لأن الفارق بين البساطة والعبقرية لا يهم لوكا مودريتش!
أنا شوفت كل لاعيبة الكورة، حتى اللي لم أحضره في وقته إتفرجت على فيديوهات كافية إنها تجمع كل شيء يخصه،
مفيش لاعب كورة أدهشني زي ميسي وبعده مودريتش، وييجي بعدهم أي حد، سيبك من الأفضلية والبطولات.
ثريد عن لوكا مودريتش!
أنا شوفت كل لاعيبة الكورة، حتى اللي لم أحضره في وقته إتفرجت على فيديوهات كافية إنها تجمع كل شيء يخصه،
مفيش لاعب كورة أدهشني زي ميسي وبعده مودريتش، وييجي بعدهم أي حد، سيبك من الأفضلية والبطولات.
ثريد عن لوكا مودريتش!
دائمًا لما بيتقال عن مودريتش إنه 37 سنة وشوف بيعمل ايه في السن ده، بحس إن الموضوع فيه إنتقاص من قيمته بشكل غير مباشر عكس كل الناس،
أسوء شيء بيمر بيه لاعب كرة القدم المبهر اللي زي مودريتش، هو مقياس إبهاره ده، اللي غالبًا بيكون المقياس ده ناقص عند شريحة كبيرة من الناس،
أسوء شيء بيمر بيه لاعب كرة القدم المبهر اللي زي مودريتش، هو مقياس إبهاره ده، اللي غالبًا بيكون المقياس ده ناقص عند شريحة كبيرة من الناس،
مفيش أسوء من إنك تكون مدهش في أمور مش بيتم ذكرها والناس تقول إنك مدهش لأمور أقل من اللي أنت مدهش بسببها فعليًا،
ده شيء عانى منه ميسي، اللي لحد دلوقتي الناس بتتكلم عن بطولاته والبالون دور وأرقامه، رغم إن كل ده مهم لكن هو مش إستثنائي علشان كده، هو ميسي لأمور أكتر إستثنائية وتعقيد.
ده شيء عانى منه ميسي، اللي لحد دلوقتي الناس بتتكلم عن بطولاته والبالون دور وأرقامه، رغم إن كل ده مهم لكن هو مش إستثنائي علشان كده، هو ميسي لأمور أكتر إستثنائية وتعقيد.
عبقرية مودريتش مقياسها الأول عبارة عن اللي بيقدمه، مش علشان هو لسه بيقدم اللي بيقدمه وهو عنده 37 سنة، صحيح ده شيء إعجازي، لكنه وضع مودريتش في خانة 'الكبير سنًا اللي لسه متميز' وده،
الكلام ده تسبب في فكرة ذهنية عنه بالنسبة للكل، حتى أكبر الإداريين في الكورة عالميًا،
الكلام ده تسبب في فكرة ذهنية عنه بالنسبة للكل، حتى أكبر الإداريين في الكورة عالميًا،
يعني مثلًا رغم إن البالون دور جائزة مش مهمة بالنسبة لي بسبب معاييرها، لكن الكلام ده وضع مودريتش في المركز الـ29 في الموسم قبل الماضي حسب تصنيف الكرة الذهبية، رغم إنه قدم موسم إعجازي بكل معاني الكلمة رغم عدم حصوله على دوري الأبطال،
فأصبحت المشكلة إننا بنظلمه، مش بنمدحه فعليًا.
فأصبحت المشكلة إننا بنظلمه، مش بنمدحه فعليًا.
