رتبها

#بيقولك أبليس لقيوه خارج من عند الموظف بينهج ويكُح وحاطط إيدة على قلبه وبيقول سلام قولا من رب رحيم !! قالوا له مالك يا أبو الأباليس ؟؟قالهم الراجل دخل الصبح قعد على مكتبه وقال بسم الله الرحمن الرحيم توكلت على الله وشغل قرآن على الكمبيوتر طلعت أجرى من المكتب
شوية سمعتة بيضحك 👇👇

ويسب الدين لصاحبه والقرآن لسه شغال😲
بقيت محتار أدخل عشان المسخرة اللى جوة واللا أفضل بره عشان القرآن اللى شغال ؟؟!!شوية وشفته فاتح الدرج بياخد رشوة
قلت لا دا أنا أدخل بقى إنشالة أولع حتى !دخلت لقيتة ماسك الفلوس بيبوسها وبيقول الحمد لله اللهم ديمها نعمة واحفظها من الزوال !!👇👇👇

لخبط أمى بصراحة و خرجت جرى اتكعبل على وشى شوية ولقيتة بيكلم واحدة فى التليفون وبيتفق معاها على الساعة خمسة هايعملوا حاجات قلة أدب😲
دخلت جرى ما انا احب الحاجات دى موت بس فى أخر المكالمة لقيته بيقولها لا اله الا الله وهى بترد علية وتقولة محمد رسول الله فى حفظ الله يا حبيبى !! 👇👇

جابولى جلطة وشلل رعاش ولاد المفترية وجريت بسرعة
شوية والظهر أذن وقام صاحبنا لبس الشبشب بتاعه من تحت المكتب واتوضى وصلى وأنا زى المجنون وقلت خلاص بقى اليوم قفل
خلص صلاة من هنا ودخل لبس الشراب والجزمة ودخلت علية زميلته سونيا الجامدة لقيته بيبص على جسمها وعنيه هاتطلع على كل 👇👇👇

تفاصيلها والمشكلة إنه بيختم الصلاة وبيسبح !! أنا كـشيطان مابقتش عارف أعمل إية لدرجة إنى قولت أعوذ بالله من الشيطان وكنت هاحرق نفسى !!
المهم إنه يشتغل ابن المفترية ؟!
أبداً ..إنه يخلص مصلحة لحد ؟
مستحيل
وفى أخر اليوم لقيتة بيقفل الكمبيوتر وبيعد الفلوس اللى فى الدرج وبيقول 👇👇👇👇

كفاية كدة بقى على قد فلوسهم واتصل بمراتة فى التليفون وقالها أبداً ياحبيبتى مفيش بس طول النهار مطحون فى الشغل أدينا بنرضى ربنا علشان يباركلنا فى الحلال😲من حق مش هاقدر أجى النهاردة على الغدا لأن عندى اجتماع الساعة خمسة وهاروح أصلى العشاء جماعة لأن فيه درس دينى مهم جدا" نامى 👇👇👇

انتى يا حبيبتى😛
وخرج من مكتبه وعلى باب المصلحة شاف واحد فقير أخرج من جيبه عشرة جنيه وكرمشهم فى إيده قوى وهو بيقول لنفسه لازم إيدى الشمال ماتعرفش إيدى اليمين فيها كام وأعطاهم للغلبان وقال له إدعيلى يا حاج ربنا يسترها معايا !!
😂😂
بس يا سيدى وحسيت إنى باموت وعندى كَرشة 👇👇👇