ثريد طويل شوي عن انواع المغردين معليش تحملونا شوي وخذوها بروح رياضية … بسم الله بنبلش
النسناس : هيدا شغلته بس ينقل الحكي ويبعت سكرين شوت للجيوش الالكترونية
الحية : هيدي اخطر نوع وخصوصا باللقلقة بين الصبايا وخود ع تسسسس
الحمار : هيدا بكون عوني ما بتزبط الا الو . مركب راس حمار وغاشي
النعامة : هيدي بتقضيها اذا بيضربوا بنضرب وهيي اذا فرقعوا عندهم بالحي بينقض وضوءها
البومة : بأختصار : اسامة نور الدين الله لايحطه بديار حدا
القرد : هيدا لا بحل مشكل ولا بيسكت وبضل ينط من منشن لمنش
الثعلب : هيدا الخبيث يلي بعلق الناس ببعضها بعدين بسوق الشرف علينا
القطة : بتعمل حالها مسكينة وهيي من دي ام ل دي ام ما بتخلي حدا من لسانها
NGO هيدا بالوعة مصاري شغلته يقرط مشاريع مثل المنشار طالع اكل نازل اكل
الطاووس : اجمل شب بالمنطقة . امو دايما بتقول له يقبرني فصو الغالي . عادة عيونه ملونين وكل ساعة بنزل صورة .
اللحيس : هيدا مش شايف لحمة الا عند اللحام . بيتهيج ع فخاد دجاجة . فيك تتطربشه بحساب فيك حاطت صورة بنت بزها مبين
المتمسح : هيدا من اسمه مبين قد ما تسبه ما بتفرق معه واذا بتبزق عليه بقول الدنيا عم تشتي
النملة : هيدا فايت عتويتر ليطلع مصاري بكون عنده منتج بده يبيعه وبيصرع راسنا فيه كل ١٥ تغريدة ورا بعض
هيدا النوع بضل مش عارف الله وين حاطه بكون نازل قنبلة نووية بتلاقيه مغرد : صباح جميل كأبتسامتي
ابو قرون : في داعي نشرح او بتعرفوه ؟
العياش : بتشوف صوره بتفكره الوليد بن طلال وين في سيارة حلوة بيتصور حدا عشان نفكر انو هيدي سيارته . دايما صوره حامل سيغار
الدبة : مستحيل تفوت ع مطعم الا ماتصور الاكل يلي بتطلبه . ودايما بتكتب : تفضلوا . بنلحس الشاشة مثلا ؟
ابو ربها : ملك المنطقة الفاضية بضل عم يهدد ودايما صوره حامل سلاح . هوي المسوؤل عن كسخت القضايا عتويتر
السلحفاة : هيدي يلي عايشة ع مهلها . بتراقب من بعيد لا بتغرد ولا بترتوت ولا بتحط لايك مش عارفين اصلا ليه موجودة عتويتر
المتحرش : وين في بنت بتلاقيه عندها بالمنشن
الغامض : هيدا بتلاقيه كثير ناشط عتويتر بس ما بحط صورته . بتعرفوا امنيات وهيك
هيدا النوع يلي دايما صورها وهيي حاملة كباية ستاربكس واحتمال اذا سألتها من وين جبتي فستانك تقول لك من هارديز
هيدا تبع النادي ابو عضلات كل صوره بالنادي وبفرجينا ع جسمه الخزيق
هيدا بكون عايش بدبي وكل تغريداته بتبلش ب : عنا ب دبي
هيدا النوع ولا مرة كتب تغريدة هوي مألفها كل تغريداته مسروقة
هيدا الرقيب شكيب شغلته يعمل سكرين شوت ويبعتها لمسؤوله عشان يرفعوا دعوى
الهبلة : بتضل هابلتها وماشية نص الشعب مطربشها وبعدها بتوقع بالغرام من اول رتويت
المجومس : هيدا بنزل تغريدة وبكون فيها معلومة غلط ما بيمحيها لانه جابت رتويت كثير .
قائد الجيش الالكتروني العوني كل ما يعمل هاشتاغ وما يكون في تفاعل هوي بسرب فويس عم يبهدلهم فيه عشان الناس تفكره انو هوي حدا كثير حمش
هيدا اخطر نوع ما بتعرف مع مين بزقف مع يلي بزقفوا وبيبكي مع يلي بيبكوا واحيانا بكون اسمه بيار بس فاتح حساب بأسم علوشي عشان يعمل تفرقة
المعتر : هيدا النوع مسكين بفوت عتويتر ليضيع وقت بخاف يتفاعل كثير عشان ما يتحمس واذا تورط ما اله ضهر
هيدا النوع يلي بيقرفنا بتغريدة انو فصل الصيف تاج راسكم وانو هوي بضل ع البحر بس ما بيعرف يسبح لما يروح ع المسبح بضل يطلع وينزل ع الحفة مثل ظرف شاي ليبتون
هيدا النوع رايق كثير بس الله يعينكم اذا غضب
هيدي بكون شعرها طويل وبتقصه وبتقضيها شي ٦ اشهر عم تشكي وتنعي انو ليش قصت شعرها
النمس هيدا النوع دايما بتلاقي تغريداته كب حرام عشان يعمل مشكل حركة حزب ع تويتر
هيدا بكون مسيحي مثلا وكل تغريداته احاديث عن النبي والائمة . يا اخي تشيع وخلصنا بلا هل الجلقان
هيدا كمان عوني
هيدا النوع بتلاقيه الصبح الساعة ٦ منزل صورة ورد عتويتر مكتوب عليها صباح الخير …. انقرض ارجوك
هيدا النوع من المغرد بحبه . بغرد دايما عن اختصاصه وبمعلومات مفيدة
جاري تحميل الاقتراحات...