لو ربطنا بقى معيار السن باللي بيقدمه مودريتش، علشان نستكشف هو بيقدم ايه والطبيعي في عُمره يقدم ايه، هنكتشف إنه أسطوري 'حرفيًا' لأسباب كتير أوي، أهمها إن أي أيقونة في الوسط لفريق معين لما بيتقدم في العُمر والفريق مش بيكون عايز يخرّجه من الملعب، دوره بيتحول لدور متأخر،
يعني بيرجع ورا في الملعب؛ يلعب دور الريجيستا، أو يلعب دور في تنظيم اللعب مش في تطويره، يكون infield مش outfield؛ يشارك بمعدل أقل في الحدث في الثلثين المتقدمين لو مهاراته مميزة في الإختراق، لأن تطوير اللعب مُهلِك أكتر من تنظيمه، نقل مركزيات اللاعبين للأمام من خلال لاعب واحد،
الغريب إن مودريتش كل ما بيتقدم في العُمر، كل ما كان بيحصل على دور 'ريادي' وحر أكبر، بل الأغرب إنه آخر 3 مواسم، إنه بقى يعمل الإتنين، بل بمهام دفاعية إلتحامية أكبر، مش بس مهام في سرعة الإنتشار والتغطية العكسية ومساعدة الدفاع في الشكل الوقائي لمدريد من الكرات المكشوفة والثانية،
يعني زي ما هو واضح، بيرجع ياخد الكورة ويقود بها الهجمة أو التحول بنفسه، وينقل مركزيات مدريد للأمام، ويكون لاعب outlet لخط هجوم مدريد لو الخصم رجع بسرعة، يعني زاوية تمرير مباشرة للكل لو وقعوا في أزمة ضغط من الخصم، علشان الارتجال منهم لا يؤدي لقطع الكورة، ويحافظ على سرعة الإيقاع.
شمولية مودريتش بالنسبة لي من أغرب ما شوفت في الكورة، يعني كان الغريب بالنسبة لي مش إنه بيتقارن بتشافي أو إنييستا، بل إنه بيتقارن بالإتنين مرة واحدة، رغم إن تشافي وإنييستا بروفايلات مختلفة تمامًا؛
تشافي كان بيقود وينظم اللعب بشكل مش خارق، بل بشكل مش بيتكرر في العمر غير مرة واحدة، أذكى لاعب شوفته بعد ميسي، وإنييستا قدر يجمع بين العقل والمهارة الفردية وقدر يضفي على منظومة بيب بالإختراق العمودي في منظومة بتلعب بعرض الملعب، لأنه كان مهاري ومَرِن وذكي ومتدفق في كل أدوار الملعب،
لكن مودريتش بينظم اللعب وبيطوره وبشكل أسطوري في اللعب، الموضوع هنا ملوش علاقة بمين فيهم أفضل من مين؛ بيقدر يعرّض نفسه للحدث في ثلثي الملعب المتقدمين وبين الخطوط بإستمرار، وبترجع تلاقيه بيسقط لقبل المحاور علشان ينظم اللعب ويدرّج الكورة ويساعد مدريد على الترحيل، مع قوة بدنية هائلة،
وخلّوني أقف هنا وهنرجع تاني،
مفهوم الغالبية العظمى عن اللاعب البدني إنه الطويل مفتول العضلات صاحب الثنائيات والإفتكاكات، ده مفهوم خاطيء تمامًا؛ لاعب زي توماس مولر مثلًا إستثنائي في النقطة دي رغم إن جسمه عادي، تشافي أسطوري مش بس إستثنائي فيها، ليه؟
مفهوم الغالبية العظمى عن اللاعب البدني إنه الطويل مفتول العضلات صاحب الثنائيات والإفتكاكات، ده مفهوم خاطيء تمامًا؛ لاعب زي توماس مولر مثلًا إستثنائي في النقطة دي رغم إن جسمه عادي، تشافي أسطوري مش بس إستثنائي فيها، ليه؟
وده لأن اللاعب البدني لاعب بيقدر يجري ويضغط بكثافة كبيرة بنفس النسق، لاعب بيقدر يحمي كورته بظهره في حالات معينة وعنده توازن في الاحتكاكات العادية،
ده شيء ممكن نذكر السن فيه، مفيش حاجة إسمها مودريتش اللي عنده 37 سنة يمشي من الآنفيلد إمبارح وهو جاري مرة ونصف قد تاني لاعب بعده،
ده شيء ممكن نذكر السن فيه، مفيش حاجة إسمها مودريتش اللي عنده 37 سنة يمشي من الآنفيلد إمبارح وهو جاري مرة ونصف قد تاني لاعب بعده،
رغم إن أصلًا مدريد كان كتير جدًا بيلعب بالكورة، يعني مش مستدعي يعمل نسبة الجري دي، لكن مودريتش وَحش في الضغط العالي والعكسي، بيقطع الكورة كأن رجله عبارة عن مُلقاط، لأنه بيركز على مسار الكورة مش جسم اللاعب،
من هنا تقدر تفهم مرحلة وَعي مودريتش بقى، هو من اللاعبين اللي مش بيعملوا شيء إستفاضي؛ مش هتلاقيه بيأخذ قرار مش مناسب لمجرد إنه أخذه، لكنه بيأخذ القرار اللازم في الموقف المحدد لو يستدعي الأمر، فبيكون إستهلاكه لنفسه عبارة عن معدل منطقي حتى لو مش منطقي بالنسبة لعُمره.
أنا برده عايز الناس تفهم إن قيمة مودريتش أسطورية حرفيًا، يعني لو رجعنا للقصة من بدايتها، فريال مدريد مقدرش يواكب الكورة على الأرض ضد برشلونة بجيلها التاريخي إلا مع مودريتش، ولو عكسنا النقطة هنا هنلاقي مبرر منطقي لسبب سحق برشلونة لمدريد في أغلب مواجهات الفترة من 2008 لـ 2012،
وده لأن كورة مدريد كانت بدائية؛ ألونسو بيلعب الطولية لرونالدو سواء عالية أو على الأرض، اللي بيتحرك بعكس حركة بنزيما علشان عملية صنع المساحة الأفقية لرونالدو تتم، مع فرديات بحتة من أوزيل خلف الدفاع وسرعات بيل، لكن مودريتش قدر يكسر نصف ملعب برشلونة على الأقل بشكل أكبر من السابق،
لأنه مَرِن، الكلمة دي مش سهلة، مش بس حركيًا ومش بس في أسلوب إختراقه لنصف ملعب الخصم ومش بس في تكنيك تحركه بالكورة ضد المواجهات الفردية والثنائية للخصم، بل في التمريرات كمان،
يعني مثلا، موضوع إن مودريتش بيبقى مضغوط عليه ووشه لنصف ملعبه ويقدر يلف وسطه بـhalf-turn مبهر 180 درجة ويلعب قطرية لجناح مدريد على أقصى الفلانك اليمين من لمسة واحدة من غير ما يبص، ده غريب، الأغرب بقى إنه بيعملها 180 درجة للشمال برده من لمسة واحدة برجله الضعيفة من غير ما يبص،
صعب إن لاعب يكون مستريح ومرن في اللعب يحول مركز جسمه 360 درجة، ده شيء إعجازي، ليه؟ لأن أغلب اللاعبين بتشوف جنب واحد من الملعب والتاني blind side، إنما مودريتش بيلعب 180 درجة بظهره مش بيبقى باصص قبل ما يلعب الباص عشان يهرب من الضغط، ده بيساعده في أغلب الثنائيات مع الخصم لما يتضغط.
اللي عند مودريتش ده ملوش وصف غير إنه "self-regulated game"، أعلى درجات الحدس، بيتحول من معرفة واعية وسبب كل فعل وليه وازاي وإمتى، لمعرفة غير واعية وده ليفيل الوحش، بعد ما أتقن كل الجوانب ومر بها، فإحساسه هيقوله يعمل ايه من غير ما يكون فكر بشكل مسبق،
ده بيفسر ليه أي حد بيتفرج على مودريتش بعد ما إتفرج عليه ألف مرة قبل كده، إنه ينبهر به تاني، والتفسير ده إنه لسه بيقدر يبهرهم ويعمل حاجات غير عادية بتلقائية وسهولة غير مفهومة في أحيان كتير خصوصًا جسديًا، بشكل بيخليك مش مستوعب هو ازاي لسه بعد كل السنين دي بيقدر يفاجئك،
الاجابة إن بمرور الوقت الحدس ده بيتعاظم والإدراك بيتعزز وفيه نوعيات من المهارات والقدرات بتتضخم بمرور الوقت، مش بتقل، يعني مودريتش كل ما عُمره يكبر، هيقدر يقدم النسخة دي وأفضل، وده لغز غريب!
إنتهى الثريد!
شكرًا لوقتكم! ❤️🙏🏻
شكرًا لوقتكم! ❤️🙏🏻
جاري تحميل الاقتراحات...