن الأعراض دي ممكن تكون دليل على حاجة غير BPD زي اضطرابات المزاج، وبيبدءوا يؤذوا نفسهم وتراودهم أفكار انتحارية مع صعوبة في الثقة بالناس والشعور بالانفصال والانعزالية.

الحقيقة مش كل الناس عندهم الأعراض كلها، لكن بعضهم بيبقى عنده القليل منها وكتير عندهم أعراض كتيرة..
والأعراض دي ممكن تظهر مع حاجات نشوفها عادية زي سفر الأشخاص المقربين، وشدة وتكرار واستمرارية الأعراض بتعتمد على الشخص وعلى مرضه..
طيب إيه الأسباب الممكنة؟

أما الأسباب فبرغم إنها مش واضحة إلا إن الأبحاث أوضحت تداخل عوامل وراثية مع تغير في تركيب ووظيفة الدماغ وعوامل اجتماعية وبيئية؛ كلهم بيلعبوا دور في ظهور الاضطراب ده..

ومن عوامل الخطورة:
1-التاريخ العائلي: لو فيه حد مصاب فاحتمالية إصابة بقية الأفراد عالية.
2-تغير تركيب ووظيفة الدماغ: خصوصًا تنظيم المشاعر والتحكم فيها، لكن لسه مش واضح هل التغيرات دي أعراض ولا عوامل خطورة.
٣-عوامل بيئية واجتماعية: زي حدوث حاجات مأساوية في الحياة زي العنف والتحرش.

وبرغم إن العوامل دي بتزود ظهور BPD إلا إن بعض الناس معندهمش العوامل دي وظهر عليهم الاضطراب عادي 🤷.
طيب إزاي أشخصه وإيه الاختبارات اللي بعملها؟

1-حوار كامل مع المريض بيشمل كلام عن الأعراض.
2-عمل فحوصات طبية عشان نستبعد الأسباب التانية للأعراض.
3-وأخيرًا السؤال عن التاريخ المرضي للعيلة بالذات الأمراض النفسية.

ولو أهمل المريض نفسه بتحصله التأثيرات السلبية دي 👇
وهنا نختم بمرحلة العلاج والتعايش..

رغم صعوبة العلاج تاريخيًّا إلا إن العلاج القائم على الأدلة قدر يقلل كمية وحدة الأعراض ولازم يتم عن طريق شخص متخصص مدرب فيه وأي علاج من دكتور أو أخصائي نفسي غير مدربين مش هيفيد المريض والعلاج مش هيظهر التحسن على طول فلازم المقربين من المريض يطمنوه ويدعموه ويصبروا.

أما الأشخاص اللي مبتاخدش علاج مناسب عرضة لأمراض مزمنة ونفسية مع صعوبة في اختيار نمط الحياة مع أفكار انتحارية بنسبة أعلى من عامة الناس..
الأشخاص دول لازم نساعدهم فورًا
ونوصلهم بدكتور أو أخصائي مدربين،

وأول خط للعلاج هو العلاج النفسي اللي بيشمل تغيير التفكير والسلوك Cognitive Behavioral"
Therapy CBT"
وتغيير اضطراب المشاعر والتحكم فيها عن طريق العلاج السلوكي المضاد
"Dialectical Behavioral Therapy DBT"
وهنا إزاي نقدر نتعامل مع الاضطراب صح 👇

المرض النفسي مرض زيه زي العضوي والجسدي ومش جنون زي ما الغالبية بتفكر؛ فكونوا خفاف وبسطاء في حياتكم وتعاملكم مع غيركم وراعوا مشاعرهم.
وفي الختام خالص دعائنا بالشفاء والصحة لكل المتعبين والمصابين والمكافحين حول العالم 🙏.

تابعونا على اليوتيوب وادعموا الفيديوهات لحين العودة بالموسم التاني بإذن الله♥️👇:
youtu.be

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد